الموضوع: تست درايف بلونيز

اوعى يا عم انت وهو الوحش وصل

تجربة قيادة مفاجئة :shock:

يقال عليها لفظ غير لطيف بالمرة فى اوساط المهتمين بالسيارات فى مصر

مكروه من كل من ركبها او حاول ركوبها او مقبل على ركوبها :lol:

معبودة الجماهير فى بلدها الاصلى لدرجة ان اسمها مشتق من اسم البلد نفسه

يقال عليها انها عربة دبابة او كتلة من الحديد تقيلة غبية ويطلق عليها ايضا اسم مشتق من جزء حساس جدا فى جسم الانسان حيث يخرج منه فضلاته

تجربة قيادة للبولونيز :shock:

نتكلم الاول على مميزات العربية من باب اذكروا محاسن موتاكم :)
العربية حتت داهية تمشى فى الشارع متخفش من اى حد اى حد كائنا من يكون لو حتى ميكروباص اتوبيس نص نقل الكل فى الشارع خايف منك وانت ماشي معظم الناس تلاقيها بتبصلك بحقد دفين على اساس ان معظهم عربياتهم مخبوطة قبل كده من البلونيز هى بلا منازع دراكولا الشارع المصرى فى الحقيقة . تخش فيها فى الرصيف تلاقى الرصيف اتكسر مود نور تلاقيه ثنى اى حاجة متقلقش .
معظم اللى موجود منها حاليا دواخلها فابريكا قليلا ما العربية تتشلفط فى حادثة وتحتاج ترش دواخل .
مشكلة العربية فى موتورها هى تحتاج الى موتور جبار لجر هذا الطن ونصف من الحديد على الاقل يركب فيها موتور دبابة 2500 cc
نيجى بقى للتيست دريف اول ما تخش العربية تحس كده بانقباض فى قلبك
تبدا عشان تدور العربية اععععععع يا مسهل كمان مره اعععععععععع اه الحمد لله دارت الحمد لله طبعا انا على طول التست دريف حاطط جنبى سجادة صلاة عشان كل ما تحصل حاجه اسجد سجدة شكر
المهم اول سجدة شكر العربية دارت طبعا لام تشد الشداد بتاع البنزين فى الاول كده عبال ما تسخن الحمد لله العربية جاهزة
تجيب الاول العربية تنط زى الحصان وده مش ميزة فى العربية بس انا لسه كنت مغيرلها اسطوانة دبرياج المهم توصل لحد 30 40 بالاول تجيب التانى شغال معاك لحد 70 80 التالت يجيب معاك لحد 90 95 تجيب الرابع يفتح لحد 130 تجيب الخامس يوصل لحد 140 150 عند 4000 لفة ار بى ام
العربية التسارع بتاعها بالنسبة لعربية قديمة ممتاز وبصراحه انا مش عارف ليه مع ان الموتور اللى محطوط فيها 1600 بس بس انا بكون شادد الشداد ولما بحب اجمع السرعات بسرعة
الحمد لله العربية عداداتها معظمها شغال يعنى سرعة اربى ام بنزين حرارة فده بيساعدنى وانا سايق مشكلة البولنيز انها يتسخن بسرعة لو دورة التبريد بتاعتها مش متظبطا
الفتيس بتاعها خمس سرعات عشان جاى مع الموتور الجديد من بورسعيد واحنا غيرنا موتورها بموتور بلونيز برده بس موديل 94 1600سي سي العربية ثابتة جدا على السرعات العالية اهم حاجه تكون الجنوط والكاوتش نضاف وبحاله جيدة والعفشة متربطه كويس على الطريق السريع وصلت بيها وهيا على الغيار الخامس الى 150 كم فى الساعة وكان لفات الموتور ساعيتها 4000 لفة قعدت ماشي مده على هذة السرعة يمكن اكتر من تلات تربع الطريق وانا جايب استرات 150 على طريق القاهرة السويس العربية بسم الله ما شاء الله عليها سحبها رهيب لدرجة انى جبت بيها فى بعض الفترات 180 كم فى الساعة وكان عدد لفات الموتور ساعيتها 5000 لفه انا مكنتش مصدق نفسي ساعيتها ةقعدت حولى ربع ساعة ماشي على 180 ببص فجاءة على عداد الحرارة لقيت الحرارة بتقرب من النص تقرب على 90 رحت نزلت تانى ل 140 مش حقولكم طبعا على دخان اللى كان طالع من العربية دخل الكابينة كنت حتعمى لولا انى فتحت الشبابيك كلها ومشت على 150 مكنش الدخان بيلحق يقعد فى العربية وطبعا متسالونيش على الاصوات عشان كنت حاطط الام بى ثرى فى ودانى وعمال بسمع ام كلثوم ومدى الدنيا اللى حواليا الطرشهس انا شلت السماعة سمعت صوت ونه رهيبة كان صوت عالى اوى رحت حاطط السناعة تانى على طول

حتقلولى ازاى عملت بالبولونيز كده ربنا يسامحوا بقى سبعاوى هو اللى قال على الطريقة زمان غيرتلها مرة واحده سلوك بوجيهات والبوجيهات ونظفت الكاربيراتير وركبت فلتر هوا وبنزين جداد وغيرت الزيت وظبط الشكمان وطلعت بيها على طريق العين السخنة واحدة واحد لحد ما جابت المية بعد كده جابتا 120 لحد مازصلت ساعيتها 130 وده كان اقصى سرعة
كانت العربية قبل كده مرفعة عشان والدى عنده عربية جديدة مكنش بيعبرها لحد ما علمنى عليها وانا بقيت بخدها المهم العربية قبل كده كانت سرعيتها لا تتعدى 90 كم فى الساعة بس بعد الشغل اللى عملتهاله فوق بقيت على طريق السفر ك شوية اضغط عليها لحد ما تجيب
لحد بعد كده ما بقيت ممكن تاخد طريق مصر السويس كله 140 150 طوالى مبيقلش عن كده

مشاكل العربية انها مش شكل خالص لما بحرق بيها بتاكل بنزين يعنى تاخد 20 لتر بنزين فى 360 كم
كل شوية الفرامل بتسيب لحد ما حيرتنى وحيرت الميكانيكية كلهم وبعتها

العزل بتاع الكابينة ضايع تحس انك حاطط فى بقك شكمان وعينيك تدمع وتبقى حالتك جواها بالبلى

عموما هى عربية تنفع للصعيد الحتت المتكسرة اللى محتاجه تكون راكب جيب بس معاكشي فلوس الجيب يبقى تركب بلونيز


اه نسيت اقولكم الحمد لله خلصنا من العربية وبيعناها ودلوقتى بقارن بين كذا عربية عشان اجيبها فى الصيف

معلش طولت عليكم مع تجربة قيادة البولوط......