ضغط الهواء فى الكاوتش هيتغير مع تكبير مقاس الجنط!!!!
أنا بصراحة محتار جدا وخايف لأن الكاوتش مفيهوش هزار ولا تجارب
انا عربيتى ابيزا 98 وبتنزل بجنط 13 فبريكة مقاس 157/70 ومكتوب على باب التنك ضغط الهواء اللى المصنع بينصح بيه 30psi العجل الأمامى و 28psi للعجل الخلفى
دلوقتى انا مسقط موتور 1.6 بدل 1.0 وغيرت الجنط وجبت الجنط اللى بينزل فى الابيزا الكوبرا نفس موديل عربيتى والتزمت بمقاس الكاوتش والبروفيل 195/45 والجنط مقاس 16
انا مش عارف هل ضغط الهواء فى الكاوتش بيتحدد على حسب حجم الكاوتش ولا على حسب العربية نفسها؟؟؟
يعنى هل المفروض عشان كبرت الجنط يبقى اكبر الضغط جواه ولا اخليه زى ما هو ولا انقصه؟؟؟
المشكلة انى طالع بكرة الساحل وخايف لا قدر الله يحصل حاجة