الموضوع: عايز اجر شقه

المشاركة الأصلية كتبت بواسطة shaddadfalcon1

لا الريس هيوديني الجنه :)

مينفعش عشان ممكن يتسرق بسهوله وانا مش بعرف اسوقهم غير اني عندي اولاد فمحتاج العربيه

ان شاء الله هشوف لو عرفت ااجر شقتي بسعر كويس ربنا يسهل بقي واهو هبقي ضمنت الأتني

1- مكان راقي وهادي
2- توفير زيت وبنزين واهلاك العربيه لاني لو جبت مكان قريب ممكن اروح مشي وبالتالي مش هختاج العربيه غير للفسحه وزيارة اهلي
3- الباص بتاع الولاد كل واحد هيقل حوالي 400 جنيه
4- حوالي ساعتين توفير كل يوم
5- المجهود والضغط العصبي
6- راحة البال

ان شاء الله هستخير واشوف كده

انا دلوقتي كل يوم خميس مش بروح الشغل اصلا وباخدده اجازه او بشتغل من البيت عشان لو رحت الشغل ورجعت سيدي بشر وبعدين روحت كفر الدوار لاهلي باخد تقريبا زي لما اروح القاهره :)

انقل يا باشا و كفاية توفير حرقة الدم فى السواقة و الزيت و البنزين للعربية فى المشوار بتاع كل يوم ده

طيب دلوقتي النجار اللي تحتنا بيقولي ان في زبون عايز ياجر وهو عريس هيتجوز فيها

المفروض بقي النجار ده اديله ايه؟ ولا هو هياخد من الزبون؟

انا كنت قايله علي رقم انا كنت ماجر بيه من 3 سنين في نفس العماره بس في الدور الأول علوي وهو بيقولي هنهزها شويه علي اساس اني طالب رقم كبير عشان هو يفاصل معايا

المشكله انه هييجي يفترج الأسبوع الجي وانا خايف اتفق معاه وبعدين ملاقيش حاجه مناسبة ليا قريبه من الشغل او الاقيها هتبقي غاليه قوي عليا

هل ينفع مثلا اقوله اني هاكد عليك في خلال شهر مثلا؟