عايز اجر شقه

**shaddadfalcon1** · 13-05-2013 08:43 PM

السلام عليكم

انا عايز ااجر شقتي واروح اجر شقه قريبه من الشغل عشان قرفت من الطريق والزحمه والبهدله

لما ااجر شقتي ازاي اعرف انسب سعر ولما حد يجي يتفرج ونتفق المفروض نتفق علي ايه وايه اللي يبقي عليه واللي يبقي عليا ؟ وهل بيبقي في تامين ولا مفيش؟ انا بسمع ان في ناس بتدفع 6 شهور مقدم والباقي شهر بشهر

الشقه هتبقي فاضيه مش مفروشه

وبرده لما اجي ااجر انا بقي شقه ليا المفروض اعمل ايه؟ والسمسار بياخد كام ؟

وهل حد عنده فكره عن الايجار في سيدي بشر قبلي لشقه في التامن من غير اسانسير؟
وشقه تكوت في مكان قريب من سموحه ؟

**Samah AbdAllah** · 14-05-2013 12:16 AM

هو المستاجر بيدفع شهرين تامين وبيدفع شهر بشهر عادى
والتامين بيكون عشان لو حصل اى تلفيات فى الشقة
ولو هتاجر فترة طويلة
بتكتب فى العقد ان الايجار بيزيد 10% كل سنة

**shaddadfalcon1** · 14-05-2013 12:55 AM

شكرا استاذه سما

**shaddadfalcon1** · 14-05-2013 12:56 AM

ياتري المفروض اسيب شقتي وااجر شقه قريبه من الشغل وادفع الفرق ولا اخليني في شقتي واستحمل كام سنه لحد مااعرف اشتري شقه تانيه وابيع اللي انا فيها ؟

**shaddadfalcon1** · 14-05-2013 08:49 AM

المشاركة الأصلية كتبت بواسطة algazar2

رأى
ان انت تشوف الفرق هيبقى حوالى كام
و مصاريف العربية فى الشهر عشان المشوار ده حوالى كام برضه

لو هتوفر يبقى تنقل طبعا لو زى بعض او الفرق بينهم مش كبير يبقى تنقل برضه و كفايه الوقت و المجهود و حرقة الدم و هلك العربية الى هايتوفر

لو الفرق كبير حتى مع مصاريف العربيه الى اتوفرت يبقى تستنى كام سنه لغايه ما تجيب حاجة احسن فى مكان احسن بس تبدأ تشوف من دلوقتى لان العقارات بتزيد بطريقة جامده

مستحيل اوفر

كده كده لازم هيبقي في فرق في الفلوس علي حسب المكان اللي هسكن فيه
يعني مش اقل من 300 جنيه مثلا بس الفكره بقي في الراحه

يعني انا دلوقتي بقيت بنعي هم الذهاب للشركه عشان الرجوع بيبقي مقرف لدرجة اني بستني اي حد يكون في طريقي عشان اخده معايا يسليني

**Samah AbdAllah** · 14-05-2013 01:55 AM

هى الفكرة هل تضمن تلاقى شقة تاجرها كام سنة ؟
لان مش معقول هتنقل كل سنة لان الموضوع ده مرهق جدا
بجانب ان غالبا الايجار فى سموحة هيكون غالى اوى

**shaddadfalcon1** · 14-05-2013 08:48 AM

المشاركة الأصلية كتبت بواسطة s a m a

هى الفكرة هل تضمن تلاقى شقة تاجرها كام سنة ؟
لان مش معقول هتنقل كل سنة لان الموضوع ده مرهق جدا
بجانب ان غالبا الايجار فى سموحة هيكون غالى اوى

فعلا دي اكتر نقطه مقلقاني
انا بكره قوي عدم الأستقرار وموضوع النقل من شقه للتانيه ده بيسببلي قلق وقرف لمدة شهرين تلاته وخايف فعلا اروح شقه وبعدها صاحبها يتنك عليا ويقولي سيبها وابقي بتشحطط في ايجار وانا عندي شقه تمليك

**malibuchevy** · 14-05-2013 01:31 PM

ريح راسك وهاتلك ريس حتوصل الشغل بدري وبسرعه

-

الموضوع: عايز اجر شقه

LinkBack

أدوات الموضوع

عرض

العرض المتطور

-

-

المواضيع المتشابهه

اللى عايز يعمل مسيره تاييد لمبارك (واللى مش عايز ) يشارك

عايز اجيب Gen 2 بس فى عيوب اتكلم بعض الاعضاء عنهم و عايز اتاكد منهم

لو عايز تفهم Aerodynamics او عايز تعدل فى شكل عربيتك صح يبقى لازم تدخل

الكلمات الدلالية لهذا الموضوع

المفضلات

المفضلات

ضوابط المشاركة