المشاركة الأصلية كتبت بواسطة m7md87
انا كنت فى معرض عز العرب الاسكندرية امبارح والحمد لله حجزتها بعد ما حسيت انها افضل المتاح فى السعر اللى معايا طبعا مش حتكلم على المميزات لانها ماشاء الله كتيرة بس حتكلم على الملاحظات اللى معجبتنيش
1 كل ما اسأل حد فيها ايموبيلزر ولا لا يسكت الاول ويقولى طب حشوفلك ثانية واحدة وبعد كدة يحاول يغير الموضوع لحد ما انسى الحوار ده حصل معايا لما اتكلمت مع اكتر من مندوب لانى روحت المعرض كذا مرة طبعا ده عيب اوى منهم المفروض يكونوا اكثر صراحة ووضوح
2 تانى حاجة انا كل اللى اعرفوا من وسائل الامان اللى فى العربية واللى خاصة بالفرامل هو abs مش عارف الناس جابت منين ebd esp والحاجات التانية دى انا معايا الكتالوج بتاع العربية وورق من التوكيل نفسه عليه مواصفات العربية مكتوب فيه abs فقط فا مش عارف الاضافات دى جت منين
3 طبعا نفس الملاحظات الخاصة بقفل الابواب لازم جامد شوية و موضوع عدم وجود عزل على الكابوت ناحية الموتور هل ده ممكن يكون سبب الصوت العالى بصراحة مش عارف طبعا النور الداخلى للعربية من قدام فقط مفيش نور فى نصف السقف ودى حاجة رخمة
4 انا كنت قاعد فى العربية وفاتح الباب وطلبت من المندوب انوا يدور العربية صوت الكونتاكت اول ما دارت كان عالى بغباء بعد كنت فتح التكييف على الاخر كان كويس فقفلت فى ساعتها الباب حسيت بعزل ممتاز للعربية ومكنتش سامع اى حاجة خالص
انا بقول كل ملاحظاتى بدون تحيز والله ومع ذلك انا حجزت العربية لانى عارف ان بالسعر ده مستحيل الاقى مميزات فقط لازم تكون فيه عيوب كمان والواحد لازم يقرر هل عيوب العربية دى حتعملوا مشاكل ولا مش حتفرق معاه واتمنى ان العربية تنتشر و قطع غيارها تكون متوفرة عشان الواحد ميندمش على القرار ده والله المستعان