اقتباس المشاركة الأصلية كتبت بواسطة m.ayman مشاهدة المشاركة
سؤال الكوارين اللي اقدر اجاوبك عليه ،،،، كارونه اللوك فرقها عن الكارونه العاديه في العموم علشان اللعب و الدريفتات بالعربيه ده بوجه عام و لو ربكتها لازم تخلي بالك لأن العربيه هيبقي سهل تروح و تعرض منك و انت بتاخد اي غرزه فعايزه شوية تمرس ... بشكل ادق بقي الكارونه اللوك بتخلي العجلتين الخلفيتين يلفوا بسرعات زي بعض بقدر الامكان بنسبه انا مش فاكرها بس تقريبا ٧٠ ٪ يعني لو كاوتش واقف في رمله او مايه و الكاوتش التاني علي الاسفلت بكارونه عاديه عجله هتلف بسرعه كبيره جدا و التانيه هتبقي بطيئه قوي -و مش بعيد الكارونه تنكسر - انما اللوك هتخلي العجلتين بيلفوا بسرعات قريبه من بعض و في كوارين لحام و دي كوارين عاديه ملحومه علشان تعمل زي اللوك بس دي خطره جداااااااا جداااااااا و عمال علي بطال العربيه هتروح منك و لا قدر الله لو لمست رصيف هتلاقي العربيه لفت جابت عكس الطريق ١٨٠ درجه في لحظه و ممكن تكون بتجري عادي و تفك لوحدها ... مخاطرها و بلاويها كتير لزمتها ان في ناس معاها عربيات مواتيرها ضعيفه شويه زي ال ١٦٠٠ مثلا ساعات بيركبوها علشان تخلي الدرفتات سهل زي اي عربيه ٦ سلندر مثلا .
طيب طالما هي خطر ليه بتنزل في البي ام والفلفو

مع ان ثابتهم عالي