سؤال مهم للمهندس طارق هيتوقف عليه اتخاز قرار مصيرى فى عربيتى!

ياريت تبص حضرتك على الموضوع ده و تقولى رأيك؟
http://www.nilemotors.net/Nile/showthread.php?t=35285

ياريت بعد ما حضرتك تقرأ تعليقى الاخير ترد على سؤالى اللى موجهه لحضرتك لان اجابته مهمه جدا بالنسبالى و هو عن العمر الافتراضى للفتيس الCVT وتكاليف صيانته و ايه اللى بيبوظ فيه؟ ولا لما بيبوظ بيتغير كله و لا ايه لانى بصراحه معجب بأداء الفتيس ده قوى و بفكر اغير عربيتى ال1600 مانوال بواحده اختها بس اتوماتك (بس غالبا هتبقه مستعمله نفس الموديل عشان مادفعش فرق فلوس كتير) بس لو صيانتو فيها لبش هاصرف نظر فنصيحه حضرتك مهمه ليا جدا خصوصا انك بتشوف كل العيوب امامك فى التوكيل.

فتيس الـ CVT مفيهوش صيانة يعني لو فيه مشكلة بيتغير بالكامل وهو بالتأكيد متغطي بالضمان 3 سنوات أو 100 ألف كيلو متر لو العربية مصري وعلى مدار الأربع سنوات عمر العربية 1600 CVT في مصر كان عدد مرات تغيير الفتيس قليلة جدا واعتقد كلها كانت في الضمان وطبعا كل اللي جربوه بيشكروا فيه جدا

شكرا ليك يا بشمهندس طارق على سرعه الرد بس لو العربيه خرجت من الضمان و باظ ......ثمنه كاااام من فضلك لان ده اهم معلومه هتفيدنى؟؟

اقتباس:

---

المشاركة الأصلية كتبت بواسطة mohamedway

شكرا ليك يا بشمهندس طارق على سرعه الرد بس لو العربيه خرجت من الضمان و باظ ......ثمنه كاااام من فضلك لان ده اهم معلومه هتفيدنى؟؟

---

جديد 27500 جنيه

وسمعت ان الاستيراد حوالي 4000 جنيه

ياااااااااااااااااه غالى قوى خلينى فى المانوال احسن مش تاعبنى فى حاجه و طول عمرى بسوق المانوال!!!!!!!!!!!!!!

هو ليه حضرتك بتفترض ان الفتيس هيبوظ وتحتج تغيره

ما فيه عربيات فتيس أوتوماتيك من الثمانينات والتسعينات وشغالة عادي والفتيس سليم

معاك حق يا بشمهندس بس الفتيسات ده مش CVT و الكلتشات بتاعتها بتنعم و بتتغير عادى مش بيترمى و يتغير كله و بعدين تخيلى لطريقه عمل الفتيس ال CVT بتأكدلى انه بعد فتره البكرر بتاعه هيتاكل فى مناطق اكتر من التانيه و يعمل زى الريجه اللى بنشوفها على ديسكات الفرامل لانى على حد علمى ان اساس نظريه عمله معتمده على الاحتكاك بين السير و الطنابير متغيره القطر و فى كل لحظه السير ده عمال ينزلق طالع نازل على الطنبوره و طبعا اكيد هيبقه فيه اجزاء حصل عليها استخدام اكتر من التانيه و سطح الطنبوره ده مش هيبقه مستوى زى و هى جديده كل ده غير ان السير الحديد اللى على شكل حرف V اكيد بعد عمر افتراضى معين هيحصله تآكل و اعتقد ان شركه متسوبيشى عارفه امتى ده هيحصل و حسباله عمر افتراضى معين عشان كده سألت حضرتك بس اكيد اكيد العمر الافتراضى ده هيكون اقل من الفتيسات المنيه نظريه عملها على التروس (والدليل على كلامى انه ما بيتصلحش و بيتغير كله) لان 80% على ما اعتقد من مكوناته عباره عن البكرتين و السير اللى بينهم و لما يحلهم Wearing يبقى كأن الفتيس فعلا كله باظ وعلى فكره انا مش بهاجم الفتيس انا زى ما قولت لحضرتك انى معجب باداؤه جدا و بفكر كمان اغير عربيتى عشان اجيب واحده اتوماتك CVT بس بردو انا سألت حضرتك عن عمره الافتراضى عشان مقتنع تماما انه اقل من الفتيسات اللى معتمده على التروس طبعا مش معنى كده ان عمره الافتراضى قليل و لكن اكيد اقل و لما يبوظ هيتغير مش هيتصلح

any fault in the cvt u will have to replace the whole gear box, even if u use the non genuine mitsubishi transmission oil for the cvt it will fail immediatly

http://www.youtube.com/watch?v=4kNtFu9kbEY
the link :D