بداية التبرعات لمجلس الشورى:مصر تلعب مباراة ودية والإيراد لإعادة بناء مبنى مجلس الشور

هي ديه البداية.بس يارب ميطلعوش قانون جمع التبرعات:):

القاهرة - أعلن سمير زاهر رئيس الاتحاد المصري لكرة القدم انه سيسعى لتنظيم مباراة ودية لمنتخب مصر أمام أحد المنتخبات الكبرى في وقت لاحق هذا العام سيخصص إيرادها بالكامل للمساهمة في اعادة بناء مبنى مجلس الشورى المصري الذي دمره حريق يوم الثلاثاء.

وقال زاهر وهو عضو بمجلس الشورى لرويترز يوم الأربعاء في الخرطوم قبل مباراة مصر الودية مع السودان "سوف ننظم مباراة لمنتخب مصر مع منتخب كبير مثل الأرجنتين أو البرازيل في أكتوبر المقبل".

واضاف "سيخصص إيراد المباراة بالكامل الذي قد يصل إلى أربعة ملايين جنيه مصري (نحو 750 الف دولار) للمساهمة في إعادة تشييد مبنى مجلس الشورى المصري".

وكان حريق هائل دمر يوم الثلاثاء مبنيين للبرلمان المصري مما أدى إلى إصابة 13 شخصا على الأقل بإصابات قالت مصادر أمنية إنها اختناقات وجروح طفيفة.

وشب الحريق في وقت العطلة الصيفية للبرلمان وأتى بالكامل تقريبا على مبنى مجلس الشورى.


http://www.masrawy.com/News/Egypt/Sp.../20/zaher.aspx

هيا بدأت
يلا كالمعتاد كل واحد يفكر فى طريقة ينهب منها شويتين

تصدقوا ان الدمعة فرت من عينى لما قرات الخبر !!!! يا عينى غلابة !!!
بكرة حايجيبوا اعلانات فى التلفيزيون فى رمضان "من أجل اعادة بناء مجلس الشورى تبرعوا لحساب 131313 و تعاطفك لوحده مش كفاية" و يطلع اى شيخ يقولك زكاة المال السنة دى لبناء مجلس الشورى حلال حلال حلال و هنيالك يا فاعل الخير و الثواب و من قدم شيئ بيداه التقاه و حسنة قليلة تملى جيوب كبيرة و كتيرة
عقبال التانى و كل عام و انتم بخير و متبرعين فى الخير

هنشوف انهى تيت تيت تيت هيروح ماتش زى ده
وبالمناسبه بالشفاااااااااااااااااااا اااااااااااااا يامعلم

و الله لما يلاعبوا فريق الأحلام

ما هادفع مليم ......زو مش عايز اتفرج

و مافيش سلامو عليكم

اتبرع و لو بجنية:1eye:

حسنة قليلة تمنع حرايق كتيرة:wtf:

وهنيالك يافاعل الخير:no4:
لو اتبرعت المبلغ هيخصم من الضرايب :policeman:
تبرعك لوحده مش كفاية:ANSmile13:

مش عارف لية اتوقع محدش يروح الماتش لو جابو مين اتوقع محدش يروح

بمناسبة منتخب مصر ..... المنتخب دلوقتى حالاً لسه خسران 4 - 0 من منتخب السودان الشقيق

no comment 5aleeees

سؤال برىء، ياترى تكلفة استضافة "منتخب عالمى" هتبقى كام؟

متهيألي ان التبرعات الكبيره حتكون من هايدلينا للدم الفاسد و احتكاركو لحديد عز و عبارات الموت لصاحبها ومديرها ممدوح اسماعيل

منقول عن المصريين
رغم تحميل العادلي الماس الكهربائي المسئولية.. جهات سيادية تجري تحقيقات حول احتمال شبهة "التعمد" في حريق مبنى مجلس الشورى

كتب عمرو القليوبي (المصريون): : بتاريخ 20 - 8 - 2008 تستعد السلطات المصرية لفتح تحقيق لمعرفة أسباب اندلاع الحريق الضخم الذي دمر مبنى مجلس الشورى، وبعض المباني التابعة لمجلس الشعب الملاصق له، في وقت استبعد فيه وزير الداخلية اللواء حبيب العادلي وجود شبهة جنائية في الحادث، مرجحا أن يكون اندلاع الحريق سببه ماس كهربائي، أتى على اللجان البرلمانية ودمر الأرشيف تقريبا، وملفات ذات حساسية، منها قضية كارثة العبارة السلام 98، على ما أفادت مصادر لـ "المصريون".
ورغم أن العادلي استبعد شبهة التعمد في الحادث، إلا أن "المصريون" علمت أن جهات سيادية لم تستبعد كافة الاحتمالات، وتحقق حاليًا في احتمال أن يكون الحريق نجم عن عمل تخريبي، خاصة وأنه كان ضخما إلى حد أن جهود إطفائه استغرقت أكثر من 10 ساعات، رغم مشاركة العشرات من سيارات الإطفاء، واستعانة الدفاع المدني بالقوات المسلحة وطائرتي هليكوبتر.
ولم تستبعد السيناريوهات المتداولة، وجود علاقة بين الحريق، والمساعي لإتلاف التقارير التي كانت تتضمن معلومات حول العديد من القضايا المهمة، وأبرزها التقرير الخاص بالعبارة السلام 98 المملوكة لرجل الأعمال البارز ممدوح إسماعيل، وتقرير آخر عن سيطرة رجل الأعمال البارز والقيادي بالحزب "الوطني" أحمد عز على شركة الإسكندرية الوطنية للصلب "الدخيلة".
المتداولون لهذا السيناريو "التآمري" يدللون على مزاعمهم بسرعة الحريق، وهو ما دفعهم إلى الاعتقاد بأنه ناجم عن مادة شديدة الاشتعال، فضلا عن أن بداية الحريق كانت في الدور الثالث لمبنى مجلس الشورى الذي يتضمن وثائق شديدة السرية حول قضايا، منها خصخصة وحدات القطاع العام وقطاع الأعمال العام بأسعار بخسة، وقضية توريد أكياس الدم الفاسد لوزارة الصحة من شركة "هايدلينا"، وقضية الفساد الكبرى داخل هيئة النقل العام، وغيرها من قضايا على قد كبير من الأهمية والحساسية.
بمواكبة هذا السيناريو، راجت شائعات ترجح وجود علاقة بين الحريق وما يتردد عن صراع داخل أجنحة السلطة، ومساع للإطاحة بصفوت الشريف رئيس مجلس الشورى والأمين العام للحزب "الوطني" من قبل شخصية سياسية صاعدة بسرعة الصاروخ، خاصة وأن الحريق الذي أتى على المبنى جاء بعد فترة من ترميمه، وهو ما يثير تساؤلات عن وسائل الأمان ومكافحة الحرائق بداخله.
جدير بالذكر أن المبنى يضم مقرات لعديد من اللجان بمجلس الشورى منها لجنة النقل والمواصلات والسياحة والرياضة والزراعة والري والصناعة وغيرها من اللجان الحساسة فضلا عن وجود آلاف من الوثائق المهمة جدًا.

اقتباس:

---

المشاركة الأصلية كتبت بواسطة Hossam_Hassan

سؤال برىء، ياترى تكلفة استضافة "منتخب عالمى" هتبقى كام؟

---

انا كنت داخل اقول كدة ... هي الناس دي فاكرينا ايه !!!!!!!!!!!

عامة حتي لو منتخب العالم هييجي يلاعبنا ببلاش و بتيشيرتات عليها صورة مجلس الشوري .. ولا مليم

و انا عن نفسي اللي اعرف انه راح هاقاطعه بقية حياتي .. بس.. هه :ANSmile13:

اقتباس:

---

المشاركة الأصلية كتبت بواسطة OlaOsman

و انا عن نفسي اللي اعرف انه راح هاقاطعه بقية حياتي .. بس.. هه :ANSmile13:

---

مافيش حد يقدر علي زعليك يا استاذه :no4:

هههههههههههههههههههه
إنتوا فاكرين إنكم لما تقاطعوا المبارة الحكومة هتغلب:)أبداااااااااااااااا اااااااااا
اللي هيحصل بالظبط إنهم هيلموا العمال من مصانع عز وبهجت وأبو العنين.......ألخ في الأوتوبيسات ويشحنوهم على الإستاد ويخصموا تمن التذكرة من المرتب ويقولوا عمال مصر إتبرعت لبناء مجلس الشورى:)

اللي انا نفسي افهمه ازاي الحريق اتأخر لدلوقت احنا كلنا عارفين ان مواعيد الجرد السنوي في اول يوليو يبقي ازاي الحريق اتاخر لاخر اغسطس
وبعد التبرعات ما تتلم ياتري حيبقى في حريق تاني وللا ايه
ولما عز يتبرع ياتري حياخد اعفاء ضريبي على التبرعات وللا ايه
ياريت حد يقولى

طب احنا فيها
الاخوة الاعيبة المغوارين البواسل حصدوا من ماتش السودان 35 سيارة كهدية
يعنى لو السيارة بمتوسط 100 الف جنية يبقوا 3.5 مليون جنية
ممكن بقى احد معرض السيارات مشكورا يشتريهم ويبعهم لصالح مجلس الشعب
ولا الاخوة الاعيبة اصحاب الملايين اللى احدهم دخلة السنوى 3 مليون وهرب عشان (عاوز يكون نفسة)
مش هيردوا يتبرعوا بالعربيات الهدية
وهيقولوا الهديه لا تباع ولا تشترى
انا دمى اتحرق
شوية عيال بيلعبوا بيجنوا الملايين
واصحاب العقول والخبرات والعلماء والدكاترة والمهندسيين مش لاقيين شغل ويادوب بيكفوا اكلهم بالعافية
البلد دى لازم تروح فى داهية

محسسنتى إن مجلس الشورى ده ... مستشفى سرطان الأطفال الجديد.

سبحان الله ..

اقتباس:

---

سيخصص إيراد المباراة بالكامل الذي قد يصل إلى أربعة ملايين جنيه مصري (نحو 750 الف دولار) للمساهمة في إعادة تشييد مبنى مجلس الشورى المصري

---

الحكومة اللى متعرفش تتحصل على 4 مليون و تشحتهم من شعبها ... تبقى لا مؤاخذة مش حكومة.

والله اعتقد إن الأولى إنهم يتنازلوا عن جزء من مكافآتهم الباهظة
او يدفعوا من جيبهم جزء من الاعفاءات الضريبية او الامتيازات اللي واخدينها منه بالحلال
ما علينا من الحرام اللي بتتناوله الشائعات
وكفاية بقى إقحام المنتخب في السياسة
مش معنى إن رئيس الاتحاد ونائب الرئيس وآخرين في مجلس الاتحاد أعضاء في المجلسين وفي الحزب الحاكم يبقى نسيس نشاطات المنتخب بالشكل ده
امبارح قبل مباراة السودان كل ما حد من الجهاز او من اللاعبين يتكلم يقوللك جايين نلاعب اشقائنا ونناصر الرئيس السوداني الشقيق في اللي بيحصل
ولا حد عارف ايه اللي بيحصل
ولا حتى دارفور دي فين
تلاقي تلات أرباعهم فاكرينها آخر خط ميكروباس أرض اللوا

وابتدينا الشحاتة

هى المشكلة انا عايز اعرف من اللى هيدفع قرش صاخ يوجه لانشاء مبنى يتم فيه سن السكاكين التى نذبح بها يوميا

لكن هم لما يلاقوا ان الشحاتة بالذوق مش نافعة هيتم طباعة ايصالات معونة شورى على غرار معونة الشتا وهتتباع اجبارى فى كل الجهات الحكومية اللى بتقدم خدمات للمواطنين(بطاقة-باسبور-رخصة قيادة-ترخيص بناء-ايصال كهرباء) وهنكع هنكع

هم يولعوه واحنا نكوعوه

اقتباس:

---

المشاركة الأصلية كتبت بواسطة alijandroo

امبارح قبل مباراة السودان كل ما حد من الجهاز او من اللاعبين يتكلم يقوللك جايين نلاعب اشقائنا ونناصر الرئيس السوداني الشقيق في اللي بيحصل
ولا حد عارف ايه اللي بيحصل
ولا حتى دارفور دي فين
تلاقي تلات أرباعهم فاكرينها آخر خط ميكروباس أرض اللوا

---

هى فين ارض اللوا دى؟

بصراحة المفروض نوجه دعوة لرجال الأعمال في مجلسي الشعب و الشورى و على رأسهم السيد الفاضل البرنس أحمد عز باشا للمساهمة في إعادة بناء مجلس الشوري ....و أهو يردوا جزء من اللي البلد أدتلهم :innocent:

اقتباس:

---

المشاركة الأصلية كتبت بواسطة sab3aawy

هى فين ارض اللوا دى؟

---

مصر كلها بقت أرض "اللواء"

توابع «حريق الشوري»: الحكومة تدرس إزالة المبني بعد احتراقه بالكامل.. والأمن يستبعد «الشبهة الجنائية»

٢١/٨/٢٠٠٨http://www.almasry-alyoum.com/photo....ImageWidth=240</IMG>تصوير- حسام فضل
القاعة الرئيسية في مجلس الشوري بعد تفحمها في الحريق الضخم

أصدر الرئيس مبارك توجيهات بإعادة تأهيل مبني البرلمان المصري وتحديثه علي نفقة الدولة بالكامل، وقال الدكتور أحمد نظيف، رئيس مجلس الوزراء إنه طالب خبراء الإسكان بإعداد تقرير مبدئي عاجل عن مبني الشوري، وتحديد إمكانية ترميمه أو إزالته تماماً وبنائه من جديد في الموقع نفسه، ووصف الحادث بأنه «مأساوي».
وقال مصدر أمني إنه لم تتوافر حتي الآن أي مؤشرات تفيد بأن الحريق وراءه مقاصد جنائية، وذلك بعد أن تداولت وسائل الإعلام أمس أنباء عن أن الحريق شب بسبب ماس كهربائي. وبدأ عدد من أعضاء الشوري يتقدمهم محمد فريد خميس حملة لجمع التبرعات لعمليات الترميم،
وبلغت الحصيلة حتي الآن ٢٠ مليون جنيه، فيما أعلن سمير زاهر، عضو المجلس رئيس اتحاد الكرة أنه ينوي تنظيم مباراة ودية لمنتخب مصر أمام أحد المنتخبات الكبري، يخصص إيرادها لإعادة بناء مجلس الشوري، ورجح أن تكون المباراة أمام البرازيل أو الأرجنتين.
وكشفت التحقيقات الأولية عن مصرع «فؤاد نصار» مساعد الشرطة، الذي كان أول من دخل المبني للمساعدة في عمليات الإطفاء، وأثبتت المعاينة احتراق المبني بأكمله، إضافة إلي أجزاء من مبني الجمعية الجغرافية، وأمر المستشار عبدالمجيد محمود النائب العام بندب لجنة فنية من الخبراء لفحص موقع الحريق وكشف أسبابه.
وقال المهندس سيد روحي، مدير التفتيش الفني في محافظة القاهرة، إن الحريق كشف بالدليل القاطع عن عدم وجود أجهزة إنذار داخل المبني. وأوضح مصدر أمني أن أجهزة الإطفاء رفضت استخدام ثاني أكسيد الكربون في مكافحة النيران، تجنباً لاختناق المواطنين، وردم المباني المجاورة مثل مجلس الوزراء ووزارة الصحة والجامعة الأمريكية والسفارة الأمريكية بالمسحوق الأبيض.
وقال صفوت الشريف، رئيس مجلس الشوري، إن تقارير المعاينة المبدئية للجنة الفنية، التي شكلها مجلس الشوري أكدت أن الجدران الحاملة للمبني تشير إلي سلامتها، وأن القاعة الرئيسية للمجلس قابلة للترميم.
وأضاف أنه سيجتمع صباح اليوم مع الدكتور أحمد نظيف، رئيس مجلس الوزراء، لإيجاد بدائل لمقار لجان المجلس، ومنها الاستعانة بمبني وزارة الشؤون الاجتماعية الموجود بالفعل في حرم البرلمان.
في سياق متصل، رصدت «المصري اليوم» ردود أفعال متباينة لدي المواطنين، الذين أبدي بعضهم نوعاً من الشماتة في الحكومة، وقال أحدهم: «هذا ذنب شهداء العبارة»، فيما اتهم آخرون الحكومة بالتخاذل في حماية المباني الأثرية.

اقتباس:

---

المشاركة الأصلية كتبت بواسطة alijandroo

امبارح قبل مباراة السودان كل ما حد من الجهاز او من اللاعبين يتكلم يقوللك جايين نلاعب اشقائنا ونناصر الرئيس السوداني الشقيق في اللي بيحصل
ولا حد عارف ايه اللي بيحصل
ولا حتى دارفور دي فين
تلاقي تلات أرباعهم فاكرينها آخر خط ميكروباس أرض اللوا

---

هفهمك النقطة دى .... ولا الريس ولا وزير الخارجية ولا أى حد من الحكومة قدروا يناصروا الرئيس السودانى .. عشان كده هما هيعارضوا قوة كبيرة قوى سواء المحكمة الدولية أو الدول الكبرى اللى قالبه عالسودان ... فتلاقيهم متخذين موقف وسط .... لكن كده البشير هيزعل ... نبعتله المنتخب يناصره .. و كده يبقى كسبنا من الناحيين.

مقدرش أقول عليه غير إستخدام سىء للمنتخب ... و كله هييجى على دماغهم فى الآخر.

بالنسبة للبشير .. أنا شايف ما دام هو مقتنع ببراءته كده ... يروح يقدم نفسه للمحكمة ... إلا لو شايف إنه عمل حاجة غلط .. ساعتها هيقول نحن لن نقدم أى مواطن سودانى (قصده طبعاً على نفسه) ليحاكم خارج السودان ... و هو فى نفس الوقت أول إمبارح كان بيتفاوض إنه يقدم تلاتة من المطلوبين للمحكمة مقابل إسقاط الدعوة المرفوعه عليه ... و طبعاً منسيش إنه يحكم بالإعدام على 12 من حركة العدل و المساواة ... إنصافاً للحق !!!

للأسف ملهوش فى اللعب .. و هيقع قريب .. كان يجى يتعلم عندنا أحسن. :sifone:

اقتباس:

---

المشاركة الأصلية كتبت بواسطة Hossam_Hassan

مصر كلها بقت أرض "اللواء"

---

:1aa:
شكل سبعاوي مسمعش أغنية عظيمة يا مصر يا أرض اللوا :nopity:

اقتباس:

---

المشاركة الأصلية كتبت بواسطة Hossam_Hassan

توابع «حريق الشوري»: الحكومة تدرس إزالة المبني بعد احتراقه بالكامل.. والأمن يستبعد «الشبهة الجنائية»

---

بااااااااسسسس
يبقى حايقسموه قطع و حايبيعوا الارض بالمتر و اوعى و شك و اهو برضه استمرار لمسلسل الخصخصة و بيع كل ما هو عام
*خبر تانى مالوش علاقة مباشرة باللى حصل : نادى أو فندق ضباط الشرطة فى اسكندرية اللى على الكورنيش فى رشدى Azur مشاركة بين 2 وزراء واحد ليه علاقة بالفنادق و التانى صاحب الارض .........فهمتوا و عرفتوا مين ؟؟

دى فضيحة فى حق مجلس الشورى اصلا انا سمير زفت ده يقول كده

حسبنا الله ونعم الوكيل