تمام يا نادر الله ينور عليك
الاخت haneena فعلا كده زى ما نادر وضح فى الصورة و ياريت تقولى كده لكل اصحابك و معارفك و عائلتك اللى بيسوقوا و توريهم الطريقة
يا أستاذ ماتريكساوي ما فيش داعي للحدة في الرد ...حضرتك قصدك خير و كل اللي شاركوا برضه قصدهم خير ......حضرتك بتقول إن ربطة الحزام بطريقة معينة بتبقي مريحة لناس معينة .....نفرض أن ده صح
الرأي المخالف بيقول أن ربطة الحزام كده خطرة و ممكن تسبب اصابات خطيرة من أول الجروح لحد الشلل و العياذ بالله و الرأي ده الناس دعمته بروابط و خبرات و أخ فاضل تفضل و قالك إنه صميم شغله لو فرضت حضرتك إن الرأي ده ممكن يبقى صح.....افتكر إن درء الضرر أولي من جلب المنفعة
اللهم قد بلغت اللهم فاشهد.... و في الاول و الأخر زاي ما قلت لحضرتك لك مطلق الحرية في أتباع ما تراه صوابا
اصرار غريب على اية بالظبط !!!
هدى اعصابك شوية انا من اول المعترفين بأهمية الحزام
لذلك وضعت هذه الفكرة لمن يعانون منه فقط حتى لا يتهربون من ارتدائه
يبدوا انك لم تقرأ الموضوع من اوله جيدا مثل باقى المعترضين
الفكرة دى اساسا مطروحة فقط للناس التعبانة من الحزام و اللى عايز ينفذها هو حر و اللى مش عايز هو حر
و عادى ان يتقبلها البعض او يرفضها البعض
و اعتقد كل انسان فيه عقل يفكر و يختار ما يناسبه و يجده سليم له
انا لم اضرب احد على يده لتطبيقها و لم انفى فى مداخلتى اهمية الحزام
و الموضوع مطروح للنقاش
لذلك للمرة الالف اشكر كل من نبهنا لاهمية الحزام فهو مهم فعلا و لم انكر ذلك
لهذا ارجو توفير النصائح لان معظمنا كما قلت يعرف اهميته
اظن كلامى واضح
فلم اقول به ان الحزام غير مهم
لو مش عاجبك الموضوع لا تطبقه
فلم اغصب احد بالمنتدى على تطبيقه
انها مجرد فكرة بسيطة جدا
قد يرحب بها البعض او يرفضها البعض الاخر مثلك
و الناس فى المنتدى ماشاء الله فاهمة و واعية
و لن يفعلوا شىء الا اذا كانوا مقتنعين به
و هذا الاقتناع يأتى من المناقشة فى الموضوع
فاذا وجدوا سيأته اكثر من حسناته فلن يطبقوه
لان العملية ليست فرض رأى كما تتخيل ذلك
افتكر الفيديو ده يوضح ان الخبطة من ورا بتتزق فيها الاول لورا و بعدين قدام
http://br.youtube.com/watch?v=J59SKYOjR7k
في الحوادث الحوادث الجامدة (علي سرعات عالية ) بتكون الاصابات المسببة للوفاة مش الاصابات الخارجية الناتجة عن استطدام الجسم باشياء صلبة لكن بتكون اصابات داخلية ... جسم الانسان ضعيف نظرا لاننا زي معظم الكائنات الحية هيكلنا العظمي داخلي
المهم في الحوادث دي الاضرار بتكون علي الاعضاء الداخلية الكبد و الطحال و غيرها
في بعض الصدمات لا الحزام ولا غيرة بينفع
بس في الحوادث المتوسطة بتظهر فايدة الحزام و الوسائد الهواية
الحزام علي الصدر لحماية الراس و الجذع اما الحزام علي الووسط و ذلك لتثبيت الجسم ككل من الارتجاج من الدرجة الاولي ثم ياتي بعد ذلك حماية الجسم من انه يتزحلق ويخبط
في الطائرات يكون الاهتمام بتثبيت الوسط و ذلك ان حوادث الطائرات الصدمات فيها بتكون عنيفة ( والمقصود هنا الهبوط الاضطراري بصورة المختلفة لان سقوط الطيارة مش هينفع فيه حزام )
ما علينا فالاهتمام هنا اولا و اخيرا بتثبيت الجسم حماية للاجزاء الداخلية و زي ما حضراتكم عارفين بينصح ان الانسان يميل بجزعة للامام
طبعا عند استخدام الحزام بدون الجزء اللي حوالين الوسط انت هنا الحماية غير كاملة
بس هي فكرة عملية و بتسهل الحياة هي تبقي ممتازة مع واحد مبيستخدمشي الحزام اساسا يعني نص العمى و لا العمى كله انما طالما انت كدة كدة مجبر انك تستخدمة بجميلة بقى و استخدة صح
1- انا مع كل من عارض هذه الطريقه والجميع سرد اسباب كثيره
in 60's a seat belt called SASH was invented just strap over shoulders but has been banned due to frequent slippage during colisions
2- الناس الذين يشكون من لبس حزام الأمان فى السرعات المنخفضه 30 مثلا. اذا كنت اسير بسرعة 30 وفى الاتجاه المقابل سياره تسير بسرعة 30 ايضا فان السرعه النسبيه تصبح 60 بمعنى انه لو حصلت حادثه فان شدتها ستكون بمثابة اصطدام سياره تسير بسرعة 60 بحاىْط.
رجاء عدم الاستهتار بالسرعات المنخفضه وتذكر داىْما ان السرعه النسبيه هى العامل المهم.
relative velocity is the one that matters
شكراااااااااااااااااااااا ااااااااااااااااااااااااا
ليك انا بصراحة ارقفت من الحزام لدرجة اناه بقى يعلق ويقفش على الفاضي والمليان
شكراااااااااااااااااااااا ااااااااااااااااااااااااا ا
ومن هنا لبكره
شكرااااااااااااااا
يا استاذة الكلام اللى حضرتك بتقوليه ينطبق على الفتوى او البدعة اذا فعلتها و طبقها احد بعدى اشيل ذنبها
و قلت لا يجب الذج بالدين فى موضوع مطروح للنقاش عن السيارات لاننى لا بفتى فى الدين و لا ادعوا الناس لممارسة بدعة معينة
المشكلة ان التفكير بالطريقة دى هو اللى جايبنا ورا لما كل عطسة تدخلوا الدين فيها
و سبق قلت ان الفكرة مطروحة للناس التعبانة من الحزام و اللى بتعانى منه بل انى كتبت فى نهاية موضوعى ان هذه الفكرة ستجعل كثير من الناس يتذكرون ارتداء الحزام
يعنى لم ادعوا الناس الى عدم ارتدائه نهائى كما تتخيلون
و الفكرة موجودة من زمان فى الشوارع و خاصة فى سيارات الاجرة و لم ابتدعها بل عرضتها بالموقع لمن يعانى فقط
و كما قلت ان الاعضاء ناس فاهمة و واعية و لم اغصب احد عليها
و كل انسان له عقله هو الذى يقرر اذا كانت تناسبه ام لا
يعنى عندك النت مثلا بها مواقع مفيدة و بها مواقع اباحية
ينفع حضرتك تيجى تقولى اللى اخترع فكرة النت هياخذ ذنوب علشان فيها ***مواقع اباحية
معاك فى كل كلمة
والصراحة انا مش عارف ايه سبب الهجوم على الفكرة
يا جماعة دى فكرة يعنى الراجل مجاش طبقها عليكم
يبقى ملهاش لازمة بقى حرام وتاخد ذنب اللى يجرب ويموت والافلام دى
وبعدين انا واحد من الناس جربت الفكرة
وارتحت جدا وانا سايق
والغالبية اصلا بيحطوا الحزام عشان المخالفات مش اكتر
وبعدين انهى طريق داخلى فى المحافظات دلوقتى تقدر تجرى فيه
كل الطرق بقت طوابير عاملة زى طوابير العيش
انا عن نفسى بشكر Matrixawy عن الفكرة دى اللى جربتها وريحتنى جدا وانا سايق
ومتزعلش من النقد لفكرتك يا باشا
المهم ان فى حد استفاد فى الاخر
اللى انت قولتة بالفعل بدعة لان محدش عمل كدة فى اى حتة فى الدنيا... و لو كان اللى اخترع الحزام شايف ان طريقتك كويسة مكنش عمل حزام حوالين وسط الشخص اللى راكب العربية... و بالتالى اكيد انت حتشيل ذنب كل واحد يعمل كدة و يتصاب
اقتباس:
و قلت لا يجب الذج بالدين فى موضوع مطروح للنقاش عن السيارات لاننى لا بفتى فى الدين و لا ادعوا الناس لممارسة بدعة معينة
نفس الرد السابق... ما تدعو اليه هو بدعة ضارة
اقتباس:
المشكلة ان التفكير بالطريقة دى هو اللى جايبنا ورا لما كل عطسة تدخلوا الدين فيها
ربنا سبحانة و تعالى خلق الانسان عشان يعبده... و بالتالى الدين داخل فى كل حاجة فى حياتنا "و ما خلقت الجن والإنس إلا ليعبدون"
اقتباس:
و سبق قلت ان الفكرة مطروحة للناس التعبانة من الحزام و اللى بتعانى منه بل انى كتبت فى نهاية موضوعى ان هذه الفكرة ستجعل كثير من الناس يتذكرون ارتداء الحزام
يلبسوا الحزام غلط؟؟ طيب ايه الفايدة من القصة؟ يعنى انت عايز تموتهم ولا ايه؟ يعنى ايه الحكمة من انى البس الحزام غلط؟؟
اقتباس:
يعنى لم ادعوا الناس الى عدم ارتدائه نهائى كما تتخيلون
اقتباس:
و الفكرة موجودة من زمان فى الشوارع و خاصة فى سيارات الاجرة و لم ابتدعها بل عرضتها بالموقع لمن يعانى فقط
محدش قال اننا بنتخيل انك تقصد من الموضوع عدم لبس الحزام.. احنا فاهمين كويس ان قصدك اننا نلبس الحزام غلط
و ايه معنى ان الموضوع منتشر بين سواقين التاكسى؟؟ هما دول بقوا الbenchmark بتاع المجتمع دلوقتى؟؟؟ يعنى اقل ناس تعليما هما اللى بيحددوا ايه الصح و ايه الغلط؟
ماشى حنعتبر ان مش انت اللى ابتدعت القصة دى... انت بتنقل بدعة الاخرين لينا... برضة احنا فى نفس النقطة... البدعة دى غلط و مضرة
كلامك مش منطقى و جدالك لا يؤدى الى شىء
اقتباس:
و كما قلت ان الاعضاء ناس فاهمة و واعية و لم اغصب احد عليها
طيب زعلان ليه اننا بنقول ان طريقتك غلط؟؟ و زعلان ليه ان الناس اللى فاهمة وضحت انها طريقة مضرة و فيها خطر على حياه الناس؟؟
اقتباس:
و كل انسان له عقله هو الذى يقرر اذا كانت تناسبه ام لا
اقتباس:
يعنى عندك النت مثلا بها مواقع مفيدة و بها مواقع اباحية
ينفع حضرتك تيجى تقولى اللى اخترع فكرة النت هياخذ ذنوب علشان فيها ***مواقع اباحية
مفيش مجال للمقارنة... الحزام له وظيفة محددة و طريقة استعمال محددة... لما تقول للناس تستعملة غلط بيقى انت بتضرهم
هو اللى اخترع الكهرباء حيشيل ذنب واحد حط ايدة على سلك عريان عشان واحد صاحبة قال له الكهرباء مش مضرة؟؟ طبعا لا لكن اللى حيشيل الذنب "صاحب النصيحة الضارة"
تخيل كدة واحد قالك "لما ميه عربيتك تغلى انزل افتح الرادياتير فورا".... و اول ما تعمل كدة طبعا الميه حتفور فى وشك و تعملك حروق شديدة... و بعد ما تروح لصاحبك دة و تلومة على اللى قالهولك يرد عيك و يقول "و انا مالى؟... هو انا اللى اخترعت الرادياتير؟"
MMamdouh
للأسف فكرة سيئة و دعوة للخطر :diablo1:
زي ما ترمي نفسك من البلكونة و حيطس في وشك شوية هوا تحفة و ابقي ادعيلي :laugh6:
في صور في كتالوج البولو للحوامل و كيفية ربط الحزام ، ححاول أرفعها
الطريقة ببساطة تتلخص في انك توسع الجزء السفلي من الحزام (المربوط علي البطن) قبل غلق القفل بحيث يكون الجزء المار أمام البطن مترهل نسبيا و غير ملتصق بالبطن، أو يتم زحزحته قليلا ليكون في أعلي الفخذ و أسفل البطن كما في الصورة
http://www.moi.gov.kw/portal/vArabic...gnant_200s.gif
لاحظوا أنهم في الكتالوجات الرسميه للسيارات لم يستثنوا حتي المرأة الحامل :bouncy:
يبقي الراجل أبو كرش يخلي عنده دم و يربط الحزام:cuss:
صدقوني الصحة تاج علي رؤوس الأصحاء:cowboy:
قال رسول الله صلى الله عليه وسلم : ( نعمتان مغبون فيهما كثير من الناس الصحة والفراغ ) أخرجه البخاري\
لو زالت الصحة للتساهل في ربط الحزام لا تلومن إلا نفسك
اللهم بلغت اللهم فاشهد
حاسس ان عنوان الموضوع
امشى على 3 عجلات بالعربية
ومش حيحصل ليك حاجة
موضوع واخد اكبر من حجمه
السلام عليكم ورحمة الله وبركاته
انا جربت الطريقه دى وهى مريحة وجربت الفرامل بعد سرعه كبيره كان امان والله مافيش مشاكل فياريت الناس تجرب وبعدين تقول نتائج التجربه
خلاص يا جماعه كل واحد قال اللي عنده
و لا معني للجدل
كل واحد حر في نفسه
عن معاذ بن جبل قال : قال رسول الله صلى الله عليه وسلم : لا تزول قدما عبد يوم القيامة حتى يسأل عن أربع خصال : عن عمره فيما أفناه وعن ماله من أين اكتسبه وفيما أنفقه وعن علمه ماذا عمل فيه
كل واحد حر و كل واحد مسئول عن نفسه
سلامو عليكو :auto:
مهى دى المشكلة
الحزام مش معمول عشان يمسكك و انت بتفرمل... الحزام معمول عشان يمسكك لما تعمل حادثة لا قدر الله
الاختبار الصح انك تلبس الحزام زى ما هو موصوفف و تمشى على سرعة 60 و تلبس فى الحيط و بعدها تبقى تقولنا ايه الاخبار
يا جدعان مفيش اختبار لكفائة الحزام غير حادث للاسف... لا فرامل ولا اى حاجة تانية تعتبر اختبار بجد
انت راجل عندك انترنت... خش على www.youtube.com و اعمل بحث عن crash test و ابقى اتفرج و شوف الدمية بيتعمل فيها ايه من شدة الاندفاع... ساعتها حتعرف ان اختبار الفرامل اللى عملتة لا يعنى اى شىء
MMamdouh
انا شايف ان كل واحد قال رايه في الموضوع وشرح وجهة نظره والناس اللي عاوزه تلبس الحزام كده هما احرار و اللي عاوز يلبس الحزام صح هو حر ....
و ماتريكساوي باشا طرح فكرة انا مختلف معاه في الراي ........ بس في الاخر هو و كل اللي متفقين معاه لهم كل الاحترام مني و من الناس اللي برده مختلفين معاه
بصراحة يا حماعة الموضوع ده مثال لكيفية الاختلاف في الراي و الحوار و النتيجة و اضحة صفحات مليئة بالاراء و عكسها و اللي شايف ان فيه راي معين يناسبة خلاص دي حريته
و يا ريت نشوف مواضيع تانية زي ده تتطرح مواضيع مهمة للنقاش
و أنا أيضا أرجح اننا ننهى الجدل ده
الفكرة مطروحة (بغض النظر عن اقتناعي من عدمه)
و الكثير أبدى اعتراضه عليها بالبرهان
و الكثير أيضا أبدى تقبله لها بالتجربة المبدئية
كل واحد حر ....في نفسه
و كلنا لنا عقول تزن و تعقل
كفاية بقى يا اخواننا
تحذير هام:
منتدى نايل موتورز ادارةً و أعضاءً غير مسؤولين بأي شكل عن أي إصابات أو خسائر في الأرواح قد تنتج عن استخدام هذه الطريقة في ربط حزام الامان!
النتيجة الى الان
14 واحد رحبوا بالفكرة
15 واحد اعترضوا على الفكرة
مساء الخير،
الحقيقة الموضوع إستفزنى جدا و لم أنتظر حتى أقرء رد الزملاء عليه، ما هذا الهزل؟ كل شىء يحتمل الافتاءات إلا السلامة. كرمشة هدوم إيه و قولون إيه؟ تم تصميم حزام الامان- أهو باين من إسمه أهو الامااان- بعد تجارب عديدة. ما يقترحه الاخ الفاضل هو مصيبه، فعند حدوث فرمله قويه أو حادث سينزلق الجسم لاسفل و يضغط الجزء العلوى من الحزام على الرقبة!!!!! يا جماعة اللى عايز يشنق نفسه يربط الحزام بالطريقة دى.
استاذ متركساوي
والله ان كلامي ده غير شخصي ولكن فعلا اللي انتا بتقوله ده خطر جدا جدا والموضوع ده لازم يتمسح حفاظا على ارواح ناس كتيره
1- في التصادمات الخلفيه الجسم بيندفع لورا ولكن إذا الكرسي مقدرش يمتص (ومش هيمتص) كل الطاقه الناتجه عن الاندفاع ... فالكرسي هيرجع يرد الطاقه دي لجسم السائق ويخليه يطير لقدام (قانون نيوتن : كل فعل له رد فعل مساوي له في القوه ومعاكس في الاتجاه ) + ( قانون نيوتن للتصادمات )
2- في الحزام ثلاث النقاط الراكب بيثبت ثلاث ارباع جسمه ولكن لما انتا تعمله نقطتين فإنتا بتحجز بس ربع جسمه ... وللأسف انتا بتحجز الجزء اللي هوا كتلته اقل ( الرقبه والصدر و الراس) وتسيب الجزء الاثقل حر الحركه
3- انا حصلي من كام سنه تصادم في اسكندريه على سرعه تقريبا 50 او 40 ومكنتش رابط الحزام و قاعد جنب السواق ... والله انا كل اللي فاكره اني كنت طاير .... يمكن السواق على السرعات القليله عنده الدركسيون يمسك فيه ... ولكن الركاب معندهمش اي حاجة يمسكو فيها
4- علاج مشاكل البطن ليس بتقليل عوامل الامان وفك نص الحزام ولكن "باتباع نظام غذائي لتقليل الوزن والكرش" ... بالإضافه إلى انك لما بتعمل رخصه (((المفروض))) انك عملت كشف باطنه ... ولو انتا عندك مشاكل في بطنك المفروض مكنتش اخدت الرخصه اصلا
5- لاحظ انك في اي تصادم جانبي مهما كان خفيف هيعمل كسر للضلوع وتهتك في الرئه والكبد من تحتها (لو كنت السائق) .... او الرئه و القلب و الطحال والبنكرياس لو كنت راكب جنب السواق
6- الصح ان ال 5 ركاب في العربيه يربطوا الحزام ... ايوه الخمسه .... مش لسا عمالين نقنع ونتفاوض مع اول راكب انو يربط نص الحزام التاني
7- من سن في الاسلام سيئه فله وزرها ووزر من عمل بها إلى يوم الدين
وشكرا
انا استفدت بجد من المعلومات الغزيرة عن حزام الامان
انا بفكر احضر دكتوراه فى حزام الامان:laugh6::laugh6:
و لكن السؤال الذى يطرح نفسه
هل انتم حريصون ايضا على ربط حزام الركاب اللى فى السيارة معكم ؟؟؟
يعنى اذا تحدثنا عن الصح بجد فى هذا الموضوع فيجب ايضا ربط الراكب المجاور و الركاب اللى فى الخلف .
فهل تفعلون ذلك ؟؟؟؟؟؟؟؟؟