كروت«السولار» أول يوليو والبنزين فى أغسطس ولا قيود على الكميات

**weels74** · 14-05-2013 09:56 AM

كروت«السولار» أول يوليو والبنزين فى أغسطس ولا قيود على الكميات

يارب يكون فعلا كلام صح لاقيود على الكميات لانى بصراحه كنت هاقلب الدنيا لو فى 5 ليتر دى مش عارف كنت هاعمل ايه بس اكيد كنت هاعمل حاجه

**wawoo** · 14-05-2013 10:12 AM

المشاركة الأصلية كتبت بواسطة weels74

كروت«السولار» أول يوليو والبنزين فى أغسطس ولا قيود على الكميات

يارب يكون فعلا كلام صح لاقيود على الكميات لانى بصراحه كنت هاقلب الدنيا لو فى 5 ليتر دى مش عارف كنت هاعمل ايه بس اكيد كنت هاعمل حاجه

نظام الكروت لو تم تطبيقة فان الهدف منة هو تحديد الكميات و ليس مكافحة التهريب كما يدعى المسؤل...و هو ما لن يتم غير بعد الانتخابات البرلمانية القادمةحتى لاتؤثر على الباقية المتبقية من شعبية هذا النظام المنهارة ..

يعنى حتكون خطوة نحو تحديد الكميات و ..حيتم تحديد الكميات بعد الانتخابات ..و كمان حتكون الكميات كبيرة فى الاول ..
و يتم بعد ذلك تخفيضها بالتدريج حتى تصل للنسبة التى يقرها البنك الدولى ...

يعنى يجب رفض هذا الاقتراح جملة و تفصيلا من بداية..

و لو الهدف مكافحة التهريب زى ما بيدعو ..كانو ببساطة قفلو انفاق غزة التى يمر من خلالها ملايين اليترات من المواد البترولية تحت سمع وبصر حكومة غزة المصرية

**IronHead** · 14-05-2013 10:13 AM

شكله خبر مضروب, لازمتها ايه الكروت ساعتها والمصاريف اللى هتتصرف من غير تحديد الكميه, شياكه؟

**akmm** · 14-05-2013 11:10 AM

فعلا الحل الجزرى في غلق الأنفاق ........ تهريب المواد البتروليه منها كبير جدا والملحوظ انه مفيش اى شكوى في غزه من نقص الوقود عامه .... يعنى حاجه البيت تحرم على الجامع ... ولا اييييه .؟ .

**weels74** · 14-05-2013 11:15 AM

المشاركة الأصلية كتبت بواسطة wawoo

نظام الكروت لو تم تطبيقة فان الهدف منة هو تحديد الكميات و ليس مكافحة التهريب كما يدعى المسؤل...و هو ما لن يتم غير بعد الانتخابات البرلمانية القادمةحتى لاتؤثر على الباقية المتبقية من شعبية هذا النظام المنهارة ..

يعنى حتكون خطوة نحو تحديد الكميات و ..حيتم تحديد الكميات بعد الانتخابات ..و كمان حتكون الكميات كبيرة فى الاول ..
و يتم بعد ذلك تخفيضها بالتدريج حتى تصل للنسبة التى يقرها البنك الدولى ...

يعنى يجب رفض هذا الاقتراح جملة و تفصيلا من بداية..

و لو الهدف مكافحة التهريب زى ما بيدعو ..كانو ببساطة قفلو انفاق غزة التى يمر من خلالها ملايين اليترات من المواد البترولية تحت سمع وبصر حكومة غزة المصرية

انا معاك انا حاسس انه قرار مشبوه وكل شويه يرموا بالونة اختبار ولما حسوا ان الناس هتولع فيهم لو عملوا كده , بس خلينا نقول بالرغم من ان احنا ملاك سيارات لكن انا مع ان الدعم على المواد البتروليه لازم يتقنن افضل من وضعه الحالى يعنى مثلا ماينفعش شركات استثماريه تستفيد من دعم الدوله للمواطن ماينفعش سفارات وشركات سياحه تستفيد من دعم مقدم للمواطن تمام وفى نقاط تانيه كتير يجب ان يعاد النظر فيها , لكن من الاخر انا حاس انه فى غموض وعدم شفافية مع هذة الحكومة الفاشله وخليك ورا الكداب لغاية لما يخنق نفسه

**احمد الصعيدي** · 14-05-2013 11:41 AM

ياجماعه الجواب النهائي لموضوع الوقود ده خمسه لتر يوميا لكل سياره بدون الالتزام بموضوع السعه اللتريه والباقي تشتريه سعادتك غير مدعوم علي ان يتم الغاء الدعم عن الوقود نهائيا خلال 3 سنوات

**weels74** · 14-05-2013 11:46 AM

المشاركة الأصلية كتبت بواسطة احمد الصعيدي

ياجماعه الجواب النهائي لموضوع الوقود ده خمسه لتر يوميا لكل سياره بدون الالتزام بموضوع السعه اللتريه والباقي تشتريه سعادتك غير مدعوم علي ان يتم الغاء الدعم عن الوقود نهائيا خلال 3 سنوات

هو الخبر اللى انا نشرته ده طازة يعنى من المصرى اليوم النهارده , خلينا نشوف لما يكون فى حاجه رسمى وساعتها نفكر نعمل ايه

طب مين عنده افكار ممكن نعمل ايه لو ده حصل

**wawoo** · 14-05-2013 01:15 PM

المشاركة الأصلية كتبت بواسطة احمد الصعيدي

ياجماعه الجواب النهائي لموضوع الوقود ده خمسه لتر يوميا لكل سياره بدون الالتزام بموضوع السعه اللتريه والباقي تشتريه سعادتك غير مدعوم علي ان يتم الغاء الدعم عن الوقود نهائيا خلال 3 سنوات

جميل ..ولية الغاء الدعم عن الوقود بس...

الغاء الدعم عن الوقود و رغيف العيش و عن العلاج ..و التعليم و رفع الجمارك عن كل حاجة ...

فى المقابل بقى ..اللى اشترى سيارة ب 80 جمارك عليها ...يرجعلة الفرق اللى دفعة
و كل الموظفين قطاع عام و خاص يقبضو بالرقم العلامى فى الوظيفة
يعنى مرتب الموظف و العامل يبداء من 2500 دولار فى الشهر مافيش مانع

الغاء الدعم حيكون كارثة على المستوى الاجتماعى فى بلد بيعانى من الفقر و البطالة و التخلف زى مصر...

لما مصر توصل كدة لمستوى دبى فى دخل الفرد و المعيشة ..ممكن وقتها تلغى الدعم و انت مطمن ...انما قبل كدة مينفعش

**S O P H O S** · 14-05-2013 04:54 PM

اعتقد الخبر غير دقيق

**michohat** · 14-05-2013 06:15 PM

بيلعبوا بينا
شغل صحافه و اشاعات
شوفوا كمان الخبر ده
البترول تنفي تحديد 150 لتر بنزين شهريا.. وتؤكد: نهدف لترشيد الدعم

البترول تنفي تحديد 150 لتر بنزين شهريا.. وتؤكد: نهدف لترشيد الدعم
كتب - محمد مصطفى:

قال مصدر بوزارة البترول إن ما تردد عن إلغاء الدعم على البنزين والسولار بدء من يوليو القادم عار تماما من الصحة، مشيرا إلى أنه لم يتم حتى الآن الوصول إلى قرار بشأن كيف ومتى سيتم ''ترشيد الدعم'' ليصل إلى مستحقيه.
وأكد المصدر، في تصريح لمصراوي، إن قرار إلغاء أو ترشيد الدعم سيكون من خلال قرار لمجلس الوزراء يُنشر في الجريدة الرسمية، موضحا أن المناقشات مازالت جارية حول ذلك.
وأضاف أن كل ما ينشر مجرد اجتهادات لم يصدر بها أية قرارات، ولكنه أوضح في الوقت ذاته أن الاتجاه يسير حاليا إلى تطبيق ''الكروت الذكية''، ولكن تتم المناقشات حاليا حول الكميات التي ستُصرف من خلال تلك الكروت، بعدما صرح مسئول في وقت سابق بأن الكروت الذكية سيُصرف من خلالها 150 لتر بنزين في الشهر للسيارة الملاكي، بما يعادل 5 لتر في اليوم، وهو ما أكد المصدر أنه لم ينفذ بعد.
كما لفت المصدر إلى أن الكميات التي تُطرح في السوق أكثر بكثير مما يحتاجه، مشيرا إلى أن الوزارة اتخذت إجراءات من أجل القضاء على أزمة البوتاجاز وهو ما نجحت فيه، وستسير على نفس النهج مع السولار والبنزين.
وكانت أخبار ترددت عن إلغاء الدعم على السولار والبنزين بدء من يوليو القادم، بعد وضع صندوق النقد الدولي لذلك ضمن الاشتراطات للحصول على القرض .