كلام ذي الفل
عرض للطباعة
كلام ذي الفل
صدق الله العظيم
اخى الكريم
اصبت كبد الحقيقه
لافض فوهك
واسمح لى ان اضع بين يديك مشاركتى رقم27 فى هذا الموضوع
http://www.nilemotors.net/Nile/35606...post3874995500
واتمنى ان ارى لحضرتك تعليقا عليها
ولاتعليق على كلام حضرتك سوى انه كلام موجه واتمنى ان تقراءه الاداره قبل الاعضاء
ولكن اين الاداره
اين كريم بك منير فى كل مايحدث
واعتقد ان الخيط الواصل بين الاعضاء مازال موجودا لم ينقطع وكل المحاولات التى تحدث من عدم مشاركه او تعليق المشاركه او عدم الكتابه ماهى الا محاولات للفت نظر الاداره لما يحدث وان انقطع هذا الخيط فلن تجد لنيسان قائمه نظراً لهروب اصحاب الخبره وعمالقه كاتبى موضوعات نيسان من القسم
من الممكن ان يختلف معى كثيرا فيما قلت
ولكن ستظل الحقيقه المجرده كما هى
والمستوى الذى وصل اليه قسم نيسان فهو خير دليل على صدق كلامى وهذا رأى كصيرا من الاعضاء الافاضل
تحياتى لقلمك الرائع وعطر ماجاء به من عبارات
تمنت ان يقراء كل منا هذا الموضوع بإحساسه وليس بعينيه ويقدر مابه من تفاعل وكلمات صدق
كلام معقول وموزن جدا
أول حاجة يا أستاذ حمدي ألف حمدالله على سلامتك وربنا يديم عليك نعمة الود والتآلف اللي بتخليها موجودة طول ما حضرتك موجود هنا
تاني حاجة عايز بس الفت نظرها ان المنتديات لما تكبر بتتحول إلى مواقع تجارية , وبناءً عليه بيكون مشرف عليها شركة هي اللي بتدير وهما دول "الإدارة" ... وبتكون منفصلة تماماً عن مالك الموقع , الإدارة بتتولى بيع الإعلانات وكمان تتولى التدخل لو فيه مشاركة مش عاجباهم - من وجهة نظرهم
تالت حاجة... أحب اقول ان كل الناس هنا ماحدش فيهم بيكون يقصد الإساءة ... أحياناً بيدخل ناس مشاغبين هدفهم الوحيد هو الاستفزاز , ولما تطلع كلمة من هنا أو هنا يعمل عليها هليلة ويروح يبلغ عنها الإدارة ...اللي تتدخل وتوقف العضو الكريم اللي أعصابه فلتت منه وخرج منه كلمة ممكن تتفسر بأكتر من وجه ...
رابع حاجة ... طالما الوضع كذلك , يبقى الوحيد اللي هايكون له يد في الموضوع هو احنا , تواجدنا كأعضاء ومساعدتنا لبعضنا دون انتظار أي تدخل من أي حد , طالما الموضوع هو موقع وبيتم إدارته بحيادية تامة بعيداً عن الحفاظ على أي نوع من أنواع الأجواء سواءً جو كويس أو وحش ... الشركة مش بيكون همها الجو الودي قد ما بيكون همها عدم وجود خناقات بألفاظ , أو عدم وجود إعلانات غير مصرح بيها , أو عدم وجود اتهامات دون دليل ...
علشان كدة باقول ان احنا لو عايزين الجو الودي الأخوي يستمر هنا , هانعمله بإيدينا ... وعلشان ماحدش يكون له يد في وضع أي بذرة مشاحنات , بادعو كل الأعضاء الكرام المحترمين إلى عدم الرد على أي كلام فيه هجوم شخصي أو إساءة أدب من أي نوع أو أسلوب حوار غير راقي , وكل واحد يعمل بأصله , وكل الناس هنا كرام الأصل. وماتتوقعش ان حد إدارة أي موقع هاتتدخل في صف أي حد من الأعضاء طالما فيه نسبة مشاهدات عالية وطالما الحوار فضل خالي من كل الألفاظ السيئة ... هما مش هايشوفوا فيها مشكلة ودي وجهة نظرهم , وحبيت انها تكون واضحة للجميع ,
وباكرر تاني ان كل اللي بيحصل هنا بيكون سببه تفسير اختلاف وجهات النظر بشكل متباين ... يعني كل واحد بيفهم حاجة غير التاني ... وبالتالي أي إدارة مش هايهمها تصحيح فهم الناس لبعضها على قدر ما يهمها ان الموضوع مايتطورش لخناقة فعلية
دمتم بخير وربنا يبارك في حضرتك
تسلم إيدك
مواضيعك كلها هادفة ومفيدة
تسلم إيدك ومجهودك
الله يسلم حضرتك
اشكرك
واود ان اوضح اننى لم اتخذ قرار حتى هذه اللحظه بالعوده الى الكتابه
ولكن كل فتره احب ادخل اقراء فى القسم شويه ولااشارك كثيرا بالرأى واكتفى بإبداء الشكر او الاعجاب بالموضوع
واعود الى موضوع حضرتك واسمح لى بالتعقيب عليه
كلام حضرتك خطير جداً والمتمثل فى : ـ
(تاني حاجة عايز بس الفت نظرها ان المنتديات لما تكبر بتتحول إلى مواقع تجارية , وبناءً عليه بيكون مشرف عليها شركة هي اللي بتدير وهما دول "الإدارة" ... وبتكون منفصلة تماماً عن مالك الموقع , الإدارة بتتولى بيع الإعلانات وكمان تتولى التدخل لو فيه مشاركة مش عاجباهم - من وجهة نظرهم)
كما اشكرك على توضيح الامور كما نوهت:ـ
(رابع حاجة ... طالما الوضع كذلك , يبقى الوحيد اللي هايكون له يد في الموضوع هو احنا , تواجدنا كأعضاء ومساعدتنا لبعضنا دون انتظار أي تدخل من أي حد , طالما الموضوع هو موقع وبيتم إدارته بحيادية تامة بعيداً عن الحفاظ على أي نوع من أنواع الأجواء سواءً جو كويس أو وحش ... الشركة مش بيكون همها الجو الودي قد ما بيكون همها عدم وجود خناقات بألفاظ , أو عدم وجود إعلانات غير مصرح بيها , أو عدم وجود اتهامات دون دليل )
كل التحيه لحضرتك ولعطر كلامك