أخيرا حليت مشكله بلوتوث السامسونج s3 مع الفلونس

**MARTINDALE** · 14-05-2013 11:42 PM

اخواني الافاضل

انا كان عندى مشكله كبيره في ربط السامسونج S3 مع الفلونس

, وكانت المشكله بتظهر لما يطلب من التليفون الموافقه على ان بلوتوث العربيه يدخل على قائمه الكونتاكت , بعدها بيهنج البلوتوث في العربيه ويفضل يفصل ويرجع تاني

.
ولاحظت كذا عضو عندهم المشكله دي
http://www.nilemotors.net/Nile/326842-a-2.html
و
http://www.nilemotors.net/Nile/345786-a.html

ولاني بعيد عنكم كنت موقوف ((لسه والله راجع من اقل من ساعه)) فكان عندي وقت فراغ كبير

, قلت استغله في البحث عن حل

, لكن للاسف مالقيتش اي حل على النت مع اني قلبت كل المواضيع اللي بتتكلم عن حالات شبيهه

, كل اللي لقيته زياده في عدد الاشخاص اللي عندهم المشكله دي

.
المهم اني في النهايه قلت همشي على مبدأ يا صلحت يا اتنين عور . قررت اني اعمل Restore factory setting

.
عملت Backup لقائمه التليفونات على موقع phonecopy وابتديت اعمل ريستور

, ومش عايز اوصفلكم اللحظات الحرجه لما كان الجهاز بيقولي فيما معناه ان كل بياناتك ومعلوماتك هتفقدها !!!!!!

المهم بعد الريستور شغلت الجهاز ونزلت للعربيه اجرب ............................ ياللهول المشكله والحمدلله اتحلت

.0
رجعت قائمه التليفونات تاني وجربت والحمدلله اختفت المشكله تماما .

مراسلكم د.احمد لسه راجع من الايقاف

**ahmed_su** · 15-05-2013 01:07 AM

مبروك مرتين على الرجوع وعلى حل المشكلة

الله ينور

**S O P H O S** · 20-05-2013 02:56 AM

مبروك

**latief** · 13-07-2015 03:01 PM

السلام عليكم , انا عارف ان الرد ده هيبقى قديم جدا دلوقتى , بس انا بقالى كتير جدا كانت عندى نفس مشكلة ان التليفون يوصل على العربية و بعدين يفصل كل شوية . فانا كنت بس حابب اشارككو بالحل اللى انا لقيته بعد شوية تدوير , فى برنامج ظريف جدا موجود على السوق بتاع اندرويد اسمه :-
Bluetooth PhoneBook
https://play.google.com/store/apps/d...sap.irmc&hl=en
طبعا هو البرنامج ده ب14 جنيه من على جوجل ستور و ممكن تشتريه بالكريديت كارد بتاعك و تشغيله بسيط خالص. بقالى يومين بوصل على العربية الحمد لله من غير موال الفصل كل شوية