مقبل على شراء شوما 99 ومحتاج ارائكم فى اسرع وقت

السلام عليكم ورحمة الله وبركاته

اخوانى الافاضل اعضاء هذا المنتدى الراقي والرائع فى كل شيء صراحة
انا بقالي حوالي اسبوعين بس بدخل المنتدى هنا كزائر واتفرج على المنتدى واراء الاعضاء وتعاونهم فيما بينهم بصراحه حاجه روعه ماشاء الله
ده اول موضوع ليا فى منتدى نايل موتورز ويارب افضل هنا معاكو على طول لاني جديد تماما فى موضوع السيارات ده

الموضوع ببساطه بعد رحلة بحث وعناء طويل ربنا اكرمني ولاقيت سيارة سعرها فى حدود المبلغ اللى معايا هو 45000 واتوماتيك وكماليتها الى حد مناسبه هي بيانات السيارة كالاتى:
كيا شوما موديل 99 كامله ( اتوماتيك + فتحة سقف + تكييف + باور سنتر +مريات كهربا )
السايرة ماشية 120 الف كيلو وحالتها الى حد ما معقوله فابريكة جوه وراشه بره حزام نضافة

دلوقتى انا محتاج اعرف رأيكم فى الكيا شوما دي وثباتها وادائها واداء فتيسها خصوصا انها اتوماتيك كمان هل قطع غيارها متوافره خصوصا اني من اسكندرية؟
ياجماعه دي اول سيارة اسوقها فى حياتي ومحتاج رأيكم بكل حياديه ايه عيوبها ومميزاتها عشن انا رايح اتفق مع الراجل صاحبها بكره ان شاء الله
وربنا يوفقكم جميعا لمساعدة اخوانكم فى المنتدى.

الشوما كويسة...بس القطع غيار الخارجية صعبة شوية...............السيفيا احسن بكتيرررررررررررررررررر جدا وخصوصا انها هية هية نفس الموتور ونفس الفتيس بس الشكل الخارجي احسن ومتوفر عن الشوما ونفس السعر

كيا شومه
عربيات اصلا خليجى
بتنزل نظام معوقين
عربيه محترمه
وثبات محترم

واليك بعض اسعار قطع الغيار لانها كان معايا من فترة
كبالن المانى بتاعتها
580 ج وبتركبله الورده القديمه لانه مش بيجى فيها
فلتر بنزين
ب55ج
فلتر زيت
ب35 ج
فلتر هوا
40 ج
مساعدين خلفى ب650 ج
امامى 600 تقريبا
السوست ب400
الفوانيس والحجات ديه استيراد من 150 الى 200 الفانوس

من غير تردد والله احلي عربية كوري ركبتها في حياتي الفتيس بتاعها كنت مغيرة ب1500 وعربية قطع غيارها مش غالية خااااااالص عادية جدا وانا في راي الشخصي انا ركبت عربيات كتير وبحب الجري هية افضل عربية كوري في السعر دة طبعا وكمان اللي انت بتشتري فيها دية احلي موديل بتنزل فرامل absومفتاح تشفر واوبشن بصرحة تحفة توكل علي الله من غير تفكير

الف الف شكر ليكو يا جماعه بجد طمنتوني وفتحتو نفسي اني اكمل فى الموضوع
انا هتوكل على الله وربنا يقدم مافيه الخير
ربنا يبارك فيكو ومتشكر لكل الناس اللى عطتنى جزء من وقتها وردت عليا

اقتباس:

---

المشاركة الأصلية كتبت بواسطة eldmrane

من غير تردد والله احلي عربية كوري ركبتها في حياتي الفتيس بتاعها كنت مغيرة ب1500 وعربية قطع غيارها مش غالية خااااااالص عادية جدا وانا في راي الشخصي انا ركبت عربيات كتير وبحب الجري هية افضل عربية كوري في السعر دة طبعا وكمان اللي انت بتشتري فيها دية احلي موديل بتنزل فرامل absومفتاح تشفر واوبشن بصرحة تحفة توكل علي الله من غير تفكير

---

يا ريت تقولي اشتريت الفتيس الاوتوماتيك دا امتي و منين . علشان معايا شوما 1999 و الفتيس الاوتوماتيك بينتش و يرزع بين بعض النقلات وانا بصراحة مش عارف ممكن اصلحه فين . فيا ريت تقول برده ايه سبب تغييرك للفتيس

اقتباس:

---

المشاركة الأصلية كتبت بواسطة amromdiab

يا ريت تقولي اشتريت الفتيس الاوتوماتيك دا امتي و منين . علشان معايا شوما 1999 و الفتيس الاوتوماتيك بينتش و يرزع بين بعض النقلات وانا بصراحة مش عارف ممكن اصلحه فين . فيا ريت تقول برده ايه سبب تغييرك للفتيس

---

باشا انا معايا شوما اوتو و بنصحك بلاش موضوع التصليح دا لانو 90% من التصليخ بتبقي عملية مؤقتة و فاشلة و كام شهر و بيبوظ تاني انا كان عاندي فتيس زيادة و عرضتو عالمنتدي و محدش عبرني لحد اما بيعتو خردة عشان ملوش مكان عندي المهم الفتيس بتجيبو من الحرافيين و بتاخدو عالتجربة لو سليم تمام لو بايظ بترجعهولو و انا كنت شارية من 4 شهور بي 1800 ماعرفش دلوقتي بكام السوق كل يوم بسعر ملحوظة اخيرة طقم اصلاح الفتيس بيتكلف حوالي 1500

اقتباس:

---

المشاركة الأصلية كتبت بواسطة zomprakes

باشا انا معايا شوما اوتو و بنصحك بلاش موضوع التصليح دا لانو 90% من التصليخ بتبقي عملية مؤقتة و فاشلة و كام شهر و بيبوظ تاني انا كان عاندي فتيس زيادة و عرضتو عالمنتدي و محدش عبرني لحد اما بيعتو خردة عشان ملوش مكان عندي المهم الفتيس بتجيبو من الحرافيين و بتاخدو عالتجربة لو سليم تمام لو بايظ بترجعهولو و انا كنت شارية من 4 شهور بي 1800 ماعرفش دلوقتي بكام السوق كل يوم بسعر ملحوظة اخيرة طقم اصلاح الفتيس بيتكلف حوالي 1500

---

الف شكر علي الرد.
و ياريت لو حد عارض فتيس شوما اتوماتيك للبيع في المنتدي

بس سؤال تاني .
ايه سبب تغييرك للفتيس؟
وايه رأيك في الفتيس اللي اشتريته مستعمل؟؟؟؟

توكل على الله ياباشا و لو مش هتخلص فيها ياريت تبعتلى رقم صاحبها عشان اعرف واحد بيدور على اختها

الفتيس الاوتو ضعيف شوية بس سعرة مش غالي هوة مش هيبو ظ كل يومين ياعني ممكن يعد كتير طالما استعمالك كويس اما سر الفتيس اللي كنت مغيرة :face17[1]: كنت جايبة من واحد لسا شغال في الكيا ومش يعرف اسعار تقريبا هههههه روحت قولتلة بكام قالي 2000 وهوة عارف اني بقلب في العربيات قولتلة دة لعربيتي وهوة في كل مكان ب1500 انت بتغلي عليا ومش هتعمل معاك قالي خلاص خدة ب1500 وقفت حليتة من علي مكنة انا وواحد صحبي ههههه واكتشفت اني عملت مشهد بجد وان ما حديش يعرف يجيبة بالسعر دة وجت صدفة او نصيبي هوة في الجيزة في شارع الثلاثيني وعلي فكرة انا بدور علي كيا شوما ليا انا مش تجارة تكون هاي لاين وحالة انا لسا بايع واحدة مانوال من اسبوعين حالة الزيرو من الاكصدام للاكصدام زيرو بس مش كانت مريحيني زي الهاي لاين مختلفة وعايز اجيب واحدة هاي لاين اركبها

توكل على الله واشتري الكيا شوما هيا لاين

بجد افضل عربية ف السعر دا افضل من اللانوس والنوبيرا والفيرنا والكريستالة واي حاجة ف الفئة والسعر هي الافضل وخصوصا الموصفات الهاي لاين حاجة كدا جامدة ربنا يبارك لك فيها

بس انا لي تعليك على الفتيس الاوتو الناس كلها بتعيب على الاوتوماتيك الكوري مع ان العيب يبقى تقريبا 99% ميكانيكي واهمال من صاحب العربية
كل المطلوب منك تحافظ على الزيت بتاعه وتابعه كويس قوي وتغيره ف الميعاد ومتشدش بيه عربية تانية او تحمل جامد قوي وتمشي على ال d الافضل ف الحمولة الجامدة جدا انك تنقل 1 2 3

وربنا يعطيك خيرها ويكفيك شرها (لو لقيت عربية نفس المواصفات بس الحالة ممتازة انا شاري )