الموضوع: استشارة فنية من السادة اعضاء المنتدى !!!

المشاركة الأصلية كتبت بواسطة smsm_nabawy

السعر بيعتمد على حاجات تانية.. يعني لو العربية دي كمان موتورها كويس و كده تخلص على 13 الف!!

كان زمان تخلص بالسعر ده ياباشا لكن دلوقتى الأسعار رفعت يعنى 15000 كويس ومش موجود كتير وخصوصاً عربيات حالتها كويسة ومصروف عليها ومتعدلة حلو ومش محتاجة مصاريف

المشاركة الأصلية كتبت بواسطة smsm_nabawy

أسعار المستعمل غلت على فكرة!! :-\

لسة واخد بالك :d
بقالها كتير ياباشا
الزفت الدولار ده من ساعت ما رفع باكو الباسكوت ابو ربع جنيه بقى بجنيه دلوقتى
يبقى العربيات مش هتغلى

المشاركة الأصلية كتبت بواسطة sam4ever2010

ياجماعة انتو بتتكلمو عالاسعار كأنكو مش عايشين فى مصر
محدش بيتابع الأسعار فى السوق ولا ايه ولا عالنت
فى موقع كونتاكت كار وموقع دوبيزل الموقعين دول يومياً بينزل عليهم اكتر من 1000عربية بالموديلات والانواع المختلفة ومفيش موديل 88 ب 13000 خالص ده موديلات سبعينات وبيعدلوها وبيطلبو فيها 16000 و 17000 يبقى موديل 88 هيبقى ب 13000 وكمان ماتورها 1300 سى سى وصارف عليها يبقى ازاى 15000 كتير هوا ممكن ينزل ل 14500 بالكتير او 14000 بالعافية بس مفيش الاسعار دى اليومين دول خالص
بصراحة انا كان نفسى فى فيات 131 موديل ثمانينات 1300 سى سى وتكون حالتها كويسة بس كل اللى بلاقيه سعره عالى واقل سعر لاقيته 20000 جنيه ومستغرب ازاى وفى ناس بتوصل ل 27000 و 28000 و 30000 مش عارف ازاى رغم ان واحد صاحبى كان جايب واحدة من سنتين موديل سبعينات ب 13000 وحالتها كويسة عاوزة مصاريف قليلة

البايع يطلب اللى هو عايزه ياباشا انا شوفت واحد طالب فى عربيه توب 127 اتنين باب 17 الف ليه يعنى

المشاركة الأصلية كتبت بواسطة ahmed air

البايع يطلب اللى هو عايزه ياباشا انا شوفت واحد طالب فى عربيه توب 127 اتنين باب 17 الف ليه يعنى

عارف بيبقى طالب السعر ده ليه

عشان بيبقى صارف عليها دم قلبه

جنوط سبور ، كراسى طيارة ، ساوند سيستم ، تابلوه حديث ، دوكو وسمكرة حديثة ، ماتور متعمر ، سنتر وانذار وزجاج كهرباء وأبواب كهرباء وفرد كاوتش جديدة تيوبلس غير تظبيط العفشة والمساعدين

كل المصاريف دى ممكن توصل ل 8000 جنيه على سعر العربية 9000 يبقى المجموع 17000
فهمت ليه ياباشا بيرفعو الاسعار :b4_592: