هوا حد يعرف كيفية عمل السبورت مود ده ازاى بالظبط كميكانيكا ، يعنى بيعمل ايه بالظبط فى الموتور و ليه بيعلى استهلاك البنزين ، و هل فى ضرر من استخدامه كتير ؟؟
عرض للطباعة
هوا حد يعرف كيفية عمل السبورت مود ده ازاى بالظبط كميكانيكا ، يعنى بيعمل ايه بالظبط فى الموتور و ليه بيعلى استهلاك البنزين ، و هل فى ضرر من استخدامه كتير ؟؟
انا طبعا معرفش فى الميكانيكا لكن الفكره اعتقد انها بتنزل نقلات عشان تدى عزم اكبر و بالتالى بتبقى محمله على الموتور عشان كده مينفعش تمشى به كتير و هو شغال و الله اعلم و اكيد باقى الاعضاء حيقولوا رايهم و يصححولى فكرتى لو غلط.
للاسف معرفش .. ياريت حد يفيدنا
تقريبا دي نفس معلوماتي .... انه بيسقط نقلات .... يعني بدل ما الفتيس كان بينقل علي 2000 rpm , ينقل علي 5000 rpm و ده طبعا بيدي عزم اكبر وسحب اقوي ... بس بيزود الحمل علي الموتور ... واكيد هيزود استهلاك البنزين
انا ببقى جايب 100 والار بي ام بيبقى عند 3 ده طبيعي؟
هو ملوش دعوة بالميكانيكا قوي
هو برنامج بيظبت طريقه تفاعل الفتيس و المتور
يعنى بيفرق فى السحب و انت على سرعة يا باشا ؟ بيعلى Top Speed أو حتى بيخليك تجيبها هى هى بس فى وقت أقل ؟؟ بطريق أخرى يعنى بيفرق فى ال Acceleration بوجه عام و لا "بلح" ، أصل أنا بلاحظ استهلاك البنزين على شاشة البيانات لما بفتحه بينط ل 22 لتر لكل 100 كيلو على طول و من غير تكييف طبعاً..
اكيد طبعا بيفرق في السحب لكن ملوش دعوه قوي بال top speed عشان دي راجعه لقدرة المتور في الاخر
و في بعض الموديلا حتي لو مفرقش في السحب فالشعور العام اللي بيوصله ليك انك سايق اسرع و استجابه العربيه بشكل عام بتبقي ادق
و اكيد لازم يفرق في استهلاك البنزين لانك عليه بتستخدم اقصي عزم و قدرة للمتور
بس هو بصراحه مش لدرجه 22 لتر مره واحده
انا عندي مثلا الوضع العادي معدل الاستهلاك حوالي 7.5 لتر لكل 100 كيلو مع ال sport mode بتطلع ل 9.5-10 لتر لكل 100 كيلو و ممكن تزيد لو طولت عليه
يعني مش فرق كبير قوي
هو غالبا انت لو مشيت عليه فتره الرقم هيتعدل و يثبت عند رقم اقل من ال 22 بكتيير
ما هو 22 ده يا باشا الرقم المتغير كده كده هوا دايماً طالع نازل طول ما انا سايق ، يزيد لو كبست بنزين جامد أو فى المطالع و يقل جداً فى الطرق السريعة ل 4 أو 5 و ساعات 0 أو 1 لو رفعت رجلى من على البنزين أو فى منزل مثلاً ، هى بس الفكرة ان فى السبورت المتوسط بوجه عام بينط و ساعات يوصل 22 و أنا كابس و ساعات 24 كمان ، أنا كده مش بستعمله كتير بس كنت عايز أعرف هل هو بيأثر فعلاً و لا شعور و خلاص
فاهم يا باشا
بس برضه رقم 22 ده كبير جدا
ده الباجيرو عندي مش بتعمله و دي 6 سلندر 3800 سي سي
يستحسن تعمل reset عشان القراءات تبقي ادق
لان مش المنطقي كمان الفروقات تبقي كبيره قوي كده
و بالنسبه لل sport mode عامه
فهو اكيد بيفرق في التسارع و الثبات كمان
و بالتاكيد بيفرق في الاستهلاك
حد ينادي formulator
هو اللي بيخلص في المواضيع دي