أعمل ايه عشان أغير الكاوتش؟؟

hh · 15-05-2013 04:19 PM

بسبب مواضيع الأعضاء عن سوء الكاوتش الخاص بالصني الجديدة,عايزة بأذن الله أول لما أستلم - و ده ان شاء الله في خلال أسبوع بالكتير - أغير الكاوتش لبريدجستون فورا. المشكلة اني مش عارفة أعمل ايه بالظبط عشان ابيع الماكسس و أركب بداله بريدجستون قبل ما أمشي بيه و يبقى مستعمل و أخسر فيه كتير. رجاء النصيحة.

**emad_2020** · 15-05-2013 04:24 PM

الف مبروك مقداما وربنا يكفيك شرها
صدقنى مشيت او مش مشيت لى هيشترى هيقول دى مستعمله وبردو لزم ينزل فى السرع متشغلش دماغك كتير

**moumen_hs** · 15-05-2013 04:51 PM

معظم الاعضاءالى أستلموا وباعو كانو عرضين الكاوتش فى قسم البيع فى المنتدى وأعتقد أنهم باعوا الكاوتش فحدود 200 للفردة الماكسيس وواحد صاحبى أشترى منهم فردتين بالسعر دة مش فاكر كان قال مشيو 200 - او 800 كيلو طبقا للعداد فحضرتك أعلان وربنا يسهل .

**abdulmoniem** · 15-05-2013 05:22 PM

حضرتك مش فارقة كتير .. الكاوتش قابل للتعايش معاه .. بدل متدفعي دلوقتي بتاع 4000 جنيه في فرد كاوتش جديدة ودي أصلاً جديدة .. حرام بصراحة إمشي بيهم شوية وبعدين يحلهم حلال في المستقبل

**miceg** · 15-05-2013 05:36 PM

ممكن من وجهة نظري المتواضعة جداااااااا
وقت إستلام السيارة قورا
ذهاب الى محل كاوتشات وتشتري اربع فرد برديجستون ياباني او ميشلان إنجليزي او كونتنتال
وتخلي بالك ممكن تستغل الفرصة وتكبر المقاس وتركب
15-60-195
ده بيدي شوية ثبات أكثر (( مش كثير اووي يعني ))
واول حاجة تعملهم تشيل وتاركب الجداد
والجداد طبعا ولا هيبان عليهم انهم مشيو
وتعرضهم وان شاء الله هيجيبولك سعر كويس

**د.محمدعبدالعال** · 18-05-2013 12:19 PM

رأيي ان الكاوتش قابل للتعايش طالما مش بتجري بالعربية كتير .. سيبيه ياخد وقته وغيريه بعد 40 ألف كيلو

**mado83** · 18-05-2013 12:32 PM

اولا حضرتك لسه ماجربتيش الكاوتش علشان تقولى اغيره ولا لا

**blazer** · 19-05-2013 12:13 AM

الكاوتش مش محتاج يتجرب
كاوتش سىء جدا طبعا وانصحك تغيريه
صوت عالى على الطريق وتماسك زفت فى الفرامل والثبات
على الاقل ركبى kumho ecsta spt كاوتش معاما التماسك بتاعة AA والحراره A
سعر مقاس 15 هيبقى حدود 420 او اكثر قليلا

**Ramy Rateb** · 19-05-2013 12:17 AM

المشاركة الأصلية كتبت بواسطة saint2011

حضرتك تخرج من المعرض على واحد بتاع كاوتش وتكون متفق معاه تخلع الماكسيس وتركب اى حاجة محترمة ممكن ميشلان او كونتيننتال او بريدجستون وتعرض المقاس ليكون 195-60-15 وممكن تعمل الديل ده مع أى معرض بتاع كاوتش قبل متستلم العربية عشان أول متستلم تروحلة فورا وخليك عارف تمن الماكسيس لل 4 فرد ميقلش عن 1000 جنية ومبروك مقدما وصدقنى شعورك بالعربية هيختلف تماما وأدعيلى

+1