516 وتجربة اقصى سرعة

**kimocyc** · 22-05-2013 05:56 PM

كفانا الله واياكم شر الطريق..

وفعلا مواتير الاسبرانزا عايز اللي يفهم يجريها..

**abdulhafeez** · 22-05-2013 07:20 PM

على فكرة العربية دي معزولة كويس بس الابواب هي اللي عزلها وحش او مش معزولة اصلا وكمان ورا الماتور والجلد الكاوتش بتاع قفلة الباب لو الحاجات دي اتضبطت يبقى تمام اوي كدا

**عماد** · 28-09-2013 10:22 PM

السلام عليكم مالكى اسبرانزا a516 ممكن تساعدونى انا محتار بين اسبرانزا a516 وبين دايو لانوس ولسه بايع عرابيتى ( سيينا 1400 موديل 2002) وانا محتار بين الاثنين من حيث اسعار قطع الغيار وتوافرها مع العلم انى حابب شكل الاسبرانزا بس ماعنديش معلومات عنها لذا ارجو المساعدة فى مميزاتها وعيوبها واسعار قطع الغيار وتوافرها ولما اقبل على الشراء اخد بالى من ايه لتكون العربية سليمة وحالتها كويسة ومعدل استهلاك البنزين
معلش اسألتى كتير بس علشان اقدر اقيمها ولكم جزيل الشكر
انا فى انتظار ردكم

**zomorodaty** · 29-09-2013 05:00 PM

الاسبرانزا واسعة وفيها امكانيات وماتورها كويس وبيشد وعالية عن الأرض وثابتة على الطريق، دي أبرز مميزاتها، ويعيبها العفشة بس ممكن تعديلها بتركيب مساعدين ومقصات لانسر، وقطع غيارها متوفرة ورخيصة..وفيه حاجة ممكن تكون عيب أو ميزة سحب البنزين عن طريق حساس من سلك وده بيخلي الكمبيوتر يتحكم في سحب المتور وده ممكن يكون ممل شوية للي متعود على السحب السريع والتسقيط في الاوتوماتيك..وفي المقابل اللانوس واطية وعفشتها أحسن بس مس إلي هيا برده وماتورها محترم جدا وضيقة من جوه ومفيهاش كماليات واقل ثباتا

**EZABY** · 02-10-2013 05:54 PM

انا لسه امبارح برضو على طريق السخنه 180 بالتكييف و3 أشخاص في العربيه وشنط هدوم
ودخلت الملفات اللي على الطريق ده على 180 و 170 عادي
بس للأمانه لحد 150 تاخد الملفات وانت مرتاح اكتر من كده تقلق شويه

لكن عموما انا اخدت قرار ان اللي هيقوللي اسبرانزا مش ثابته عالطريق هاشتمه وش :d

**lanos2004** · 02-10-2013 06:09 PM

قشطه

**د.عماد صلاح** · 03-10-2013 01:55 AM

بلاش مخاطره
يعني هتوصل بدري قد ايه نصف ساعه يعني
ارجوك بلاش

**abdulhafeez** · 04-10-2013 02:38 PM

المشاركة الأصلية كتبت بواسطة ezaby

انا لسه امبارح برضو على طريق السخنه 180 بالتكييف و3 أشخاص في العربيه وشنط هدوم
ودخلت الملفات اللي على الطريق ده على 180 و 170 عادي
بس للأمانه لحد 150 تاخد الملفات وانت مرتاح اكتر من كده تقلق شويه

لكن عموما انا اخدت قرار ان اللي هيقوللي اسبرانزا مش ثابته عالطريق هاشتمه وش :d

اكيد انت مركب كاوتش مقاسه اعلى او مغير الكاوتش الاصلي بريللي بي 7 اللي العربية كانت نازلة بيه
ومركب نقشة تانية مش رياضي

على العموم ملف على 150 دا كتير قوي على فكرة