هل نحن حقاً في مصر بلد المنظرة؟؟؟؟؟

هل نحن حقاً في مصر بلد المنظرة؟؟؟؟؟
الإهتمام بالمظهر مهم وطبيعي بل من سنة النبي صلى الله عليه وسلم


لكن المبالغة فيه ومعاملة الناس على أساسه
وتقسيم الناس حسب ما يركبون أو ما يلبسون
وأن يضيق الإنسان على بيته ليحصل على مبلغ ليدفعه في اللبس الفلاني أو السيارة الفلانية التي تناسب برستيج سيادته رغم أنها لا تناسب جيب سيادته ؟؟؟؟؟!!!!!

هذا ما لم أراه واضحاً جليا إلا في مصر
جربت بعض الدول منها : (السعودية والأردن وليبيا)
ومسألة المنظرة في مصر بالنسبة للسعودية أو ليبيا كأنها مرض


منذ عامين صدر قرار باليابان يمنع اللبس الرسمي الكامل (البدلة بالجاكت) في فصل الصيف وذلك للتقليل من نفقات التكييف وبالتالى التقليل من إستهلاك الوقود وبالتالي التقليل من الإضرار بالبيئة
ونفس القرار أتخذ في أمريكا وأظن في الأمم المتحدة هذا الصيف

وأرى هنا أحد الشباب وهو قادم لحضور مقابلة شخصية وقد لبسة بدلة كاملة والقميص مغلق حتى تفاحة آدم ويتصبب عرقاً أقصد يصب عرقاً ذلك بسبب كلام الناس عن اللبس في المقابلات الشخصية

أحد أقاربي طبيب ويعمل بالخارج ومن أصل ريفي (فلاح) وعند ذهابه لأحد المصايف وعند دخوله لشاطيء القوات المسلحة بذلك الشاطيء وكان يرتدي عباية (جلباب مغربي) أخبره الأمن أنه ممنوع دخول شواطيء القوات المسلحة بالجلباب
فتعجب وأخذ يجادلهم بشدة بلا فائدة
وفي النهاية قال لهم لا يوجد إلا حل واحد
وقام بخلع الجلباب المغربي أمامهم ووقف بالبنطلون والفنيلة البيضاء الداخلية
وقال لهم كده ممنوع فقالوا لا ودخل الشاطيء هكذا

نفس ذلك الطبيب كان له ذات يوم مصلحة بوزارة مرموقة بوسط البلد ولم يجد مكان يوقف سيارته وما كان منه إلا أن أوقفها أمام باب الوزارة تماماً ونزل وإذا بالجميع يفتح له الباب وإتفضل سيادتك ودخل وقضى المصلحة في دقائق معدودة وعاد وركب سيارته ومشى

أحد المعارف ذهب للمصيف بشرم الشيخ أو شرخ الشيخ المهم عندما ذهبت زوجته وبنته لنزول البحر وهن محتشمات فوجئن بحارس على الشاطيء يخبرهن أنه ممنوع نزول البحر إلا بلباس البحر !!:censored:

هل جربت يوماً أن تتعامل مع الناس بعد نزولك من سيارة 128
ثم جربت التعامل مع نفس هؤلاء البشر ولكن بعد النزول من سيارة مرسيدس شبح سوداء

فهل نحن حقا في بلد المنظرة ؟؟؟؟؟؟؟؟

احنا بلد المنظرة و امها و ابوها و كل اقاربها
الكل باصص لغيره
و ده بيسبب حقد ما بين الافراد للوصول لامور استهلاكية ملهاش لازمة و مبالغات مالهاش اساس
و نرجع بعدما الدماغ اتملي بهذا الهراء نقيم الناس بناء علي هذه الخرفات
لابس ايه ساكن فيين
معاك خط و لا كارت و موديل الموبيل كام
شغال فيين و بتقبض كام و بتصيف فيين
سيارتك موديل كام و هل شكلها مغري و لافت للانظار بدون اي اهتمام لاداء او الاقتصاديات التشغيل

و نسينا ان البني ادم يتقيم باخلاقه و معاملته مع الناس و هوب تلاقي نفسك واقع في مشكلة جواز او تجارة مع شخص عبارة عن قشرة ملونة من بره و دواخل فاسده

حتي المظاهر وصلت من ضعف الايمان للاعتقاد بان كل صاحب دقن مؤمن تقي و لكن الكثير يستخبي ورا الدقن و يظلم الناس و ياكل حقوقهم

المشكلة في ضعف الوازع الديني و تكاتف قوي المجتمع و الاعلام علي تلميع و اظهار الاستهلاكيات و ربطها بمستوي الفرد
و مبقاش بابا و لا ماما فاضين للتربية و التعليم هما شغالين في الساقية علشان يغطوا الاحتياجات الاستهلاكية

المشكلة ظهرت في حقبة عبد الناصر و زادت مع عصر السادات و الانفتاح و السفر الي دول الخليج
و اصبحت واقع طبيعي في العهد الحالي و اللي مايعملش كده يبقي غريب عن المجتمع
كل المطلوب منك شنب صغير و عربية فامية او تشيل النمر و تبقي اسد الطرق المصرية
و الجنيه غلب الكارنية

اكيييد احنا بلد المنظرة
لما واحد يروح يستلف علشان يشترى موبايل بالفين جنيه
يبقى احنا بلد المنظره

دلوقتى تصنيف الناس وصل للموبايل (يعنى على اساس الموبايل اللى انت شايله)
للاسف ده ناتج عن عدم وجود نظام حقيقى فى مصر
واقصد بكلمة نظام يعنى سيستم (اسس وقواعد ورقابه وحريه والخ....)
وده نتج عن السطحيه والهمجيه اللى احنا عايشين فيها

ده طبيعي نتيجة ... دخولنا العصر الاستهلاكي ... ( عايشين الحلم الامريكي )
بس انا مش موافقك علي موضوع ان مصر ظاهر فيها الموضوع اكتر من السعودية
انت لو لاحظت كلام الموظفين الكبار في السعودية هتلاقيه لا يخرج عن القرض الفلاني اللي خده من سامبا عشان بناء الفيلا و ازاي عاوز يحوله علي الاهلي .. و تقسيط السيارة لا و لازم يصيف في تايلاند ... اشمعني تايلاند :1aa:
بس احنا في مصر عندنا الموضوع برضه من زمان .... زي المثل بتاع كل اللي يعجبك والبس اللي يعجب الناس غاوين منظرة من زمان
و برضه عشان احنا فين عيب النظرة السطحية للامور ...
ضيف علي كده فقدان الامل و الياس ... يعني هحوش ليه ... عشان اعمل مشروع ...ماهو هيتخرب و هتسرق وهفشل ..... لا يا عم انا استفاد بالملاليم و امنجه نفسي احسن

مش قاعدة يا جماعة

بس انا عجبني حكاية الراجل اللي ركن قدام باب الوزارة ده :))

مش مصر بس
كل الدول العربيه زينا و العن كمان
السعوديه و الامارات

بصراحة الموضوع ده منتشر جدا وبصراحة اكتر انا حاسس ان الموضوع ده فيا ومش عارف ابطله ومش عارف ايه الحل انا مش بابين قدام حد بس من جوايا بحس بيه جدا بس ربنا معايا واحاول ابطله من جوايا قبل ما يبقي قدام الناس ومش عارف هو ده كده يعتبر تكبر ولا نفاق ولا دي حاجة عندنا كلنا انا اخر موقف حصلي انهاردة ناس صحابي كانو بيوصلوني فانزلت قدام قهوة ناس صحاب تانية قاعدين عليها بصراحة من جوايا كنت حاسس اني نفسي يشوفوني نازل من عربية ايه بس الحمد لله ماشفونيش عشان محققش اللي في دماغي واني اتمنظر بحاجة حتي مش ملكي . بالمناسبة العربية كانت بي ام دبليو ام ثري كوبيه بصراحة عربية اسطورة ونفس الموقف حصلي بس كان بعربية eos
:d

بالفعل نحن بلد منظرة
نفتقد العدل و حب الآخرة

هل يري أحد مظهر من مظاهر العدل في التعاملات بين المصريين (و أنا منهم) و بعض
هل تري من معاملات المصريين ما يوضح حبهم في الآخرة و زهدهم في الحياة
أنا شخصيا لا أجد ذلك
المشكلة مش في الفئة الحاكمة أو المرفهه أو أو
المشكلة فينا إحنا ، استحققنا العذاب في الدنيا بأعمالنا التي تغضب الله
{ وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا }
فهل نعود؟

الناس كلها بتحقد على بعض و بتكرة بعض و اكبر مثال لكدا المنتدى الى احنا فية شوف فى كام موضوع بيتفتح علشان الناس تضيع و قتها فى خنقات تفها مع بعض

اقتباس:

---

المشاركة الأصلية كتبت بواسطة abcrino50

بصراحة الموضوع ده منتشر جدا وبصراحة اكتر انا حاسس ان الموضوع ده فيا ومش عارف ابطله ومش عارف ايه الحل انا مش بابين قدام حد بس من جوايا بحس بيه جدا بس ربنا معايا واحاول ابطله من جوايا قبل ما يبقي قدام الناس ومش عارف هو ده كده يعتبر تكبر ولا نفاق ولا دي حاجة عندنا كلنا انا اخر موقف حصلي انهاردة ناس صحابي كانو بيوصلوني فانزلت قدام قهوة ناس صحاب تانية قاعدين عليها بصراحة من جوايا كنت حاسس اني نفسي يشوفوني نازل من عربية ايه بس الحمد لله ماشفونيش عشان محققش اللي في دماغي واني اتمنظر بحاجة حتي مش ملكي . بالمناسبة العربية كانت بي ام دبليو ام ثري كوبيه بصراحة عربية اسطورة ونفس الموقف حصلي بس كان بعربية eos
:d

---

يا باشا احب احييك علي كونك انسان محترم ....ترغب في اصلاح المجتمع
لان اول خطوة في اصلاح المجتمع هي انك تبدء بنفسك
اسمحلي بقي انا دلوفتي بحسدك و نفسي ابقى زيك

اقتباس:

---

المشاركة الأصلية كتبت بواسطة hazem_khidr

مش مصر بس
كل الدول العربيه زينا و العن كمان
السعوديه و الامارات

---

تمام كده يا أستاذ حازم,
مش مصر بس اللى فيها منظرة, دى طبيعة انسانية فى العالم كله,
مش فى مصر و السعودية و الامارات بس, لا فى امريكا و اوروبا كمان,
بلاش كل المشاكل نقول أصل المصريين و أصل, كل العالم بيعانى من المشاكل الاجتماعية و الحمدالله احنا احسن من غيرنا فى حاجات كتير اجتماعيا على الأقل.

نفسى اعرف لو احنا بلد مظاهر ومنظره

طيب على نيله ايه ده احنا بقينا فى اخر الدول وصلنا للحضيض بنتمنظر على بعض

انا شايفه انه المنظره دى مرض شخصى يعنى كل واحد بيحب يتمنظر قدام غيره لان ثقته بنفسه مهزوزه والظاهر المجتمع كله مبقاش عنده ثقه فى نفسه وقلبناها منظره

واخر حاجه احنا ولا شى جمب المنظره اللى فى دول ثانيه واول مثال للفشخره والمنظره الكذابه دوله الكــــــــــــــــــــــ ــــــويت ويليها كثير واللى عاش هناك يعرف كويس

اقتباس:

---

المشاركة الأصلية كتبت بواسطة فادى

تمام كده يا أستاذ حازم,
مش مصر بس اللى فيها منظرة, دى طبيعة انسانية فى العالم كله,
مش فى مصر و السعودية و الامارات بس, لا فى امريكا و اوروبا كمان,
بلاش كل المشاكل نقول أصل المصريين و أصل,

---

ماشي يا أستاذ فادي
طيب خلينا في مصر لو فيها مشكلة إجتماعية نحلها

الهدف من موضوعي ليس المقارنة ولكن هو دعوة للبعد عن ظاهرة إجتماعية سيئة

طبعاً احنا بلد منظرة
المنظرة في الافراح
المنظرة في المأتم
المنظرة في حتي البيت يعني ما يبقي الشعب المصري الغلاء وكلة ولازم يكون فية حجرة سفرة للضيوف وطبعاً يوضع فيه طقم صيني يتجاورز 4 الف يبقي احنة شعب منظرة واليجنن ان تلاقي الشقة 2 حجرة وديقة وتلاقي عامل صالون وسفرة للضيوف وحابس نفسة هو وعيالة في حجرة واحدة

اقتباس:

---

المشاركة الأصلية كتبت بواسطة فادى

تمام كده يا أستاذ حازم,
مش مصر بس اللى فيها منظرة, دى طبيعة انسانية فى العالم كله,
مش فى مصر و السعودية و الامارات بس, لا فى امريكا و اوروبا كمان,
بلاش كل المشاكل نقول أصل المصريين و أصل, كل العالم بيعانى من المشاكل الاجتماعية و الحمدالله احنا احسن من غيرنا فى حاجات كتير اجتماعيا على الأقل.

---

Even in germany and Italy they show off with clothes, cars, watches

بمناسبة قرب قدوم شهر رمضان وما تقدم به الدكتور احمد من فتح موضوع هام وحساس للجميع انقل لكم هذا المقال لعلة يفيد من يرد الاستفادة مما قالة الله والرسول فى حق المتكبر ومتألق المظاهر هدى الله الجميع ونفعنى واياكم
( إِنَّ اللَّهَ لا يُحِبُّ مَنْ كَانَ مُخْتَالاً فَخُوراً )صدق الله العظيم

قال الله تعالى وقال موسى إني عذت بربي وربكم من كل متكبر لا يؤمن بيوم الحساب وقال الله تعالى إنه لا يحب المتكبرين وقال رسول الله بينما رجل يتبختر في مشيه إذ خسف الله به الأرض فهو يتجلل فيها إلى يوم القيامة وقال عليه الصلاة والسلام يحشر الجبارون المتكبرون يوم القيامة أمثال الذر يطؤهم الناس يغشاهم الذل من كل مكان وقال بعض السلف أول ذنب عصي الله به الكبر قال الله تعالى وإذ قلنا للملائكة اسجدوا لآدم فسجدوا إلا إبليس أبى واستكبر وكان من الكافرين فمن استكبر على الحق لم ينفعه إيمانه كما فعل إبليس وعن النبي قال لا يدخل الجنة أحد في قلبه مثقال ذرة من كبر رواه مسلم وقال الله تعالى إن الله لا يحب كل مختال فخور وقال قال الله تعالى العظمة إزاري والكبرياء ردائي فمن نازعني فيهما ألقيته في النار رواه مسلم المنازعة المجاذبة وقال اختصمت الجنة والنار فقالت الجنة مالي ما يدخلني إلا ضعفاء الناس وسقطهم وقالت النار أوثرت بالجبارين والمتكبرين الحديث وقال الله تعالى ولا تصعر خدك للناس ولا تمش في الأرض مرحا إن الله لا يحب كل مختال فخور أي لا تمل خدك معرضا متكبرا والمرح التبختر وقال سلمة بن الأكوع أكل رجل عند رسول الله بشماله قال كل بيمينك قال لا أستطيع فقال لا استطعت ما منعه إلا الكبر فما رفعها إلى فيه بعد رواه مسلم وقال عليه الصلاة والسلام ألا أخبركم بأهل النار كل عتل جواظ مستكبر العتل الغليظ الجافي والجواظ الجموع المنوع وقيل الضخم المختال في مشيته وقيل البطين عن ابن عمر رضي الله عنهما قال سمعت رسول الله يقول ما من رجل يختال في مشيته ويتعاظم في نفسه إلا لقي الله وهو عليه غضبان وصح من حديث أبي هريرة أول ثلاثة يدخلون النار أمير مسلط أي ظالم وغني لا يؤدي الزكاة وفقير فخور وفي صحيح البخاري عن رسول الله قال ثلاثة لا ينظر الله إليهم يوم القيامة ولا يزكيهم ولهم عذاب أليم المسبل والمنان والمنفق سلعته بالحلف الكاذب والمسبل هو الذي يسبل إزاره أو ثيابه أو سراويله حتى يكون إلى قدميه لأنه قال ما أسبل من الكعبين من الإزار فهو في النار وأشر الكبر الذي فيه من يتكبر على العباد بعلمه ويتعاظم في نفسه بفضيلته فإن هذا لم ينفعه علمه فإن من طلب العلم للآخرة كسره علمه وخشع قلبه واستكانت نفسه وكان على نفسه بالمرصاد فلا يفتر عنها بل يحاسبها كل وقت ويتفقدها فإن غفل عنها جمحت عن الطريق المستقيم وأهلكته ومن طلب العلم للفخر والرياسة وبطر على المسلمين وتحامق عليهم وازدراهم فهذا من أكبر الكبر ولا يدخل الجنة من كان في قلبه مثقال ذرة من كبر ولا حول ولا قوة إلا بالله العلي العظيم

منظرة درجة اوووووووووووووووووولى

طبعا ً إحنا بلد المنظرة ...

أبسط مثال عندك أي حد بينزل من الخليج في الأجازة ... لازم يتحمل التعب والمشقة ويقرف نفسه عشان ينزل بالعربية بتاعته في الخليج ... الي هيا متسواش هناك مليم ...

لكن لازم ينزل بيها هنا عشان يتفشخر براحته

طبعا منظرة
لما الناس بتستلف علشان تعمل افراح اخر شياكه وفى نفس الوقت الشقة عليها اقساط و الفرش اقساط

كل ده غباء مش منظرة

شوف يا باشا .. المنظرة مش منظرة فلوس و منظر و بس

انا شفت ناس بتتمنظر بكل ما يخطر علي البال

شفت اللي بيتمنظر بعربيته .. و اللي بيتمنظر بفلوسه
و اللي بيتمنظر بعلاقاته النسائية .. و اللي بيتمنظر بموبايله
و اللي بتتمنظر بجسمها و معارفها .. و اللي بتتمنظر بإنحرافها
و اللي بيتمنظر بتدينه .. و اللي بيتمنظر بالصلاة و العياذ بالله
و اللي و اللي و اللي ..

كل واحد بيشوف إيه اللي عنده و يتمنظر بيه .. أهي حاجة تسد عقد النقص

اقتباس:

---

المشاركة الأصلية كتبت بواسطة MoToRiZeR

كل واحد بيشوف إيه اللي عنده و يتمنظر بيه .. أهي حاجة تسد عقد النقص

---

The desire for a feeling of importance is one of the chief distinguishing differences between mankind and the animals :thinking:

أعتقد أن الكويت و السعودية هى بلد المنظرة أساسا و هناك يطلق عليها كلمة" الكاشخة"
يقال مثلا : فلان كاشخ - يعنى آخر شياكة
و قد أدت تلك الآفة بالكثير منهم للإستدانة و تحمل ما لا يطيقون فى سبيل المباهاة و المنظرة
ثم إنتقلت تلك العدوى للمصريين اللذين ذهبوا للعمل فى دول الخليج و نقلوها لأولادهم و ذويهم فى مصر و هى موجودة منذ عصور قديمة و لكنها زادت بعد الإنفتاح
كما أنها ترتبط بالمرحلة العمرية أكثر و قد لا حظت أنه كلما نضج الإنسان كلما إبتعد عن المنظرة و الفشخرة و أهتم بما هو اهم من المباهاة .
هل سافرت مثلا فى قطار القاهرة الإسكندرية أو العكس فى أى وقت من أوقات العام
سوف تعرض عليك نفسيات مريضة تتمنظر بطريقة غريبة .
سواء فى التحدث بصوت عالى فى التليفون المحمول أو بدمج بعض الكلمات الإنجليزية أو الفرنسية فى اللغة العامية أو فى إستعراض لاب توب لا يسوى شئ داخل القطار او حتى بالحديث العالى مع أصدقاؤه فى عربة القطار : و إدماج بعض العبارات التى لا لزوم لها فى الحديث لإطلاع أكبر قدر من الناس على مكانته الإجتماعية .
حدث مرة أن هدئ القطار من سرعته قبل محطة سيدى جابر بسبب بعض الإصلاحات فى السكة الحديد و هنا قام أحد الركاب بعلو صوته يخبر زميله فى آخر العربة أن العاملين فى السكة الحديد لن يتقدموا أبدا إذ أن تلك المنطقة التى يسير بها القطار دائمة العطل و أنه ذهب إلى إنجلترا منذ أربعة سنوات و حصل على الدكتوراه و رجع مصر و مازال العطل فى تلك المنطقة من الطريق .
الهدف هو أن يعرف التاس الراكبين معه فى الدرجة الثانية من القطار أنه حصل على الدكتوراه من إنجلترا .
و من ذلك كثير ما تعدش.....

المنظرة هي إحساس بالنقص و للأسف معظم الشعب بيتمنظر.. يبقى معظم الشعب عنده احساس بالنقص :shifty:
قضية منطقية :D

احنا آه بلد المنظرة و بلد اليفظ يا دكتور و يا باش مهندس.. مرة واحدة في الشغل عندنا كانت بتكلم واحد من ال candidates اللي مقدم عندنا السي في بتاعته و كان معاه دكتوراه في مش فاكرة ايه كده، فهي بتلقائية كده بتقول له يا أستاذ فلان يقوم هو مقاطعها و قايل لها دكتور فلان.. تقوم تقول له آسفة.. دكتور فلان.. و بعدين البنية يا عيني تنسى في وسط التركيز في الشغل و شوية كده و تقول له أستاذ فلان.. يقوم مقاطعها تاني و قايل لها قلت لحضرتك دكتور فلان.. فالبنت اتعلمت درس انها تقرا ال CV كويس اوي قبل ما تتصل بحد احسن يكون معاه بكالوريس هندسة و لا واخد دكتوراه في طريقة تقشير البتنجان و لا حاجة و تغلط في لقبه :D

على ذكر اليفط برضه كنا مرة في اجتماع لمجموعة باشتغل معاها و كان الاجتماع شامل أولياء أمور المتطوعين و المتطوعات فلاحظت انه فيه أم لما تيجي بتتكلم عن بنتها مش بتقول غير بنتي الدكتورة فلانة.. و تكررها كل مرة تقول اسم بنتها: بنتي الدكتورة فلانة.. ساعتها استغربت وقلت في نفسي هو حرام يعني حد يقول اسم الدكتور أو الدكتورة مجرد من غير ألقاب؟؟ بعدها بفترة كنت باتكلم مع البنت نفسها (الدكتورة) و لقيتها بتقول لي انا اتخرجت خلاص من كلية الطب و عايزة أشتغل في أي مجال غير الطب.. قلت لها نعمممممممممم؟ ليه؟ قالت لي أصلي مش حابة الطب خالص.. قلت لها طيب دخلتيها ليه؟ قالت لي عشان ماما كانت مصرة إني أدخلها.. قلت لها طيب كنتي ناقشي الموضوع أو صممي على رأيك من غير ما تغضبيها.. قالت لي المسألة للأسف بالنسبة لها كانت مسألة حياة أو موت :(

معلش بأه.. يخرب بيت اليفط اللي تعمل في الناس كده :pissedoff:

yes we are.....during eid prayer, I wore pants and shirt and I put a nice cologne on and I went to pray with my friends and when we came back we stood under my building and beggers came to me and asked for money yet we were like 10 friends standing and talking to each other.

All my friends were either wearing galabeya beda and slippers or jeans and a tshirt and also slippers and here I was wearing pants and a shirt and black shoes (I was going to bet el 3eela so I had to dress up) so I screamed at those beggers and I told them why is everyone asking me when there are 10 others...and I screamed and they left......

same thing happened during ramadan....ppl would run towards an expensive car because they think they will give them food....but when a 128 stops to give food, they walk to the 128 and not run to it!!!! because they probably think that the owner is cheap and doesnt have good food (meat or chicken)

اقتباس:

---

المشاركة الأصلية كتبت بواسطة egyptianmafia

so I screamed at those beggers and I told them why is everyone asking me when there are 10 others...and I screamed and they left......

---

وأما السائل فلا تنهر.

اقتباس:

---

المشاركة الأصلية كتبت بواسطة homme49

أعتقد أن الكويت و السعودية هى بلد المنظرة أساسا و هناك يطلق عليها كلمة" الكاشخة"
يقال مثلا : فلان كاشخ - يعنى آخر شياكة
و قد أدت تلك الآفة بالكثير منهم للإستدانة و تحمل ما لا يطيقون فى سبيل المباهاة و المنظرة
.....

---

كلاااااااااام صحيح ميه في الميه

اينعم نحن بلد منظرة و عجبى يبئى مش لائى ياكل و يتمنظر المشكله مش فى المنظرة المشكلة انها مش ليقة

صاحب مصنع مكافح ذهب الي اجانس سيارت لكي يشتري سياره وقف امام سياره شروكي ذهب اليه البائع وقال له عايز ايه
قاله عايز اشتريها ضحك البائع وقال له وماله ها تشتريها كاش واللي قسط
المهم قال انت عارف ثمنها كام
نظر اليه صاحب المصنع نظره استغراب وقاله اظن ده شغلك تقول سعرها فين صاحب المعرض
وتوجه الي الداخل واشتري السياره وتسبب في رفد البائع
قصه حقيقيه امام عيني