-
فرع سموحة... ملهومش فيها
السلام عليكم
النهاردة كنت بعمل صيانة الاربعين ألف و كانت ملاحظاتى كالتالى:
1- طبعا أول شكوى لازم تكون موضوع الـ rpm اللى بيعلى و تبطيل العربية:
أول مرة لما اشتكيت منها أوهمونى ان المشكلة فى واير البنزين و منهم لله بدل ما يغيروه شحموه و عملها فيا و انا مسافر و اتقطع لولا ستر ربنا ان فيه حد أنقذنى من الموقف ده.
المرة دى قلتلها نفس المشكلة حصلت تانى و متقوليليش الواير عشان انا غيرته و انا بستلم العربية لقيتها بتقولى احنا نضفنا البوابة لانها بتبقى متوسخة من انواع البنزين اللى بنستخدمها اللى بيبقى فيها شوائب كتير.. قلتلها طب لو حصلت المشكلة تانى ايه الحل قالتلى هنضطر نغيرها و دى تكلفتها حوالى 1500 جنيه قلتلها يا سلام و ليه ما تتغيرش فى الضمان إن شاء الله ....قعدت تلف و تدور لما زنقتها فى الكلام و قلتلها ان عارف سبب المشكلة و ان انتوا بتغيروا البوابة بواحدة الومنيوم احسن من البلاستيك اللى موجودة... طب اكتبيلى فى شهادى الجودة ان لو حصلت المشكلة هتغيروا البوابة قالتلى متقلقش انتا معاك امر شغل و مثبت فيه المشكلة و لو حصلت تانى ساعتها نبى نشوف هنعمل ايه.
السؤال دلوقتى ايه الحل معاهم لو حصلت المشكلة تانى و مرضيوش يغيروا البوابة؟
هوا فيه حد غيرها فى فرع سموحة قبل كده؟
هوا فيه علاقة بين بوابة الهواء و البنزين (معلش اصل انا معرفش وظيفتها ايه بصراحة)؟
2- الكاسيت بيقطع فى الفواصل بتاعة الكبارى و على مزلقانات القطر و الترام:
الكاسيت سليم و لا توجد به اى مشكلة... ثبتناه فى مكانه بس مش اكتر
الجميل ان عند اول مزلقان قابلته لقيت السى دى بتقطع تانى
المشكلة أحيانا بتحصل كمان مع الراديو مش مع السى دى بس!!!
الموضو ع ده ايه حله لو سمحتوا يا جماعة؟؟ و يا ريت حل بعيد عن التوكيل
3- فحص التكييف عشان الصيف:
التكييف عايز فلتر تكييف بـ 180 جنيه قلتلها شكرا ليكى مش المرادى المرة الجاية ان شاء الله
السؤال دلوقتى هوا الفلتر دا موجود فى السوق فى اسكندرية و لو موجود الاقيه فين و سعره حوالى اد ايه؟
4- فحص الفرامل و رجلاشها
التيل الامامى عايز يتغير قدامه اسبوع او اتنين ...بكام قالتلى بـ 380 جنيه قلتلها المرة الجاية نغيره إن شاء الله.
التيل ده انا مغيره فى صيانة الـ 25 ألف يعنى لسه مكملش الـ 15 ألف كيلو
اسف لو طولت عليكم يا جماعة بس انا فعلا مضايق من موضوع البوابة ده و الاستهبال بتاعهم خصوصا ان اخر مرة المشكلة حصلت امبارح و انا على مطلع كوبرى ستانلى و لولا ستر ربنا ان الطريق كان واقف و مكانتش الناس بتجرى ... دا كفاية الخضة اللى بتحصل للواحد لما الـ rpm بيعلى.
جزاكم الله خيرا
-
1- هيغيروها ورجلهم فوق رقبتهم ..
2- حصلت معايا فترة وظبتت لوحدها بس مش عارف ايه السبب ، بس ماكانش ليها علاقة بالمطبات
3- أول مرة أعرف ان عربيتنا فيها فلتر تكييف ، بقى لها معايا تلات سنين ونص وماحدش جابلى سيرته
4- خد الوضوع بجدية، وخللى ميكانيكى يحل الفردة ويبص على التيل طالما مش واثق فيهم ، بس طالما قالوا الملاحظة دى ماتفوتهاش وشوفه بنفسك ، الطنابير حراقة.
-
انا فعلا بحس كل مرة اروح التوكيل انهم لا عايزين يصلحو و لايعملو اي حاجة غير الصيانة الدورية طل ما انت فى فترة الضمان تعامل مش محترم بالمرة وراي العميل فى الشكوى اللى بيقدمها هي اخر حاجة بيبقو عايزين يسمعوها اخر مرة بجد اتعاملو معايا على اني اول مرة اركب عربيات وكان ناقص يقولى وانت اية فهمك فى العربيات اساسا للاسف تعامل اقل ما يقال عنة مش محترم .
-
العامرية او سموحة الاتنين زي بعض (فاشلين)
-
توكيل سموحة للصيانات الدورية العادية متحاولش تعمل فيه حاجه تانية
توكيل العامرية أحسن فى الأعطال و عندهم الادوات و قطع الغيار متوفرة بدرجة أحسن
بس الملحوظ انخفاض مستوى السرعة فى انجاز الصيانات و الاعمال المختلفة ولازم تتابع عربيتك هتخلص امتى لانها ساعات كتير بتكون مركونه و الفنين سايبنها لمجرد ان لسه ميعاد تسليم العربية مجاش و قال بيشتغلوا فيها لسه لما تكلم المهندس
ملحوظة انا معايا لوجى بقالى اكتر من 3 سنين و الخدمة الأول كانت احسن بكتير من دلوقتى
ربنا معاهم فى زحمة الشغل لان طبعا عدد العربيات اللوجان زاد بدرجة كبيرة بس المفروض يكونوا بيقيموا نفسهم و من ضمن بنود التقييم سرعة أداء الخدمة
-
انا اسمع ان توكيل العدوى فى طنطا وسمنود كويسين حد جرب من اهل طنطت ... متابع باهتمام
-
أنا صياناتى كلها عند عدوى طنطا وسمنود ..
كويسين فى الصيانات
بس ماجربتهمش فى الاصلاحات.
-
سموحة و العامرية زفت و انا كل النمر دي اتعملت فيا و احد دلوقتى متكدر و لسانى دلدل
-
العدوي زفت ومافيش عندهم فكره .
ده غير انهم غاليين جدا جدا
Content Relevant URLs by
vBSEO 3.6.0 PL2