اختيار موفق
عرض للطباعة
اختيار موفق
بص نصيحه هاتها زيرو لان في اختلافات جوهريه ف الشكل الجديد بتاع 2013 عن الشكل اللي قبليها
اشكرك جدا يا فندم بس سؤال اخير لأن من الواضح ان حضرتك ركبت المانى كتير ... نظرا لأن فى كذا حد من صحابى قالولى سكودا a5 احسن من الفلونس و هتبقا بنفس السعر تقريبا
انا طبعا بالنسبالى الفلونس احدث يعنى انها هتكون موديل 2011 او 2012 السكودا هتكون 2008 و 2007 + ان شكلها قديم شويه
السؤال حضرتك شايف ان فعلا السكودا افضل من الفلونس كتير كده ولا فى الآخر الأتنين متقاربين
بس كده رجعت بالمديل
A5 ولا فانتازيا ؟
الاوكتافيا افضل شوية من الفليونس في الثبات و في العفشة عموما......احساسك بالمطبات والنقر أهدى شوية
تسارع الفليونس افضل بفرق بسيط.....مش هيبان غير مع الحرق
الاوكتافيا الجديدة نازلة قريب يعني الشكل هيبقى قديم رسمي
بص هو كعربية و ركوبه السكودا افضل طبعا بس مش بفرق كبير
لكن ليك انت و خصوصا انك معاك كورولا معتقدش السكودا هتعجبك
السكودا انشف حبتين من الفلوينس و ده طبعا مقابل ثبات اعلي
و انا اللي فهمته انك سواقتك هاديه و مش محتاج الثبات العالي بتاع السكودا و ان نعومة الفلوينس هتناسبك اكتر
ده طبعا بخلاف ان السكودا هتكون موديل اقدم و في الغالب ماشيه اكتر
فانا راي خليك في الفلوينس
النهارده فى حاجه حصلت غريبه غيرى كل حاجه .. اعلان عن عربيه بيجو 301 ب 123 الف اول فئه اتوماتيك فى الأهرام .. العربيه شكلها حكايه و مواصفاتها كويسه جدا و كفايه انها بيجو و فرنساوى .. كلمت المعرض فى اسكندريه و سألتوا على الحجز بكام و قولت دى صفقه و اخدت بعضى و قولت اروح احجز عشان ابقا اول دفعه و انا سمعت ان التسليم بياخدلوا شهر و نص قولت ابقا ابيع الكورولا براحتى
مسئول المبيعات قالى ممكن تحجز ب الف و خلال يومين تكمل المبلغ 10 الاف
اخدت الفلوس و روحت و اذا بالعربيه حلوه و جميله بس يدوبك تنافس الأكسنت و الريو ... انا كنت متخيل انها حاجه كبيره و فخيمه زى الفلونس كده و نازله بسعر لقطه عشان يمشوها فى الأول بس اتصدمت
المهم النتيجه الوحيده للى حصل ده هو انى حسيت ان الواحد لو ضغط على نفسه و جاب زيرو يبقا احسن و رجعت تانى للفلونس و قررت ان شاء الله انى اجيب اول فئه اتوماتيك زيرو بس هضطر استنى لشهر 6 لحد ما اظبط باقى الفلوس لأنى هجيب كاش ان شاء الله .. بصراحه .. احساس الزيرو ميتعوضش
الف شكر يا شباب على ردودكم و تعبكم معايا و ان شاء الله يكون لى الشرف انضم لحضراتكم فى المنتدى المحترم ده .....