السلام عليكم يا شباب
سؤال لرجالة المنصورة؟؟؟
عندي الجنوط بعافية شوية :) وعاوزة تتعدل
ياترى في مكان في المنصورة بيصلح الجنوط ويرجعها لأصلها
وشكرا مقدما
الجنوط 17 زي اللي في الصورة بالضبط
[sor2]http://images.esellerpro.com/2493/I/163/8/E60_EX_Fe_V_245.jpg[/sor2]
متابع
معرفش حد كويس فى المنصورة نفسها
فى واحد فى الزقازيق اسمه شيبوب عملنا عنده جنط كروز 16 بس الجنط مكنش فيه كسور او لحامات و النتيجة مرضية بنسبة 95%
لو هاتروحله محتاج تكون عنده على الساعة 9 صباحا بالكتير عشان عنده زحمة و ممكن تعطل عنده
و حضرتك اعمل حسابك ان البلد هناك زحمة جدا و الجو حر جدا :(
اقتباس:
المشاركة الأصلية كتبت بواسطة medo.malek
الف شكر على الرد
انا برضه الحمد لله معنديش كسور ولحامات
ياراجل دا انا بمشي في شوارع المنصورة بالعافية لما بكون اجازة تقوم تقولي الزقازيق :))) ، بصراحة معرفش الزقازيق خالص
وعشان معرفش حاجة في الزقازيق، بفكر ارفع العربية وابعت الجنوط مع اي حد يعملهم وخلاص، تفتكر ينفع كدا ولا بيحتاج العربية في حاجة؟
طيب، بما ان حضرتك من المنصورة مين كويس بتاع ضبط زوايا وترصيص والكلام دا كله؟
والف شكر كمان مرة
ظبط زوايا فيه واحد اسمه الحجاز الناس كلها بتشكر فيه بس انا ليا تجربه سيئه معاه
هو بعد عوضالله الجديد تفضل ماشي لحد ماتلاقي صينيه تدخل يمين بعد اول مطب عاليمين هتلاقي فيه يافطه كبيره ظاهر جدا اول ما تدخل الشارع (مساكن المجزر )
انا جربت قبل كده واحد في الطويله عالطريق السريع كان كويس بصراحه وناوي اروحله تاني
اقتباس:
المشاركة الأصلية كتبت بواسطة mahmoud85
ايوه عارفه دا كويس
اسمه حجازي تقريبا مش الحجاز
ظبطلي العفشة بتاعة العربية وبيشتغل في اي عربية كبيرة وكمان صلحلي عيب علبة الدركسيون بتاع الدايهاتسو السيريون
بس معجبنيش في الترصيص اوي بصراحة
شكرا على المساعدة
الطويلة دي طريق دمياط؟؟؟
ايوه طريق دمياط اسمه mtm هو قبل الطويله علي طول الناحيه الشمال يعني هتلف وترجعله جمبه كافتريا بس مش فاكر اسمها
انا سمعت كلمه سيريون ههههههه
طيب متقولنا ياباشا عملت ايه في علبه الدركسيون واتكلفت كمام :)
اه ممكن تبعتهم مع حد مفيش مشكلة هو مش هايحتاج العربية الا لو هاتظبط زوايا و الترصيص هو بيرصص طبيعى عشان يظبط الرفة على قد ما يقدر و على حسب ما الجنط محتاجاقتباس:
المشاركة الأصلية كتبت بواسطة amrico
لو اعرف حد كنت قولت من الاول و الله :) انا بخبط مشوار القاهرة مع كل صيانة عشان الموضوع ده
اقتباس:
المشاركة الأصلية كتبت بواسطة bmya
انا كنت بشتكي من صوت في الدركسيون، العيب الشهير بتاع سيريون، وخصوصا لو الشارع مكسر او على المطبات
المهم رحت للراجل دا لان كان عندي تجربة كويسة معاه في عربية مرسيدس c كانت عندي
المهم الراجل لقيته بيقولي انه عارف العربية فيها ايه وان دا عيب معروف في السريون، وسيبتهاله ومشيت لأني مكنتش فاضي
مش عارف ركب جلبة ايه كدا وكبس حاجة، ولقيته بيقولي انا اتحدى التوكيل انه يخرج العربية من الضمان لأن الشغل اللي عملته مايبانش خالص :)) قولتله العربية اصلا 2009 يعني خرجت من الضمان خلاص، وبصراحة العربية فرقت خالص بعد الشغل اللي عمله وبقت كويسة بسم الله ما شاء الله
مش فاكر دفعتله كام بصراحة
بس بصراحة السيريون عربية محترمة جدا وهي اللي بنركبها على طول ومتحسش ابدا انها عربية قليله
من وجهة نظري السيريون احسن عربية تركبها في المدينة والزحمة
ربنا يباركلك في السيريون بتاعتك
الف شكر، هاشوفلي حد يروح بيهم الزقازيق لشيبوباقتباس:
المشاركة الأصلية كتبت بواسطة medo.malek
اقتباس:
المشاركة الأصلية كتبت بواسطة mahmoud85
الف شكر
النهارده وانا مروح من الشغل ولسه واصل حالا بصيت عالكافتريا بقيت اسمها نورهان وهي قبل الطويله ب 400 متر تقريبا لو حابب تجربه جربه بصراحه عجبني شغله في ظبط الزوايا عن حجازياقتباس:
المشاركة الأصلية كتبت بواسطة amrico