ياجدعان هتجنن كل واحد يقولي كيلو شكل
ياريت اللي متأكد يقولي بيعمل كام كيلو
عرض للطباعة
ياجدعان هتجنن كل واحد يقولي كيلو شكل
ياريت اللي متأكد يقولي بيعمل كام كيلو
2000 كيلو الأحمر
3000 كيلو الأصفر
1000 الى 1500 الأبيض
انا بحط الاحمر و الراجل قالي 2000 كيلو و ممكن معاك كمان لحد2500
و بالذات لو العربية قديمة مش هتفرق حاجة لو الوتور كويس
الجركن الاحمر من 2000 كيلو الي 2500 كيلو انا بستعملة ممتاز
ليس أقل من 3000 كلم
وممكن أكثر لو لون الزيت ولزوجته كويسه
لا طبعا اللون ليه علاقه بردو...
ايه فائدة ان الزيت محتفظ بلزوجته بس مليان رواسب وشوائب ؟؟؟؟
3000 حلو عليه اوى
3000 كيلو كما قال الاخوة
هو أصلا ألف لكن الناس بيغيروه كل الفين في العربيات الجديدة
انا كنت باسمع من النت إن اللون ملهوش علاقة باللزوجة ، والزيوت ممكن تمشي أضعاف اللي بيقولو عليه ، المهم فقلت أجرب عملي وسبت زيت من اللي بيمشي 1000 لغاية 3000 وكان لونه مغير لكن لزوجته كويسة زي الأول
وبدأت ألاحظ إن العربية مش منتظمة وبتسقف كتير على المطالع من غير سبب ولو اخد غيار أعلى بيترقص مش بتسقف ، ومكنتش متوقع إن ده بسبب الزيت ولما غيرته الأمور رجعت تمام وزي الأول ، وكان بنفس التفويلة الأخيرة يعني الموضوع بعيد عن البنزين .
ولو مش مقتنع جرب بنفسك والتجربة خير دليل .:S_thum1[1]:
الجماعة اللي بيبيعوا الزيت بيقولوا انه بيتغير كل 1000-1200 لكن الناس اللي بيستعملوه بيغيروه على 2000 ، ولما أنا كنت باستعمله كنت باغيره على 1800 ولقيته سيء جداا فغيرت النوع أصلا
لكن المشكلة إن الزيوت مش مكتوب عليها تتغير كل كام ، فكل واحد بيغيره على مزاجه.
ومن تجربتي شايف إن الزيت المفروض يتغير لما لونه يبقى أحمر وقبل ما يسود ، وشوف هيحصلله كده بعد كام كيلومتر وغيره كل الفترة دي.:S_thum1[1]:
انا بحط شيل الأحمر
وبنزله علي 2000 وبينزل فيه لزوجه عاليه جدا يعني ممكن يكمل كمان 1000 كيلو
انا في الشتا كنت بحط موبيل ال 1000وكان زباله جدا عند ال 1000 تلاقيه بقي شوربه مش زيت
لكن لما جربت شيل عجبني جدا
وانا مره كنت مش فاضي ونزلته علي 3100 وكان نازل حلو مش وحش
وعلي فكره شيل مهدي صوت المكنه عندي عكس موبيل
يا جماعه انا مش بمشى بالعربية كتير وبحط شل الاصفر 3000 و مغير زيت من رمضان الى فات و لغايه دلوقتى عامل 1600 كيلو بس .. يعنى داخل فى 4 شهور
تنصحونى بايه انا عايز احط زيت 1000 او 2000 بس علشان كده حرام مش بمشى كتير بالعربيه وممكن الزيت يبوظ
سؤالى هو زيت ال 3000 بيقعد 3 شهور او تخلص ال 3000 كيلو او ايهما اقرب ...
طيب زيت او 1000 او ال 2000 كيلو بس بيقعد كام شهر؟؟؟
المرة الى فاتت نسيت ميعاد تغيير الزيت و قعدت 10 شهور ونص مغيرتوش .. و دلوقتى لقيت عند الموتور من ناحيه الشمال ترشيح زيت بسيط او تعريق زى ما بيقولو ... فنا قلت ان ممكن نسيان ميعاد تغيير الزيت الدورى هو السبب
ومعلش برضه ممكن اعرف اضرار عدم تغيير الزيت فى ميعاده ايه هى؟؟
اسف للاطاله و شكرا
شيل الاصفر 5000 الا هو ب105 جنيه دى تقربيا فى توكيلات بتحط دى وهو 5 الاف
بصراحه معرفش الاحمر بكام
فى مفجاة فى اخر الموضوع
وعمرك ما هتلاقى جركن زيت فى مصر ولا غير مصر مكتوب علية بيمشى العربية كام كيلو
يا جماعة موضوع الزيت دة اجتهادى وطبعا بتوع الزيت بيقولو اقل رقم ممكن يتقال
يا جماعة لو ان الزيت بيتغير عند كيلو متر معين ما كانت الشركة المنتجة كتبت علية بدل ما تسبنا للناس تجتهد ويخدو فلوسنا
تروح تغير زيت شل جركن احمر ( 55 جنية دلوقتى ) الراجل يؤلك على 1000 يتغير
تروح لبنزينة تانى تغير بنفس الجركن يؤلك 2000
انتو متخيلين ان عامل البنزينة دة خبير وكلامة بيكون مصدق هاتقولو ما صاحب الينزينة هو اللى بيقولو
ابدا والله صاحب البنزينة ولا يعرف حاجة لان ممكن يكون شغلة بعيد تماما عن المحركات
يبقى الحل الاخير ان الشركة المنتجة للزيت هى اللى بتديلة تعليمات التشغيل ........برضو لا لان ما كانت تكتب علية افضل انة بيتغير عند 2000 كيلو مثلا على افتراض ان حالة الموتور جيدة
بصو انا هاؤلكم عن تجربتى وارجوكم تصدقونى
انا عربيتى موديل 1985 لادا 2107
انا لسة مغير الزيت وكنت حاطط شل هيلكس الجركن الاحمر ( 55 جنية ) على 26000 ( 26 الف كيلو ) والزيت نازل كويس جدا وبامر الله التغيرة الجاية برضة على نفس الرقم لانى بقالى سنين على هذا النظام فى العربية دى وعربيات اخرى ما بين موديلات جديدة وقديمة واى سؤال انا تحت امر الجميع
السلام عليكم
عربيتي اكسيل مو 95 1500
عملت نص عمره شنبر وغيرت بساتم
حالة الموتور من 80-90 %
بستعمل الان اسو الرصاصي
بس صوت الموتور خشن
هل احط شل الاصفر ولا موبيل3000
ولا احط زيت كل 1000 كم حفاظا ع الموتور
انا مشاويري قليله وقصيره
وشكرا جزيلا
بعد السلام عليكم ورحمة الله
انا بالنسبه لى بعمل عليه 1500 كيلو متر
وساعات بعمل 2000 بس بصراحه الزيت ده
مابيستحملش لغاية 2000 لانه بيبقى نازل من المكنه
لزوجته قليله فأنا افضل انه يتغير على 1500 كيلو
كويس قوى وسعره كويس واتمنى انه يكون موضوع
مفيد ومرضى للجميع
شكرا
2000 كم كويس جدا عليه لو حاله الموتور ممتازه و 1500 كم فأقل لو حاله الموتور مش قد كده و مش اكثر من كده لان زيت شيل الاحمر هو زيت معدنى احادى الدرجه للمحركات القديمه مش زيت متعدد الدرجات او تخليقى علشان يكون مصنع من خامات او مواد احسن
ممكن تجرب فيسكو موتور اويل (الجركن الابيض) بنفس السعر و بيقعد اكثر من 3000 كم عن تجربه فى عربيه صديقى هيونداى اكسيل موديل 1996 معمول لها عمره
و لو عايز حاجه تقعد اكثر من 3000 كم بسعر كويس ممكن تجرب زيت التعاون الازرق بحوالى 65 جنيه بس ارجوك اشتريه من محطه تعاون نظيفه مش من بتاع زيوت
لزوجته كام شل الاحمر
احادى الدرجه باين
ويعنى ايه احادى الدريجه
وايه افضل زيتع لزوجته 20-50 للاكسيل مو 95 1500 الموتور طالع من نص عمره
وشكرا جزيلا
على فكره ياجماعه هناك نوعين من شل الأحمر واحد مكتوب عليه احادى الدرجه - زيت ثقيل
والثانى نفس الجركن بس مش مكتوب عليه حاجه الأول ب62 جنيه والثانى حاجه وخمسين
3000 و الله العظيم 3000 كيلو
طيب لو سمحت
شل الاحمر لزوجته كام وهل افضل من موبيل xhp
هل فى غير احادى الدرجه 50 ده شل الاحمر
وسعره لو سمحت
متابع باهتمام
وشكرا جزيلا
الزيت دة الف ونص ودة اخر كلام وصلتله
هههههه محدش هيصدقني لو قلتله اني مشيت بيه 6000 كيلو فمرة وكلهم سفرودة طبعا غلط ومبشجعش حد عليه
بس بامانة بيستحمل ل3000 كويس لو الموتور كويس جدا
بس خلاص بقيت بحط الاصفر ومرتاح معاه ومريح بالي
مش لاقى شل الاحمر 20-50 فى المنصورة
ادامى توتال - موبيل - شل الاصفر
ما رايكم
شيل الاحمر احادى الدرجة بيقعد 1500 كيلو وتمنة 55 جنية وبيستخدم للمواتير القديمة والخفيفة
شيل الاحمر متعدد الدرجات بيقعد 3000 كيلو وتمنة 65 جنية الى 70 جنية لانة ممكن يكون غلى حاليا وبيستخدم للمواتير القديمة
شيل الاصفر بيقعد 5000 كيلو معدنى متعدد الدرجات ب115 جنية يستخدم للمواتير التى مضى عليها اكثر من 10 سنوات
شيل الازرق ( بلس) اوروبى بيقعد 7000 كيلو نصف تخليقى ب180 جنية يستخدم للمواتير الحديثة والرياضية
شيل الترا الرمادى مصرى بيقعد 10000 كيلو تخليقى ب245 جنية وبيستخدم للمواتير الحديثة والاداء الرياضى
لقيت شل الاحمر فى بنزينة شل 20-50 ب 70 ج
وبيقولوا بيتغير كل 1500 كم
وشل الاحمر احادى الدرجه 50 ب 55 ج بيتغير كل 1000 كم
وشكرا جزيلا
لا فى شل احمر احادى الدرجه 50 ب 55 ج كل 1000 كم
الى جانب شل احمر 20-50 ب 70 ج وعامل البنزينه قالى كل 1500 كم
والاصفر ب 116 ج فى البنزينه وبره ب 108 واستغربت لان المفروض فى بنزينة شل يكون ارخص ؟ وبيوقولوا يتغير كل 3000 كم
معلش سؤال اخر
عربيتي اكسيل 1500 مو 95
انا غيرت بلي الفتيس والحمد لله اتحسنت كتيييييييييير
لكن يبقي ونه خفيفه جدا تكاد تكون قريبه من صوت المكنه او صوت العربيه فى المارشدير
واحد شار عليا احط زيت موبيل 160 مع اضافة امريكيه خاصه بالتروس
وناس تقولى لا خليك زى منت على زيت 80-90 موبيل
واعانى ايضا من دقرة فى النقلات العصايا مش سلسه فى النقل وكان هذا موجود ايضا قبل ما اغير البلي
العفشجي بيقولى عاوز اركبلك فبرة تقليب النقلات بتاعة الفيرنا هتكون ناعمه وتظبطلك العصايا مظبوط فى النص
هل فبرة الفيرنا بتركب ع الاكسيل
طيب احط زيت شنبر مع زيت 5-90 ولا احط زيت تقيل 160 مع الاضافه الامريكيه للتروس ولا مع ويت الشنبر
واللى انا اعرفه ان زيت الشنبر بتاع الموتور ولا ايه ؟
ارجو التوضيح وشكرا جزيلا
الفتيس لما بيقدم يبدأ صوته يعلى شوية
والحل إستخدام زيت تقيل
لكن المشكلة إن الزيت التقيل لو في دقرة او عضة في الفتيس بيزودها احياناً
لذلك
في زيت تروس إسمه موبيل 95 - 140
جربة ممكن يحل الموقف
والأمر متوقف على التجربة
أنا معرفش
لكن العصاية لو فبرتها مش سليمة بتقى سايبة وممكن تؤدي إن يبقى في دقرة
لكن ليست هي السبب الرئيسي لحدوث عضة في الفتيس
لكن تركيبها بيخليها أريح وأنعم ويمنع الإهزاز والصوت
-
معلش ياجماعة بس بردة احب اوضحلكوا الامور اكتر
زيت شيل الاحمر احادى الدرجة بيقعد 1500 كم
زيت شيل الاحمر متعدد الدرجات بيقعد 3000 كم
بكررها تانى عشان اللى عايز يتاكد
انا بستعمله وبغيره تقريبا على 1200 كم
هو اخره 1500 بالكتير
شل الاحمر 20-50 متعدد الدرجات
عندى لونه بيسود بعد 500 كم وصوت الموتور بيعلى بعض الشئ
هل لو استعملت شل الاصفر هينفع ولا مينفعش احد زيت مدته طويلة فى حالتى دى
اكسيل 1500 مو 95 مانيوال مشاويري قليله وسواقه هادية والموتر حالته جيده جدا الحمد لله ومقاس الزيت ممتاز
وما رايكم فى موبيل دلفاك mx ( انا عارف انه بتاع ديزل ) وعربيتي بنزين
بس فى ناس بتنصح بيه وبيتغير على 2500 -3000 كم
متابع باهتمام
وشكرا جزيلا
ما رايكم فى الموبيل دلفاك mx للاكسيل 1500 مو 96
حالة الموتور 80%
وشكرا جزيلا