الموضوع: Subaru Impreza 2013

ده مقارنة كانت معمولة بين العربيتين من فترة ممكن تكون مفيدة لحضرتك
http://www.nilemotors.net/Nile/32068...za-2013-a.html

نفس رأى العضو blazer
و اعتقد ان المشكلة الوحيدة الى قابلت ملاك العربية اتحلت فى التوكيل و كانت سوفت وير مش اكتر

متشكر جدا يا رجالة إن شاء الله هي الأمبريزا داخلة دماغي ربنا يوفقنا إن شاء الله

المشاركة الأصلية كتبت بواسطة ahmedgk159

متشكر جدا يا رجالة إن شاء الله هي الأمبريزا داخلة دماغي ربنا يوفقنا إن شاء الله

بص يا باشا , انا معايا سوبارو بقالى 6 سنين, العربية زى ما قال معظم الناس احسن عربيه فى فقتها بس و انت بتشترى تبقى عارف ان فيها عيبين :

1. الصيانة و قطع الغيار فى التوكيل فقط و ده معناه اسعار غاليه (فى ورش صيانة و قطع استيراد بس مش اد كده)
2. بسبب النقطه رقم واحد سعر اعادة البيع فى الكازوزة ! لو جيت تبيع هتلاقى اللى معاه لانسر او صنى او حتى ياريس بيبيع اغلى منك

استاذ أحمد
لو الامبريزا داخله دماغك و مش بتفكر تبيع قبل 5 سنوات مثلا يبقي توكل علي الله فورا و هاتها و بأذن الله عمرك ما حاتندم علي قرارك .
في الفتره دي طول ما انت محافظ علي صياناتك في التوكيل ( زيت - فلاتر - تيل ) عمر العربيه ما حاتعمل معاك اي دقه نقص و بعدين اسعار صياناتها في التوكيل زيها زي باقي التوكيلات في رنج السعر ( بالنسبه للقطع الأصليه )
انا شخصيا حاجز xv و قربت استلم ان شاء الله عن قريب
كل ما حد يسمع اني حاجيب سوبارو يقعد يقول الكلام اللي انت سمعته و لسه حاتسمعه كتير
دي غاليه ، دي مالهاش قطع غاير ، دي بتخسر جامد ،.............
لكن انا لأني مقتنع بالعربيه و انها الأفضل ( من وجهه نظري ) في الفئه دي توكلت علي الله و حجزتها .
السوبارو عربيات مش رخيصه و بتمنها ممكن تجيب حاجات كثير قوي شكلها ممكن يكون احسن و سعر اعاده بيعها كمان لكن الأهم من ده انك تكون مرتاح نفسيا و انت سايق عربيتك لأنك لو مش مرتاح حاتبقي قرفان تركبها كل مره تروح بيها اي مشوار و حاتبقي عاوز المشوار يخلص بأي ثمن .
لكن لو حابب العربيه مش حاتبقي عاوز تنزل منها .
و ربنا يوفقك للي فيه الخير لك .
تحياتي

متشكر جدا يا szaalouk و blazer أنا فعلا عاوز عربية تستمر معايا فترة كبيرة و أنا إن شاء الله هجيبها قريب جدا