من كورولا لفلونس .. تطور ولا هندم ؟
الساده اعضاء قسم الرينو المحترمين .. طبعا حضراتكم عارفين الحيره اللى الواحد بيقابلها لما يغير عربيتو
و السؤال اللى بسألوا لحضراتكم ده انا سألته فى قسم سيراتو و فى قسم النترا و فى قسم كروز
انا راكب كورولا 2005 .. ناعمه و اقتصاديه و وواسعه و تكيف تلاجه و مش بتحتاج اى مصاريف
بس انا عايز اغيرها نظرا لأنها قدمت و ماشيه 125 الف و انا عايز اجدد + انها مانوال و انا عايز اتوماتيك + انها ببساطه قرعه
ففكرت فى الكروز و السيراتو و الألنترا و الفلونس لأنهم تقريبا كلهم قريبين من بعض و فى نفس الفئه السعريه ... انا بتكلم على حاجه كسر الزيرو لأنى مش بحب اجيب زيرو عشان مخسرش فيه كتير + ان حدود 120 او 130 الف بالنسبالى هى دى الحدود اللى اقدر عليها
بالنسبه للسيراتو و الكروز الناس هناك قالولى هتندم لأن اللى معاك افضل و احسن
بالنسبه للألنترا قالولى ان هتحس بتطور و فرق بين الكورولا القديم و الألنترا الجديد
طيب بالنسبه للفلوانس بقا هل هندم لو ركبت الفلونس ولا فعلا العربيه دى افضل اختيار ممكن اختاره بعد الكورولا لأن فى ناس كتير قالتلى بعد اليابانى يا تركب اوروبى يا يابانى لكن كورى لأ
فى انتظار ارائكم و اشكركم مقدما ...