الطارة معوجة سنة ............

**kofta** · 13-05-2013 12:54 PM

ازيكم يا شباب :)

و انا راجع من طريق السخنة دخلت فى حفرة غصب عنى حبيت اتفاداها و اخدها من نص العربية بس مش عرفت و اختها بالعجل الشمال كله

فوقفت و بصيت على الكاوتش لقيته عمل بلالين فى العجلة الشمال قدام و الشمال ورة فركبت الاستبن فى الشمال قدام و مشيت بطئ لحد ما وصلت بالسلامة الحمد لله

فجيت بقى تانى يوم اشتريت كاوتشتين Kumho نفس المقاس و كل حاجة فالراجل بتاع الكاوتش نقلى الفردة اليمين ورة شمال و خلى الاتنين الجداد قدام كلهم و من ساعتها لقيت الطارة اتعوجت سنة شمال

ده كدة ايه المشكلة ؟ المشكلة فى الكاوتش ولا فيه ايه بالظبط ؟؟؟

و هل لو وديتها لحد بتاع ظبط زوايا و ظبطلى الطارة هيبقى فيه مشكلة ؟؟ و لا استنى شوية لحد ما الكاوتش يطبع مثلا و امشى بيه شوية ؟؟؟؟

**aboamina** · 13-05-2013 01:08 PM

الموضوع بسيط وحله عند بتاع ظبط الزوايا

**excel_team2000** · 13-05-2013 01:17 PM

بريدجستون اللى فى شارع الجيزه عن تجربة

**a_arazik** · 13-05-2013 01:47 PM

اظبط زوايا عند بريدج ستون او الراجل اللي عند تاكي بجوار مسجد الشرطة

**kofta** · 13-05-2013 01:56 PM

يعنى الموضوع ده عادى مفيش حاجة فى العربية كدة ؟؟

و هروح لبتاع الزوايا اقوله ايه ؟؟؟ عايز اظبط الطارة و لا اقوله ايه بالظبط ؟؟ و هو لما يتغير كاوتش جديد لازم ظبط زوايا ده و يحصل فعلا اعوجاج فى الطارة ؟؟؟

**moumen_hs** · 13-05-2013 02:27 PM

بتاع زوايا وتقولة يظبط الزوايا لان العجل ممكن من الخبطة يترحل لورا أو لجوا وممكن تحتاج زرجينة المهم أنها حاجة بسيطة بس خد بالك أن يكون بتاع الزوايا عندة زرجينة أسالة الاول وفى بنزيمة شل مصر حلوان الزراعة خلف مستشفى المعادى العسكرى ضبط الزوايا 30 الزرجينة 40 لو العجلة محتاجة وتحياتى