الموضوع: سيات قرطبه خليجى مانيوال

العربية ممتازة و جميلة جدا و هتعجبك و بشهادة كل اللي جربها او امتلكها العربية تحفه


اما بقي موضوع الصيانة مش عارف ليه الناس بتفتي اي ميكانيكي بيفهم في الابيزا هيشتغل فيها عادي و موجودين كتير علي سبيل المثال الميكانيكي بتاعي انا في البحر الاعظم دايس العربيات دي كلها و جنبي هنا في الهرم في مركز اسمه ماستر فولكس متخصصين في العربيات دي بس بيغلوا الاسعار جدا جدا و مش كويسين في مركز تاني قريب مني فاتح جديد سمعت انه كويس اوي و شغال في الجديد كله و بالاجهزة لو عايز الحرفيين موجودين برضه

اما قطع الغيار مش عارف ليه الفتي الجامد ده هي قطع غيار البولو و الابيزا اللي موجودة في كل حته عند بتوع قطع الغيار عندك مثلا
1-التوكيل عنده كل قفطع غيارها
2-فولكس هاوس
3-سامح ابيزا
4-فتح الباب
5-سامح ابيزا في شارع شامبليون

و اي حاجة تحتاجها ليها قولي بس و عموما العربية مش هتحتاج قطع غاير بمعني الكلمة يعني الا ادااااااااااااااااام انما هتحتاج بس الصيانة العادية

اما قطع الغيار فهي غالية شوية فعلا بس قطع الماني يعني ارميها و انساها

ما هو ده اللى بقوله...بس ملقيتش حد واقف فى صفى ..تخيل لما كل اللى حواليك يقولك بلاش هتاخد مقلب....خليك فى المنتشر....المهم انى قررت اتوكل على ربنا واجيبها ..مش عشان حاجة بس عشان بعشق حاجة اسمها سيات..من ايام التوليدو القديمة.....بس المهم تعرف مكان اروح اسأل فيه على قطع غيار القرطبه بالتفصيل؟ عشان اخد فكرة عن التصليح قطع الغيار؟ شكرا لردك يا محمد ....اسف لو كنت بعطلك

المشاركة الأصلية كتبت بواسطة Alyyoussef

ما هو ده اللى بقوله...بس ملقيتش حد واقف فى صفى ..تخيل لما كل اللى حواليك يقولك بلاش هتاخد مقلب....خليك فى المنتشر....المهم انى قررت اتوكل على ربنا واجيبها ..مش عشان حاجة بس عشان بعشق حاجة اسمها سيات..من ايام التوليدو القديمة.....بس المهم تعرف مكان اروح اسأل فيه على قطع غيار القرطبه بالتفصيل؟ عشان اخد فكرة عن التصليح قطع الغيار؟ شكرا لردك يا محمد ....اسف لو كنت بعطلك

ناس غريبة جدا يعني قال يعني المنتشر احسن منها يعني مثلا الفيرنا ماهي منتشرة في كل شارع و حارة معني كده انها احسن لا طبعا

انا قلتلك اماكن كتير لقطع الغيار عندك التوكيل مثلا ممكن تسأل فيه نمرة بتوع قطع الغيار 25890414 بس في التليفون ممكن يقولولك الحاجة مش موجودة و روح اسأل في مركز الخدمة هما بينفضوا في التليفون حصلت معايا انما حاجةتها موجودة و تمام التمام
و عندك فتح الباب قريب من التوفيقية كده

شكرا يا محمد....هروح وهقولك ايه الاخبار

إن شاء الله نبارك لك قريب ....بس هو إيه الفرق بين المصري و الخليجي ...سعر و مواصفات يعني

المشاركة الأصلية كتبت بواسطة tutankhamoun

أولا عربيات سيات عربيات محترمة و فيها مواتير محترمة من شركة محترمة و العربية القرطبة كويسة قوي و هي هي الإبيزا على سيدان
بس مش عارف الجديدة اخبارها أيه من ناحية مقارنة موتورها بموتور الإبيزا الجديد

المهم أنها عربية محترمة

بس لي تعليق
حضرتك قلت إن الهيونداي و اللانسر زبالة
و أنا أختلف معاك تماما
أولا اللانسر عربية كويسة جدا و محترمة
بس هي واخدة أكتر من حقها بس
إنما زبالة دي ............ لا أعتقد و لو كانت كذلك ما كانت باعت بالعدد ده رغم جشع أسعار التوكيل

و نيجي للهيونداي
حضرتك عممت الماركة كلها و قلت عليها زبالة
و برضه بأختلف معاك
ماركة هيونداي ماركة أصبح لها شأن كبير و معظم سيارتهم سيارات يعتمد عليها
و إن كنت تقصد الفيرنا
الفيرنا مش زبالة و لا حاجة ..... عربية فيها مميزات و عيوب و سعرها معقول

و لو قارنت القرطبة باللانسر مثلا
هاتلاقي اللانسر تكسب في الآتي
- سعر اعادة بيع
- توافر قطع غيار ( أصلي و تايواني و صيني )
- توكيلها أفضل

القرطبة تكسب في باقي الحاجات
- غير منتشرة مما يعطيك تميز في الشارع
- عربية محترمة جدا و جميلة في الشكل و أجمل من اللانسر كله
- سعرها إلى حدا ما معقول
- هاتنضم لعصابة سيات في نايل موتورز



و أنا في الآخر ارشحلك طبعا القرطبة و بأشجعك تشتريها
و معاك 100 % و أتكل على الله و هاتها فلن تندم أبدا إلا إذا قررت البيع قريبا

متفق معاك يا توت في رأيك في لانسر العربية حلوة مش وحشة طبعا بس اللي راكب لانسر بيحسسني انه راكب بوجاتي:D مش زيها زي اي عربية ليها عيوب و مميزات

اما هيونداي بصراحة هيونداي كتوافر قطع غيار و سعر القطع و اعادة البيع حلوة انما لو قارننا اعتمادية هيونداي بسيات علي ارض الواقع و في شوارع مصر هيونداي خسرانه لا محاله انما طبعا الناس بتشتريها عشان عربية بياعة اكتر بكتير من سيات و العربية نفسها رخيصة مش غالية