الموضوع: ..... عملت شوية صيانة لنوبيرتي .....

ازيكم يا احلي قسم في الدنيا

كنت بشتكي من الموتور عند الدوارة الصبح تحس ان الموتور مبرجل لمدة 30 ثانية و صوته عالي نوعا ما و كنت عامل بيه موضوع :

http://www.nilemotors.net/Nile/339695-a.html


رحت للمكانيكي قالي بلي الكاتينة خشن

روحت عند المنير و جبت بلي كاتينة كوري ب 135 جنيه و سير كاتينة ب 75 جنيه (دايكو)

و كان عندي رعشة في الطالعة رحت جبت بالمرة طقم دبرياج فاليو ب400 جنيه

---

#944444

وفعلن البلي القديم كان طالع زبالة ... غير البلي و السير و طقم الدبرياج و نضف البوابة

وكانت النتيجة : بالنسبة للبلي والسير :

صوت الموتور ركز وهدي

بالنسبة للطقم الدبرياج :

فيه فرق كبير طبعا و العربية بئت بتامريك و زي الفل .... بس حاسس اني فيه حتة رعشة بسيطة اوي في الطلعة مش عارف بقي دة من رجلي ولا من طقم الدبرياج

---

#944444

و غيرت جوز مقصات ماليزي ب 230 من عند علي الدين في 6 اكتوبر
و تيشة الميزان ب 45
و 2 اولسيه كبالن ب 24 و جوان كرتيرة الفتيس ب 25 عشان كانوا بيجيبو زيت

النتيجة : للعفشة :

الحمد الله ... حسيت اكني غيرت العفشة كلها بقت مسكة نفسيها بعد ماكنت بحس بان فيه حاجة سايبة تحت و كنت بسمع صوت طقة مع المطبات و ركزت علي الطريق و جبت بيها 150 بس مقدرتش ازود عشان عيزة ظبط زواية ( بتحدف )


معلش بقي طولت عليكم ... و لو فيه اي استفسار انا موجود في الخدمة

المشاركة الأصلية كتبت بواسطة koshary

الف مبروك ياباشا على الصيانه انا كنت بفكر اجيب مقصين جداد بس فين فى اكتوبر بالظبط انا لسه شارى العربيه من اسبوعين كدا والحمد لله كويسه بس جلب المقص الشمال خفيفه شويه يعنى شهر كدا ولا حاجه وهجيب مقصين جداد علطول وعلفكره قطع غيار المنير محترمه جدا وارخص من التوفيقيه وشارع دمشق

الف مبروك علي العربية :)

بوس يا باشا :

النوبيرا مشكلتها انها بتاكل مقصات او الجلب كتير .... في ناس جربت جلب الفورد و في ناس جربت جلب الفرنا و في ناس جربت جلب اوكتفيا a4 و في ناس بتغير المقصات و بتخلص نفسها

افضل حل هوا جلب الفورد .... اعضاء كتير محترمة هنا بتشكر فيه بس نازم يكون المقص نفسه سليم ... و انا كان عندي المقص نفسه مش حلو عشان كدة غيرت المقصات و خلصت من غير ماروح للخراط و الكلام دة ( و لقيت التكلفة واحدة او اقل كمان )

انا جبت المقصات دي من سنتر علي الدين الي عند ليلة القدر .. اسم المحل ( 6اكتوبر )

هوا عنده كذة نوع في السعر دة ( تركي و كوري و ماليزي )

انا جبت الماليزي : المقص ب 165 جنيه و خت الجوز ب 220 جنيه :)

و لو عايزني انزل معاك نجبهم مع بعض انا تحت امرك