مساعده بخصوص فيكترا 97

**احمد الصعيدي** · 14-05-2013 01:26 AM

السلام عليكم تحيه لكل الاوبلاويه ليا استفسار لو سمحتم كان عندي رشح زيت خفيف جدا لا يذكر وللأسف قررت اعالجه ذهبت للميكانيكي وقالي ده من جوان الكارتيره عاوز يتغير بس لازم نرفع الموتور علشان نغيره شيلنا اموتور غيرنا الجوان ركبنا الموتور دورنا العربيه كله تمام بس المروحه مش عاوزه تدور الميكانيكي لعب في بعض الاسلاك لقينا دخان طالع من عند عصايه الفتيس شال كابل البطاريه وشاف السلك اللي تحت العصايه لقيه ساح غيره وحط الكابل تاني دور دخان تاني من عند الفتيس وعند اسلاك في الحوض شال الكابل وقعد يلعب شويه تاني مادارتش خالص رحنا لكهربائي قال اسلاك سايحه في الضفيره عملها ومادارتش دلوقتي بيقول المبيوتر باظ وعاوزين غيره انا حاسس اني داخل في متاهات ملهاش اول من اخر وحاسس اني انا اللي جنيت علي العربيه لان موضوع الرشح ده كان حاجه لاتذكر ياتري ايه رأيكم ادام الله فضلكم

**hamdy916** · 14-05-2013 01:35 AM

حاول تروح لاى كهربائى اوبل افضل

**احمد الصعيدي** · 14-05-2013 01:42 AM

والله الميكانيكي كلم واحد تاني علي اللي حصل قاله تجيب ضفيره جديده وكمبيوتر وتجيبلي العربيه من غير ما يشوف اللي فيها انا خايف بعد مااشتري الحاجات دي تظلع المشكله بعيده عن الموضوع ده

**m7med_dola** · 14-05-2013 01:52 AM

روح لميكانيكي ثالث مش هتخسر حاجة و اتعب شوية فبل متشتري حاجة واحمد ربنا انا جت علي قد كده

**ehabahmed0** · 14-05-2013 08:02 AM

شوف كهربائي اوبل بيفهم فيهم عشان متدخلش في متاهات ملهاش حصر

**a_arazik** · 14-05-2013 08:45 AM

لازم تشوف حد بتاع اوبل بس انا اعرف واحد عند صقر قريش في المعادي بتاع اوبل بس والناس بتجيلة من اخر الدنيا وبعدين المفروض الميكانيكي هو اللي مسئول عن اللي حصل هو اللي يغير ويصلح طالما انتا موديلة العربية شغالة ومفيهاش حاجة

**hilal** · 14-05-2013 08:57 AM

الميكانيكي الله يسامحه اكيد نسي توصيل سلك الارضي بالموتور
حصلت معايا زمان في عربية سيات ، وفصلنا البطارية وبرضه الدخان شغال
انت المسئول لانه مش لازم يرفع الموتور عشان يركب جوان للكارتيرة
ميكانيكي غبي
لذلك انصح الجميع بضرورة تصوير الموتور من كافة الجوانب قبل رفعه بواسطة كاميرا الموبايل