لو قدامك تشتري لانسر EX هاف سبورت خليجي ( زينون - cd - 2 ايرباج وباقي المواصفات ) ب 123000 ، وقدامك مازدا3 ايرو ب 140000 ،
تشتري ايه ،
عرض للطباعة
لو قدامك تشتري لانسر EX هاف سبورت خليجي ( زينون - cd - 2 ايرباج وباقي المواصفات ) ب 123000 ، وقدامك مازدا3 ايرو ب 140000 ،
تشتري ايه ،
Lancer EX طبعاااااا
ليه ، يا ريت بس اعرف اسباب الأختيار عشان تساعدني في التفكير ، لأن مهلة الأختيار قدامي يوم بساقتباس:
المشاركة الأصلية كتبت بواسطة Rsarabia
متسمعش كلامى ولا كلام اى حد انزل شوف العربيتين على الطبيعة و جرب تسوق دى و تسوق دى و شوف انت هتحب مين اكتر :gunsmilie:اقتباس:
المشاركة الأصلية كتبت بواسطة justs
انا فعلا شوفت دي ودي وجربتهم بس الفكره اني محتار جدا ، وكمان بالأسعار دي الموضوع يحير اكتر ، فعاوز اعرف وجهة نظر الناس ، وما خاب من استشاراقتباس:
المشاركة الأصلية كتبت بواسطة Rsarabia
وليه مش الgls يعنى قارن لانسر كامله ب مازدا كامله
مش متوفرة حاليا في السعوديه ، وهو ده الأختيار اللي قدامي ، وبعدين في الخليجي متهيألي الفرق في فتحة الصقف والاسبويلر بس ، ودول مش مهمين عندي خالصاقتباس:
المشاركة الأصلية كتبت بواسطة zAzU
ازيك يا باشمهندس خالد..عامل ايه؟؟
لو عايز رائي.. انا افضل اللنسر لاني كل الريفيوهات عليها عاليه جدا".. ده بالاضافه اني كنت بكلم ناس النهارده معاها المازدا..شكروا فيها في المجمل بس اليي مضايقهم فيها قوي الوسع الداخلي للكنبه الخلفيه+ ارتفاعها واطي جدا" مع المطبات+ عدم توافر قطع الغيار..
المازدا شكلها جميل اوي
العربيتين تحفه وانا سوقتهم وهقولك رايي فيهم بصراحه
اولا الانسر في فرق واضح جدا بينها وبين الانسر البوما في الخامات والشياكه الداخليه والاوبشنز طقم الصوت وامبلي فاير وعداد شيك جدا وشاشه كمبيوتر وكمان وسع داخلي زي الفل
العفشه متقدرش تقول ناعمه ومتقدرش تقول خشنه بس هي متوسطه على المطبات والنقر والشوارع الغير ممهده يعني ممكن تمشي بيها في شارع مكسر عادي من غير ما تكون ماشي على 10
الثبات بتاع العربيه دي جيد يعني تعتبر عربيه تسعفك وعلى الملفات حلوه هي تعتبر عربيه عائليه زي الفل والعفشه بتاعتها مع انها ثابته بس مشيها على الطريق مش المشي الرياضي البحت
احلى ما في العربيه بالمقارنه بالموديل القديم وصله التعليق الخلفيه حاجه روعه فعلا في امتصاص الصدمات والركاب في الخلف مش بيتنططوا ولا بيحسوا بحاجه ومع ذالك المازدا متفوقه عليها
الجير الاوتو زي الفل متقدرش تقول عليه سريع الاستجابه ولا بطيئ الاستجابه طبيعي
نيجي بقى للمازدا خامات طبلون تحفه تحفه تحفه صباح الشياكه ودي نقطه متفوقه فيها المازذا من اول ما نزلت سحب افضل من الانسر عفشه بقى فعلا جدا ممتازه تجمع بين الاداء والمشي الرياضي على الطريق وبين النعومه وان مفيش اي احساس بالمطاب ولا تخبيط جوه الكابينه وحتى الركاب الي ورا وعلى كل السرعات وعلى اي مفصلات العربيه ثابته ومفيش اي تنطيط
عيبوها فعلا قطع غيارها غاليه بس اكييد معمره يعني كان واحد صاحبي جاب جوز مساعدين ب 1500 جنيه بس كان مغيرهم على 150 الف كيلو وده حلو عشان الواد مبهدل عربيته جدا جدا
ثباتها وراحه افضل من الانسر وعلى الملفات افضل من الانسر
الكنبه الخلفيه ضيقه بس لو عيله مش طوال هيبقوا مرتاحين وهي فعلا عربيه واطيه وبتحك كتير لو مخدش بالك وعاملتها كانها عربيه عاديه
جير المازدا لا غبار عليه جير ممتاز لابعد الحدود
قطع الغيار المازذا غاليه بس بقت متوفره وفي مركز في الحرفيين اسمه زيزو تقريبا بتاع مازذا وفي كزا مركز للمازدا
الانسر قطع غيارها اعتقد انها هتكون برضو معمره وهتكون برضو نار عشان عربيه جديده لسه
العموما العربيتين زي الفل مع فرق مش هيين لصالح المازدا في الثبات والعفشه
وفرق برضو لصالح النسر من ناحيه الوسع والعائليه والاوبشن الكتيره
يعني في نظري لو شاب يركب مازدا عيله تركب لانسر
وانا عن نفسي في كل الاحوال اركب المازذا