الموضوع: افضل طريقة لربط حزام الامان منعا لمتاعبه ( شرح مصور )

أستاذ matrixawy اسمحلي بسؤال بسيط ....طريقة حضرتك متجربة من حد تاني ؟ يعني اثبتت فاعلية في حماية الركاب وقت الاصطدام .....ما عدا المرة اللي حضرتك فرملت فيها على ٨٠ و ما تخبطش في الأزاز لا قدر الله ؟

طريقة التثبيت الثلاثية متجربة من سنين و شركات السيارات كلها متبعينها لانها الأمن على الركاب .......لو حتى بتضايق شوية أحسن من شلل رباعي لا قدر الله أو نزيف في المخ أو اصابات في الوجه أو كسور في الضلوع أو أو .....و ديه الأصابات اللي ممكن تحصل لو الحزام ما أشتغلش صح بسبب وضع خاطئ ....حتى لو التزمت حضرتك بسرعات هادئة ...مش حاتقدر تسيطر على كل الناس و ياما ناس حصلها بلاوي بسبب واحد خبطهم من الخلف و هما ماشيين بشويش أو واقفين خالص

وقانا الله و إياكم شر الحوادث

المشاركة الأصلية كتبت بواسطة Matrixawy

و لكن اذا تحدثنا عن الامان كما ينبغى
يبقى لازم نذكر كمان اهمية الاير باج بجانب حزام الامان

و نعرض صور له رغم ان معظم سيارتنا غير مجهزة به

عند حضرتك حق ١٠٠ في ال-١٠٠ في النقطة ديه .....معظم السيارات الحديثة إن لم يكن كلها ....الوسائد الهوائية جزء لا يتجزأ من منظومة الأمان فيها ......و للاسف الشديد بقت بتتشال عشان الجمارك و جشع التوكيلات

اعتقد ان 90% من المصرين يرتدون حزام الامان بسبب الخوف من المخالفات فقط

و لا يضعون له اعتبار اخر رغم اهميته

اذا تم الغاء هذا البند من قانون المرور

فلن نجد احد يلتزم به الا قلة لا تذكر

و هذا ما كان يحدث قبل تطبيق ارتداء حزام الامان

المشكلة اننا نسير فى طرق مزدحمة دائما و بطيئة و ليست مثل الهاى ويييي

لذلك القيادة داخل القاهرة لا تدفع كثير من الناس لارتدائه

المشاركة الأصلية كتبت بواسطة Matrixawy

لاشك انه على البطن امان اكثر
و لكن نحن داخل القاهرة و لا نحتاج الى كل هذا الامان الزائد عن اللزوم
مع العلم ان الحزام بالطريقة التى ذكرتها يعمل بكفائة تامة ايضا و كأنه على البطن
جربيه و ادعيلى

يعني انت جربته قبل كده؟
اقصد يعني هل جربت تعمل حادث داخل القاهره وانت ماشي على 60 مثلا ؟؟
وللا اقولك امشي 80 كده على 6 اكتوبر (داخل القاهره) و بعدين اعمل حادث وابقي انقل لنا التجربه بالصور برضه بس ما تنساش الجزء اللى في المستشفي بعد عملية الاستكشاف عشان النزيف الداخلي بعد استخدام حزام الامان بالطريقه المفتكسه دي
جرب وادعيلي

الحقيقة انا عمرى مافتكر مشوار داخل القاهرة السرعة لم تنزل عن 60 ، يعنى الطبيعى فى أى مشوار 60 و 80 ، طب انا لسه راجع من سيتى سنتر والتاكسى جاب 90 على الكوبرى بتاع الرقابة الإدارية دة مش عارف اسمه الميرغنى ولا ايه ، لو السواق قدامه 100 متر فاضى أو عنده فرصة يجرى هيجرى فالسرعات من 40-100 داخل القاهرة دة شىء طبيعى جدااااا ، هو حد عمره ساق داخل القاهرة بسرعة ثابتة لا تزيد عن 40؟ ، الحقيقة انا عمرى ما شفتها ، لو واقف فى اشارة زحمة اول ما تفتح هتجرى.

المشاركة الأصلية كتبت بواسطة د-احمد عبد اللطيف

يعني انت جربته قبل كده؟
اقصد يعني هل جربت تعمل حادث داخل القاهره وانت ماشي على 60 مثلا ؟؟
وللا اقولك امشي 80 كده على 6 اكتوبر (داخل القاهره) و بعدين اعمل حادث وابقي انقل لنا التجربه بالصور برضه بس ما تنساش الجزء اللى في المستشفي بعد عملية الاستكشاف عشان النزيف الداخلي بعد استخدام حزام الامان بالطريقه المفتكسه دي
جرب وادعيلي

لقد حدثت لى حادثة بالفعل بسيارة كراسيدة من قبل و اقسم بالله لم اكن رابط الحزام
و كنت اسير بسرعة 60 كيلو بشارع مصدق صباحا و خرجت فجأة من تقاطع سيارة 131 و دخلت فى منتصفها تماما و السيارة ال131 لم تعد تصلح للاستهلاك الادمى

و كل ما فعلته انا عندما شاهدت هذه السيارة فجأة امامى امسكت بعجلة القيادة بقوة

و لم يحدث اى شىء لى بل من كان يركب فى الخلف اتخبط خبطة شديدة فى مسند الرأس الامامى

و اعتقد انه لو كان رابط الحزام الخلفى ما كان حدث له ذلك

و مرة اخرى سقطت فى ترعة المريوطية بسيارة جالنت كنت مع واحد بيتعلم القيادة
و انا كنت جانبه لم اربط الحزام و هو كان رابطه

انا خرجت فورا من السيارة و هو كان هيفطس بسبب الحزام لولا ستر ربنا على اخر لحظة

طبعا هذا الكلام لا ينفى اهمية حزام الامان

و لكن ما الداعى ان اكون ماشى فى فيصل مثلا فى عز الحر و خانق نفسى بالحزام بدون داعى حيث ان الشارع شبه متوقف

يعنى عندما يستدعى الطريق الحزام فهذا افضل طبعا ام غير ذلك فهو خنقة على الفاضى