حمد الله على سلامتك ياباشا ..
عرض للطباعة
حمد الله على سلامتك ياباشا ..
الف الف سلامة
حمدا الله ع السلامة
حمدلله علي سلامتك
سلامات و فداك الفلوس المهم سلامتك و الاسرة و هى عربية محترمة فعلا
أولا ألف شكر لكم جميعا وربنا يسترها عليكم وعلي أولادكم
انا والله كنت سايق علي 110 عشان الطريق كان عليه رادارات وكمان الأولاد كانوا نايمين ومحبتش اجري عشان بيخافوا بس الجو مع التكييف وكله نايم معاك فده خلي عيني تنعس وغمضت ثواني وبعد كده حصل اللي حصل والحمد لله.
وإن شاء الله انا هانزل الحرفيين يوم الجمعة وهاسأل علي قطع الغيار عشان جبتلها صنايعية شافوها وقالوا لازم تغير كبوت وشقف عشان مش هاينفع قشرة بس وشنطة عشان الخبطة فيها جت في العضم وممكن تتسمكر بس هاتتداري بالمعجون والخبطة هاتبان من جوه ومن بره لو خبطها ولو خبطة بسيطة المعجون هايوقع تاني ، ورفرف يمين والخلفي ممكن يترد وطبعا الدنجل الخلفي كله وربنا يستر علي الأسعار .
اولا الف حمد لله على سلمتك الحادثه واضح انها مش بسيطه و ربنا يكفينا كلنا شر الطريق
ثانيا العربيه بجد محترمه كونها قوايمها سليمه زي ماقال عضو هنا
ثالثا انا معييش هوندا بس الاسعار عموما حتلاقيها عاليه اوي فحاول تسمكر اللي تقدر عليه
رابعا و اخيرا ربنا بجد كان معاك حتى لو فولفو مقدر اللي جواها يموتوا حيحصل حيصل فاحمد ربنا اولا و اخيرا
الف حمد الله على السلامة قول اللهم ااجرني في مصيبتي واخلفني خيرا منها
انا زيك اتقلبت بعربيه قبل كده من كام سنه
بعد فتره هتقعد تفتكر وتحمد ربنا وتتضحك على المواقف اللي اكيد حصلتلك
فيه ناس حريفة بتعمل السقف شوف حد بدل متغيره وده هينزل من سعر لعربية جدا بعد كدا