هو فين نشاط رجاله استرا 2013

**janagabr** · 17-05-2013 06:01 AM

عايزين ننشط كده يا جماعة لحسن مفيش مواضيع عن الاسترا 2013 خالص ومفيش مواضيع تقييم كتير وجدول الصيانات ونوع زيوت الماتور الافضل واكتشافات خواص العربية
لان الصراحة العربية جامدة جدا وحوار وفيها دهاليز بكتشفها كل يوم

اكتشافات خفيفه علي الماشي لاسترا كوزمو سيدان 2013
العربية لسه جديدة فالتقيم هيكون مش دقيق

مش هاتكلم عن مواصفات العربية لان في مواضيع هنا فيها المواصفات الاساسية

انا في مرحله اكتشاف خواص العربية لسة
1- لما ترفع زرار الفرامل اليد الكهرباء مرة يبقي انت شديت الفرامل
انما لما تقف علي منحدر جامد او منزل ارفع الزرار مرتين ورا بعض للحصول علي اقصي قوة
لا تقم بتشغيل فرامل اليد الكهربائية كثيرا دون تدوير المحرك لا هذا سيؤدي الي افراغ شحنة البطارية
2- هل عجلات العربية مزودة بمجسات ضغط ؟ لان العربية فيها نظام مراقبة ضغط الهواء في الاطارات
menu - vehicle information menu - tire pressure
الكلام دة من الكتالوج وانا لسه متاكدتش من وجودة في العربيات اللي نزلة مصر
3- شكل العربية من ورا جامد مع السحبة اللي في العضم فوق الفوانيس اللي ورا من عند القايم عشان تقلل من احتكاك الهوا
الواحد بيبقي سعيد لما تقابل واحد او واحدة تسال عن رايك في العربية فامسك بقي في الحتة دة واقولها شايفة aerodynamics + friction وشوية كلام علمي بالانجليزي يحسوا انك شوماخر ( مايعرفوش اللي فيها ) شغل الماني عالي مع شكل الجنوط 17 تحس ان العربية سبور وشيك
4- العزل كويس جدا في العربية
5- التقفيل وخامات العربية نظيفة وفخمة
6- العربية فيها مخابئ كتير بتشيل حاجات كتير
7- مسند اليد بيطلع لقدام وورا
8- الجراب اللي تحت في الباب واسع بيشل حاجات كتيرة وسهل الوصول اليه يعني مش لازق في الكرسي
9- مضايقني اوي القوايم الكبيرة اللي في العربية مبعرفش اشوف كويس منها ( نقط عمياء ) ومبعرفش ابص ورا وارجع بظهري فاضطر استخدم المرايات ودة مبحبوش ومبعرفش ارجع كويس والقايم الامامي رخم واكل جنب العربية من ناحية الفوانيس ومسند الراس للكرسي الامامي كبير فلما ابص جنبية مبشوفش حاجة ( متهيألي الموضوع محتاج وقت للتعود نتيجة للانتقال من عربية صغيرة لاخري )

اهلا وسهلا باي تصحيح للمعلومة لو فيها شك

**janagabr** · 17-05-2013 06:14 AM

ممنوع وضع اضافات او محسنات علي زيت الماتور

**koshakindnes** · 17-05-2013 12:26 PM

كتر خيرك ياباشا والله الواحد مستنى تقيم للعربية فى العزل والكلام دا كولوا بس مش لاقى فى المنتدى

انا فعلا بفكر فى العربية بس حاجتين فصلنى منها الناس بتقول سحبتها مش اد كدا

وتانى حاجة ضيق الكنبه الخلفية دى بذات ممكن تخلينى من بعد ما بفكر فيها افكر فى النترا متقوليش ازاى من المانى لكورى :d :d :d

لان موضوع الضيق دا بيخنقنى

وسؤال تانى ياباشا نظام الصوت كويس وحاجة فاخرة كدا شغل فنادق :p ولا هحتاج انى اركب عدة صوت لو اشترتها

وتحياتى ليك

**janagabr** · 18-05-2013 12:50 AM

المشاركة الأصلية كتبت بواسطة koshakindnes

كتر خيرك ياباشا والله الواحد مستنى تقيم للعربية فى العزل والكلام دا كولوا بس مش لاقى فى المنتدى

انا فعلا بفكر فى العربية بس حاجتين فصلنى منها الناس بتقول سحبتها مش اد كدا

وتانى حاجة ضيق الكنبه الخلفية دى بذات ممكن تخلينى من بعد ما بفكر فيها افكر فى النترا متقوليش ازاى من المانى لكورى :d :d :d

لان موضوع الضيق دا بيخنقنى

وسؤال تانى ياباشا نظام الصوت كويس وحاجة فاخرة كدا شغل فنادق :p ولا هحتاج انى اركب عدة صوت لو اشترتها

وتحياتى ليك

اهلا وسهلا بيك في اي استفسار
1- سحب العربية بعد 40 او 60 بيبقي كويس جدا ودة بدون مقرص علي العربية اقصي سرعة جبتها 150 ومكنتش حاسس بحاجة
2- الكنبة ده محدش قعد ورا فمش هعرف افيدك فيها
بس اكيد مش هتسيب ماتور واتزان وباقي اساسيات العربية عشان كنبة ضيقة يعني مضحيش باتزان العربية عشان كنبة اوسع 10 سم ده من وجه نظري its up to u
3- الصوت نظيف ونقي وممكن تخلي تركيز الصوت كله ورا ووممكن قدام وممكن توزعه زي ما انت عايز في كل سماعات العربية

**dede_dodo88** · 18-05-2013 11:59 PM

المشاركة الأصلية كتبت بواسطة koshakindnes

انا فعلا بفكر فى العربية بس حاجتين فصلنى منها الناس بتقول سحبتها مش اد كدا

وتانى حاجة ضيق الكنبه الخلفية دى بذات ممكن تخلينى من بعد ما بفكر فيها افكر فى النترا متقوليش ازاى من المانى لكورى :d :d :d

وسؤال تانى ياباشا نظام الصوت كويس وحاجة فاخرة كدا شغل فنادق :p ولا هحتاج انى اركب عدة صوت لو اشترتها

السحب تقيل فعلاً و بيبقى ملحوظ أكتر في الطلعة من السكون لكن لو العربية متحركة على سرعة الموضوع مبيبقاش ملحوظ و العربية بتجري كويس و لو الحالة تسمح ممكن تمشيها ببنزين 95 بيكون أريح للموتور و بيفرق في السحب..

الكنبة الخلفية بالشكل كده تبدو ضيقة زي بقية العربية لو بصيتلها من بعيد كده تحسها صغيرة, لكن مش هتعرف الموضوع ده بجد غير لما تاخد حد كده و تروحوا تقعدوا في الكنبة و تشوفوا هتبقوا مستريحين وللا لأ..
أنا محدش تقريباً بيركب معايا العربية بس لما حد بيقعد ورا في الكنبة بيبقوا مستريحين و المساحة كبيرة..

النظام الصوتي في العربية بيبقى 7 سماعات و صوتهم قوي مش هتحتاج تركب نظام صوتي جديد..

**dede_dodo88** · 19-05-2013 12:04 AM

المشاركة الأصلية كتبت بواسطة janagabr

1- لما ترفع زرار الفرامل اليد الكهرباء مرة يبقي انت شديت الفرامل
انما لما تقف علي منحدر جامد او منزل ارفع الزرار مرتين ورا بعض للحصول علي اقصي قوة
لا تقم بتشغيل فرامل اليد الكهربائية كثيرا دون تدوير المحرك لا هذا سيؤدي الي افراغ شحنة البطارية

مش عارف أنا موضوع رفع الزرار مرتين ده!! ده بيعمل أيه عشان مش فاهم ؟
ما هي العربية كده كده فيها hill start assist عشان الطرق المنحدرة دي !!

أنا عن نفسي لما بركن العربية برفع زرار الهاند عشان سمعت أنه بيبقى غلط على الفتيس أني أسيبه على الـP من غير من أرفع الهاند.. أنا على طول بعمل كده و البطارية معملتش مشاكل!!..

**NarCtX** · 19-05-2013 01:31 AM

المشاركة الأصلية كتبت بواسطة dede_dodo88

مش عارف أنا موضوع رفع الزرار مرتين ده!! ده بيعمل أيه عشان مش فاهم ؟
ما هي العربية كده كده فيها hill start assist عشان الطرق المنحدرة دي !!

أنا عن نفسي لما بركن العربية برفع زرار الهاند عشان سمعت أنه بيبقى غلط على الفتيس أني أسيبه على الـP من غير من أرفع الهاند.. أنا على طول بعمل كده و البطارية معملتش مشاكل!!..

ال HSA شغال والعربية ماشية وعلى ال D, لكن هو قصده و انت بتركن العربية وبتشد الفرامل ونازل منها, الفكرة إن فعلا فيه levels for applying e-brake, أول واحدة العادية اللي هي لو بتركن في شارع عادي, لكن لو بتركن على مطلع مثلا أو حاجة فـالاحسن تشد الزرار مرتين -هتسمع صوت الفرامل في المرتين والمرة التانية صوت اقصر- ده بيشغل ال Maximum Power بتاع ال e-brake.

أما موضوع البطارية فـهو قصده لو انت قافل العربية وقاعد تشغل الفرامل وتقفلها كتير ورا بعض -بتلعب يعني لول- فـده ممكن يسحب كتير منهـا.

**janagabr** · 19-05-2013 02:10 AM

المشاركة الأصلية كتبت بواسطة narctx

ال hsa شغال والعربية ماشية وعلى ال d, لكن هو قصده و انت بتركن العربية وبتشد الفرامل ونازل منها, الفكرة إن فعلا فيه levels for applying e-brake, أول واحدة العادية اللي هي لو بتركن في شارع عادي, لكن لو بتركن على مطلع مثلا أو حاجة فـالاحسن تشد الزرار مرتين -هتسمع صوت الفرامل في المرتين والمرة التانية صوت اقصر- ده بيشغل ال maximum power بتاع ال e-brake.

أما موضوع البطارية فـهو قصده لو انت قافل العربية وقاعد تشغل الفرامل وتقفلها كتير ورا بعض -بتلعب يعني لول- فـده ممكن يسحب كتير منهـا.

الله عليك فاهمني بالضبط
تسلم يا كبير