الموضوع: مرور السلام بمدينة السلام بشرق القاهرة يعطيك دفعة من التفاؤل لتوقد النار في سيارتك

حاجة صعبة جدا
مرور مدينة نصر ماشاء الله فاضى جدا
ومفيش واحد دحل الامتحان لما كنت هناك الا نجح
ونظام جميل وكل الاوراق والامتحان واستلام الرخصه مخدش اربع سعات
ومشفتش واحد كان جايب واسطة غير واحد بس
والكلام ده من قريب مش شهر تقريبا
يعنى فى امل كبير ان البلد تتصلح حالها وان شاء الله قريب
بس ياريت فعلا نصبر ونستحمل شوبة وبلاش حد يدفع رشوة عشان الامور تتغير
وربنا يعين الجميع

السلام عليكم ورحمة الله وبركاته
انا تبع المرور المذكور ( وحسبي الله ونعم الوكيل ) وحتى بعد الثورة رحنا نجدد الرخصة ادونا رخصة ورق وقال تعالوا تاني بعد 6 شهور عشان المخالفات.
لكن من المهازل اللي فعلا شفتها: بعد طبعا الزحام الشديد والطوابير اللي تطلع من ده تخش على ده والموظفين اللي بيقرطسو رئيس الوحدة ولا الله واعلم بيقسموا معاه متفهمش ، المهم إن الراجل اللي بيسلم الناس الرخص في الاخر تحت تندة موبينيل ( واللي من هناك يعرف تندة موبينيلطبعا ) والله والله والله ما بيعرف يقرا الاسماء كل مؤهلاته صوته عالي ومن بعد الساعة 12 مبيقدرش ينده .

السلام عليكم انا عاوزه استفسر عشان مش عارفه اذا كنت غلطت ولا لأ لما فكرت اني ادفع رشوة بس عشان متبهدلشي في المرور ده اسمع عنه طبعا كلام كتييييييييييير انه اسوء مرور في الدنيا زميلي عرض عليا انه يعمل ليا الرخصة لانه يعرف واحد صاحبه ظابط بس مش ظابط مرور المهم قالي انه هيعملي الرخصة من غير ما حتى اروح هناك غير مره بس اتصور وطبعا دفعت مبلغ كان 500 جنية في الاتفاق و700 بعد استلام الرخصة وده طبعا من غير ما امتحن انا شايلة هم الرخصة اوي اوي فوافقت بس كتير بحس ان المبلغ ده مبالغ فيه جدا من ناس اعرفهم يقولولي ده كتير جدا الي دفعتيه وانا دفعت 500 بس ومش عارفه اعمل ايه اسحب الفكرة ومكملشي واقدم ورقي زي الناس وامتحن من غير واسطة ولا حاجه محتارة جدا عايزه حد يفيدني
ويرد عليا ضروري ضروري

المشاركة الأصلية كتبت بواسطة ahmed2801

هى دى تجربتى مع مرور السلام والعياذ بالله انا رخصت على 3 ايام.
واليكم التفاصيل:
اول يوم لازم تعمل مخالفات على النمر القديمة اللى سلمتها سنة 2009 وما حدش يقولك حاجه المواطنين هم اللى بيقولولك تروح كشك التصوير وتجيب ورقة مخالفات على النمر القديمة وتكتب النمر القديمة والجديدة وتقف ف طابور طويل طبعا ده للناس العاديين اللى زينا.... لكن البلطجية بتدخل على الشباك على طول والموظف عارفهم بياخد منهم الورق على طول بعد ما يزعق شوية لزوم الشغل وبينادو بصوت عالى داخل المرور "حد يدفع 10 جنية واجيبلة الورقة" يعنى قائد المرور سامع ..مافيش مشكلة .... وانتظر تحت المظلة ساعة اتنين تلاتة انت وحظك( والجو تحت المظلة نار وفيه مروحة واحدة فقط الكل يتسابق للجلوس تحتها وكأنك قاعد على محطة اتوبيس ف الشارع... شاى.. حاجة ساقعة.. كروت شحن.. محافظ جلد وبلاستيك) ومنتظر تسمع اسمك وتستلم الورقة اللى هى مكتوب فيها ان النمر دى هى هى نفس نمر العربية اللى فيها النمر الجديدة دى يعنى انت لسة ما ابتديتش اجرآت الترخيص وطبعا اليوم باظ الخزنة بتقفل من الساعة 11 ونصف..... تروح تانى يوم تخش على شباك المخالفات وما ادراك ما المخالفات تقف على الشباك وتعافر وانت وحظك توصل للشباك امتى وطبعا البلطجية شغالين الله ينور وبعد ما تسلم الرخصة والورقة بتاعت امبارح يكون فات ما يقرب من ساعتين وتنتظر تسمع اسمك وبعد ييجى ساعة وشوية ينده على اسمك ويقولك قيمة الغرامة او5 جنية لو مافيش مخالفات تدفع ويقولك استنى شوية وتستنى الشوية الله اعلم قد اية وينده على اسمك ويسلمك الايصال وبرأة الذمة للمخالفات كل ده انت لسة ما بدأتش اجرآت الترخيص تجرى على الشبابيك تلاقى عليها كوم من البشر لو انت جدع توصل للشباك المهم وبعد عناء شديد من الزحمة والتدخين ف الحر ده وصلت الشباك قلى هات ورق دفع الضريبة من كشك التصوير جريت على كشك التصوير وجبت الورق ورجعت تانى للشباك..... "خلاص ياخونا الخزنة قفلت تعالو بكرة" قلت اعمل حاجة بدل ما اليوم يروح كدةعلى الفاضى عملت التأمين الاجبارى وروّحت ع البيت... تالت يوم روحت كنت امام الشباك الساعة 8 صباحا لقيت ناس كتير (جم امتى دول ولا بايتين من امبارح الله اعلم) الشباك فتح الساعة 9 وربع واول ما فتح "نظام ياجدعان طابور" بعد شوية الطابور اتبعكك والبلطجية اشتغلوا وده بيسأل على حاجة " انا مش ح اعمل حاجة انا ح اسألو بس" شوية والزعيق اشتغل وبقى على الشباك كوم بشر والجدع اللى يوصل المهم وصلت كتب رقم الرخصة واداها للعسكرى علشان يجيب الملف وقالى استنى شوية بعد نصف ساعة جه الملف واخد منى ورق الضريبة اللى اشتريته امبارح وكتب وروحت الخزنة طابور طويل ما فيش غير شباك واحد لتحصيل الرسوم وشباك تانى لشراء استمارة التجديد .. خلصت الطابورين ورجعت للشباك تانى لسة عليه نفس الكوم من البشر عافرت ووصلت "استنى شوية انت مش شايفنى باشتغل" ماشى وبعد شوية اخد الورق "انت جايبلى الورق ف يدك.... هات ملف"حاضر... جريت جبت ملف ورجعتله تانى الحمد لله اخد الورق وكتب وقالى انتظر تحت المظلة.
الساعة 2 ونصف نده على اسمى واستلمت الرخصة اخيرا الحمد لله.
ملحوظة هامة : ميعاد ترخيصى 5 مارس وكل يوم اقول بكرة لغاية شهر مايو علشان العذاب اللى بنشوفه زى ما شرحت لحضراتكم.
انا اسف طولت عليكم هى دى تجربتى مع مرور السلام كل سنة علشان ما حدش يقول اننا بنتجنى عليه.

حمداً لله على سلامتك يا بطل
انت بطل من الابطال الى خلصو تجديد الرخصه في المرور الملعونة دي هههههههههههه
الف مبروك وعقبال التجديد الى جاي وعليك خير بقي

اريح حاجه انا برخص كل 3 سنين ويبقى ترخيص وفحص مره واحدة كل 3 سنين