الموضوع: التوووووووووووووووووو 800 Cc أخيييييييييييييييرا

الف مبروك ياباشا وربنا يحفظك من شرها ويرزقك بخيرها كله يارب

على فكرة انا كمان استلمت تقريبا في نفس اليوم الثلاثاء اللى فات بس للأسف انا أصلا مش لاقي وقت أقعد على الكمبيوتر من ساعتها زي ماتكون هية جت من هنا والمشاوير نزلت على دماغي من هنا لدرجة ان انا خلاص تقريبا قربت أخلص الألف كيلو

بس انت استلمتها لونها ايه ياباشا لأن انا مالاقيتش غير الأسود

وياترى العربية معاك عاملة قد ايه بنزين بالتكييف ولا من غيره

انا بالتكييف عاملة 300 في الصفيحة وطبعا من غير ما أدوس عليها آخري 80 90 كيلومتر/ساعة

طبعا انا مش قادر أمشي من غير التكييف فامجربتش إستهلاكها قد ايه من غيره لو انت جربت قوللى

وان شاء الله أبقى أعمل موضوع عنها لما أقعد على الكمبيوتر بتاعي شوية

الف مبروك علي الاستلام Nysma
انا فولت العربية لما استلمتها، حطيت 30 لتر تقريبا
وحطيت كمان 15 لتر امبارح ... ولسة فيها بتاع 10 لتر
العربية حاليا عاملة 750 كيلو
يعني لو نحسب
30 لتر في 750 كيلو تقريبا

و طبعا من غير تكييف ولا بازود عن 85

لربنا يبارك في عربيتك ويجعلها وش السعد ان شاء الله
تحياتي

المشاركة الأصلية كتبت بواسطة y_omran

الف مبروك يا استاذة نسمة و ربنا يعطي لك خيرها و يكفيكى شرها و لكن سؤالى هوة انتى شغلتى التكييف قبل ما تروحى صيانة الالف كيلو - مفروض انك ما تشغليش التكييف قبل كدة

ياباشا التكييف مالوش دعوة خالص بموضوع التليين لأن التليين ده بيكون للموتور والأجزاء الميكانيكية للموتور والتكييف مالوش دعوة بالموتور غير انه بياخد منه الباور بتاعه فقط - لكن التليين ده (بالبلدي) عبارة عن تطبيع أجزاء الموتور الميكانيكية على بعض زي الإسطوانات والمكابس والصبابات وعمود الكامة والكرنك وما الى ذلك من أجزاء ميكانيكية وده أهم حاجة بالنسبة له ان مايحصلش تسارع فجائي للسيارة أو توقف فجائي أو السير والمحرك بارد لسة مادخلش في منطقة درجة الحرارة اللى بين C و H أو السير على سرعة منخفضة والفتيس على نقلة عالية لأن ده بيتعب الموتور أو زيادة عدد لفات الموتور عن عدد معين بيكون مكتوب في الكاتالوج بتاع العربية غالبا (كتالوج الألتو مافيهوش عدد لفات موتور معين - يعني مافيهوش سرعة معينه قصوى للتليين) بس عموما يفضل عدم زيادة السرعة عن 100 على النقلة الخامسة أو إن عدد لفات الوتور مايزيدش عن 3000 خلال الألف كيلومتر الأولى من عمر السيارة ... ده المعتاد بين معظم العربيات وهوة اللى بيبقى مكتوب في كتالوج أي عربية جديدة

المشاركة الأصلية كتبت بواسطة zalpany2000

الف مبروك علي الاستلام Nysma
انا فولت العربية لما استلمتها، حطيت 30 لتر تقريبا
وحطيت كمان 15 لتر امبارح ... ولسة فيها بتاع 10 لتر
العربية حاليا عاملة 750 كيلو
يعني لو نحسب
30 لتر في 750 كيلو تقريبا

و طبعا من غير تكييف ولا بازود عن 85

لربنا يبارك في عربيتك ويجعلها وش السعد ان شاء الله
تحياتي

ياباشا مانت أكيد استلمت العربية عاملة أصلا شوية كيلومترات (انا استلمتها عاملة 70 كيلو) الكيلومترات دي ماتتحسبش

وبعدين طريقة حساب معدل الإستهلاك الدقيقة انك تفول على الآخر وتصفر عداد الرحلات وتمشي شوية محترمين يعني 400 كيلو على الأقل وبعدين ترجع تفول تاني ومن نفس البنزينة (ويفضل تكون بنزينة سمعتها كويسة ومحترمة) وتشوف خدت قد ايه بنزين ومشيت بيهم كام كيلو بالضبط

لكن انت كده حاسبها بالتقريب مش مظبوط قوي

انا عندي بالضبط العشرين لتر بنزين عملوا 310 كيلو بالتكييف متواصل وحسيت انها المفروض تكون أكتر من كده عشان كده كنت عايز اتأكد

شوف يا باشا
اولا بخصوص التليين
انا تقريبا عملت كل المحظورات اللي انت قلت عليها دي ما عدي اني اعلي علي 80

مش عارف بقي
ربنا يستر ان شاء الله
هوا انا بامشي علي الاول لحد ما السرعة تيجي 10 او اقل ممكن
وبعدين بانقل علي التاني وامشي عليه لحد 30 35
و التالت من 35 لحد 50 55
وبعدين الرابع معايا لحد 80 ومش بازود عن 80
!!!! مش عارف كده معقول ولا لأ
انا برضو نصحوني ما اشغلش التكييف غير بعد ال 1000 .. مش عارف ليه بس لسه ماشغلتهوش و قاعد اتسلق ..
للعلم، انا استلمت العربية عاملة 40 كيلو بس، اوعدك ان شاء الله
هافول النهارة وارستر العداد و اقولك عملت قد ايه
علي فكرة انا باحط بنزين 92
شكلي كده هاروح صيانة ال1000 يوم بكرة او بعده
انا عامل 850 كيلو لحد النهارده

الله يكرمك يا Meedo ويبارك لك فيها
سؤال صغير بس
عملت الصيانة في ابو رواش ولا الهايكستيب ؟؟
ايهما افضل من وجهة نظرك ؟؟
تحياتي