ارجو الافاده

**hegazi_arc** · 17-05-2013 11:50 AM

السلام عليكم..
يا جماعه انا محتار بين الستروين جراند بيكاسو و البيجو ال 307 sw..انا عارف ان الاتنين نفس مصنع الانشاء..حد عندو اي فكره انهي احسن..هي البيجو منتشره اكتر برضو بس متهيألي انها مظلومه برضو في سعر اعاده البيع زي اي عربيه محترمه في البلد دي اللي مش نافع فيها غير الصيني و الفرنا

**amounir6666** · 17-05-2013 12:20 PM

المشاركة الأصلية كتبت بواسطة hegazi_arc

السلام عليكم..
يا جماعه انا محتار بين الستروين جراند بيكاسو و البيجو ال 307 sw..انا عارف ان الاتنين نفس مصنع الانشاء..حد عندو اي فكره انهي احسن..هي البيجو منتشره اكتر برضو بس متهيألي انها مظلومه برضو في سعر اعاده البيع زي اي عربيه محترمه في البلد دي اللي مش نافع فيها غير الصيني و الفرنا

العربيتين مشتركين فى حاجات كتير و هتلاقيهم نفس النكهة الفرنسية

Citroen Berlingo/C4/Grand Picasso Peugeot 307/Partner Suspension Ball Joint New | eBay

و أعتقد أنهم نقس الموتور ال 1600

البيجو أنتشارها أكتر من الستروين فى مصر .. المشكلة مش هتبقى فى قطع غيار الصيانة و الميكانيكا الجديدة .. هتبقى فى المستعمل و الأكسسوار والبودى لاقدر اللة

اللى خسر فى العربيات دى جامد هوا أول مالك .. وانا بعتبروا مخسرش لأنوا ركب بالفوس دى عربية زيرو .. العربيتين هيخسروا فى أعادة البيع أكتر من الكورى أكيد .. بس حضرتك هتيجب عربية فى رنج ال 80 +- .. وهتركبها 3 -4 سنين مثلا وبعدين تبعها ب 60 أو حتى خمسين .. 20-30 ألف فى عالم السيارات
متعتبرش خسارة بعد الفترة دى ..رأيى التفكير قوى فى حكاية أعادة البيع يكون قى الزيرو زنج 150 ونتا طالع علشان متخصرش كتير ..لو عايز تركب فكر هتركبها بكام و تصونها أزاى و ربنا يديك طولة العم و تبعها .. هيكون الحال غير الحال ..ونا شايف أن حضرتك راكب فورد وفاهم أنا بتكلم فى أية

ربنا يوفقك للى فىة الخير

**hegazi_arc** · 17-05-2013 06:33 PM

انا شاكر لسعادتك..انا فعلا كان معايا مونديو جبتها برضو و الناس بتقول عليا مجنون أزاي أركب فورد..بس الحقيقه..عربيه فوووق المتازه ..عربيه دكر من الاخر و بعتها بعد ما عملت 500,000 كم..اه طبعا بعتها بخساره بس ركبت ركوبه..المهم انا فعلا معجب بالجراند بيكاسو جدا بس الناس بيخوفوني منها اكتر من الفورد..فعلا ا كتر واحد خسر اللي اشتري زيرو و باع..انا شاكر لمجهودك عالرض