عايز معلومات عن 127 اسباني 4 باب

**Hasan_EGT** · 19-05-2013 03:36 AM

العربية نادر قوي اني اشوفها انا من السويس وسمعت ان الشاسيه بتاعها اجمد من الفيورا.. كنت هاجيب الفيورا بعد كدة ال 128 بس في الاخر سمعت ان الشاسيه وحش جدا لو سقطت موتور وانا فعلا عايز اسقط موتور عشان السفر .. لو عندكوا اي معلومات عن العربية دي وايه رايكوا في الشاسيه بتاعها ياريت ماتبخلوش عليا.. والف شكر مقدما

**S O P H O S** · 19-05-2013 06:19 AM

فالنهاية هي عربية مدينة شاسيه عادي ومعقول
اعتقد ان اسبانيا مش هتتفوق علي الماني وايطاليا فال 27

**Hasan_EGT** · 21-05-2013 12:01 AM

اصل الصراحة شكلها عاجبني قوييييييي ونفسي اجيبها بس عايز اعرف ايه نظامها في الثبات في السفر والسرعة وقطع الغيار وسعرها تقريبا من كام لكام حالة ممتازة والف شكر ليك للرد وعايز ارائكم يا وحوش الفيات :)

**Hasan_EGT** · 22-05-2013 03:48 AM

ايه يا رجالة مستني الردود . فين الناس اللي جربوا العربية دي

**S O P H O S** · 22-05-2013 09:16 PM

قطع الغيار هتلاقي الالماني وده بفضله وهتلاقي ايطالي وصيني واسعارهم معقولة طبعا
الثبات معقول جدا لحجم العربية ولكن دي عربية صغيرة بردوا وخفيفة لكن ثبات مرضي للسرعة المعقولة
العربية تسافر ، فعلا تسافر لو الماتور سليم ومش متعمر وتعمل بيها الي عاوزه لو سليمة ومهتم بيها ودي عربيات قليلة
الفرامل بالمرة علشان لو نسيت تسأل الفرامل زي معظم الفيات القديم مش حلوة بصراحة مهما عدلة لكن متوسطة
لكن كلامي مش عام يعني لو ماشي 80 مثلا هتلاقي الامر معقول والفرامل كويسة
كسرت سرعة ال 100 وبتجري هتسمع صوت فرامل فعلا لكن العربية مش بتقف بتسحف زي ما بيقال
مش عيب كوتش ولا تيل او مشاكل لاني ياما عدلت وغيرت وفكذا عربية 127 من موديلات 4 ل 5 غيار 86
انما لو بتمشي بسرعة معقولة العربية هتعجبك كفرامل وثبات وجري لانها خفيفة وبتجري
العفشة كويسة لكن مش قوية جدا يعني عربيات استهلكة بردوا افضل عفشة هتكون متوسطة

علشان اكون واضح معاك العفشة لو سليمة ومحافظ عليها هتبقي كويسة
لو مطبات وجري وفرامل وضغط علي العربية العفشة مش هتستحمل كل ده وهتسمع اصوات فالعربية من كل حته
التقيم النهائي عربية مدينة رائعة موفرة فكل شئ وماتور جميل علي العربية لو سليم وشكلها جميل
وسهلة الركن والمشي فالزحمة وتسافر لو عربية كويسة
العيوب مش عاوزة شد كل شوية وفرامل علي سرعة 100+ يبقي صعب لو مش واخد عالعربية اوي
العفشة مش بالقوة الي حستها فكلامك بصراحة ومش معني كلامي انها وحشة
طبعا كلامي مجرد رأي شخصي ويحتمل الخطأ
ولو في حد من الاخوة يحب يعدل او يضيف يكون افضل
واي سؤال اتفضل اتمني اقدر اجواب وان شاء الله موفق فالاختيار الافضل ليك
والله اعلم
تحياتي ..

**Hasan_EGT** · 24-05-2013 08:56 AM

بجد مش عاف اشكرك على ردك ازاي بجد انا حابب العربية دي جدا بس خايف من موضوع السفر والف شكر على الافادة يا استاذ sophos بس انت ايه رايك افضل عربية في حدود 15 الف دلوقتي تنفع للسفر واعادة بيع كويس عشان ممكن اغير للاحسن ان شاء الله ؟؟؟؟

**ayman2** · 26-05-2013 12:37 PM

المشاركة الأصلية كتبت بواسطة Hasan_EGT

بجد مش عاف اشكرك على ردك ازاي

بجد انا حابب العربية دي جدا بس خايف من موضوع السفر والف شكر على الافادة يا استاذ sophos بس انت ايه رايك افضل عربية في حدود 15 الف دلوقتي تنفع للسفر واعادة بيع كويس عشان ممكن اغير للاحسن ان شاء الله ؟؟؟؟

خليك فى الفيورا 86 ودى 1000 cc وفرامل سيرفو وتكون حالتها كويسه وعموما الشاسيه بالنسبه للموتور ده كويس جدا وانا كنت بلف مصر كلها ب 127 (شركه النصر موديل 83 قبل الفيورا) لدرجه انها قطعت 500 كيلو فى سيناء فى يوم واحد (راس سدر كوبر السلام رايح جاى مرتين ) بخلاف الذهاب والعوده وعمرها ماعطلت فى اى سفر وثابته جدا على السرعات العاليه 150لأنها كانت بتوصل لها والكاوتش كان تيوبلس مقاس 155/70R13 نوع محترم على نفس الجنط الأصلى وكنت مركب الرادياتير مقاس 128 لأنه بيركب عليها مع المياه الخضراء المحترمه انسى السخونه وهى معى حتى الأن ومازالت فى الخدمه بمنتهى الكفاءه من سنه 83

**Hasan_EGT** · 26-05-2013 04:16 PM

الفشكر يا ayman2 هي العربية عاجباني وانت خليتها تعجبني اكتر الصراحة الموضوع دلوقتي في ايه الاحسن الاسباني موديل 80 و 81 والا سوبر فيورا 85 و 86 و87 يعني لو قدامك الاتنين حالتهم كويسة تختار ايه وانت متطمن من موضوع الشاسيه اولا بعد كدة الثبات ايه الافضل في دول وااف شكر على ردود رجالة المنتدى

**ayman2** · 27-05-2013 12:40 AM

المشاركة الأصلية كتبت بواسطة hasan_egt

الفشكر يا ayman2 هي العربية عاجباني وانت خليتها تعجبني اكتر الصراحة الموضوع دلوقتي في ايه الاحسن الاسباني موديل 80 و 81 والا سوبر فيورا 85 و 86 و87 يعني لو قدامك الاتنين حالتهم كويسة تختار ايه وانت متطمن من موضوع الشاسيه اولا بعد كدة الثبات ايه الافضل في دول وااف شكر على ردود رجالة المنتدى

طبعا الفيورا 87 الاختيار الأول بشرط الحاله وربنا يوفقك الى الخير

**S O P H O S** · 27-05-2013 12:59 AM

دور علي الحالة الانظف عموما قبل الموديل
ويكون الماتور بحالته
اما لو الاثنين قدامك بحالة كويسة يبقي فيورا طبعا
وربنا يوفقك ان شاء الله للخيـر ..

الموضوع: عايز معلومات عن 127 اسباني 4 باب

LinkBack

أدوات الموضوع

عرض

-

-

المواضيع المتشابهه

اين اجد كلاكس هيلا اسباني

مش لاقي مقصات اسباني

الفيات 132 موديل 80 اسباني ولا ايطالي

عايز معلومات عن نيسان صني 99

معلومات للي عايز يركب RPM

الكلمات الدلالية لهذا الموضوع

المفضلات

المفضلات

ضوابط المشاركة