Sport Mode

**hamaka** · 15-05-2013 09:04 PM

هوا حد يعرف كيفية عمل السبورت مود ده ازاى بالظبط كميكانيكا ، يعنى بيعمل ايه بالظبط فى الموتور و ليه بيعلى استهلاك البنزين ، و هل فى ضرر من استخدامه كتير ؟؟

**Mohamed said** · 15-05-2013 09:47 PM

انا طبعا معرفش فى الميكانيكا لكن الفكره اعتقد انها بتنزل نقلات عشان تدى عزم اكبر و بالتالى بتبقى محمله على الموتور عشان كده مينفعش تمشى به كتير و هو شغال و الله اعلم و اكيد باقى الاعضاء حيقولوا رايهم و يصححولى فكرتى لو غلط.

**الجنرال** · 15-05-2013 10:59 PM

للاسف معرفش .. ياريت حد يفيدنا

**zooma2009** · 15-05-2013 11:15 PM

تقريبا دي نفس معلوماتي .... انه بيسقط نقلات .... يعني بدل ما الفتيس كان بينقل علي 2000 rpm , ينقل علي 5000 rpm و ده طبعا بيدي عزم اكبر وسحب اقوي ... بس بيزود الحمل علي الموتور ... واكيد هيزود استهلاك البنزين

**hamaka** · 16-05-2013 12:14 AM

المشاركة الأصلية كتبت بواسطة zooma2009

تقريبا دي نفس معلوماتي .... انه بيسقط نقلات .... يعني بدل ما الفتيس كان بينقل علي 2000 rpm , ينقل علي 5000 rpm و ده طبعا بيدي عزم اكبر وسحب اقوي ... بس بيزود الحمل علي الموتور ... واكيد هيزود استهلاك البنزين

طب هل بيفرق فى ال Top speed أو حتى قبلها بشوية و لا تشغيله زى عدمه فى المواقف ديه (على أساس ان ال RPM أصلاً بيبقى عالى على السرعات العالية)

**mangawy2012** · 16-05-2013 02:57 PM

انا ببقى جايب 100 والار بي ام بيبقى عند 3 ده طبيعي؟

**hamaka** · 16-05-2013 03:21 PM

المشاركة الأصلية كتبت بواسطة mangawy2012

انا ببقى جايب 100 والار بي ام بيبقى عند 3 ده طبيعي؟

عادى أنا عندى كده برضه و فى السيتى 3 و نص (1300) ، السرعات الأعلى بكتيير هى اللى بتعليه جامد ، السؤال بقى هنا لو انت على 100 و فتحت سبورت مود العربية هتاخد Boost و تجرى اسرع ولا أى كلام ولا الهوا ، لو حد جرب ياريت يقولنا

**horas3000** · 16-05-2013 03:22 PM

هو ملوش دعوة بالميكانيكا قوي
هو برنامج بيظبت طريقه تفاعل الفتيس و المتور

**horas3000** · 16-05-2013 03:44 PM

المشاركة الأصلية كتبت بواسطة hamaka

يعنى بيفرق فى السحب و انت على سرعة يا باشا ؟ بيعلى Top Speed أو حتى بيخليك تجيبها هى هى بس فى وقت أقل ؟؟ بطريق أخرى يعنى بيفرق فى ال Acceleration بوجه عام و لا "بلح" ، أصل أنا بلاحظ استهلاك البنزين على شاشة البيانات لما بفتحه بينط ل 22 لتر لكل 100 كيلو على طول و من غير تكييف طبعاً..

اكيد طبعا بيفرق في السحب لكن ملوش دعوه قوي بال top speed عشان دي راجعه لقدرة المتور في الاخر
و في بعض الموديلا حتي لو مفرقش في السحب فالشعور العام اللي بيوصله ليك انك سايق اسرع و استجابه العربيه بشكل عام بتبقي ادق

و اكيد لازم يفرق في استهلاك البنزين لانك عليه بتستخدم اقصي عزم و قدرة للمتور
بس هو بصراحه مش لدرجه 22 لتر مره واحده
انا عندي مثلا الوضع العادي معدل الاستهلاك حوالي 7.5 لتر لكل 100 كيلو مع ال sport mode بتطلع ل 9.5-10 لتر لكل 100 كيلو و ممكن تزيد لو طولت عليه
يعني مش فرق كبير قوي

هو غالبا انت لو مشيت عليه فتره الرقم هيتعدل و يثبت عند رقم اقل من ال 22 بكتيير