-
انا في نفس سنك بالظبط وهقولك رأيي.
الجمال اه مطلوب بس ممكن تتنازل عنه في حالة توافر شروط اخرى (الدين-الاخلاق-الاهل). لو الجمال موجود كمان يبقى bonus :))
اما بالنسبه للبنت الأولى بلاش منها خالص لأن الجمال هيزول ويتبقى قدامك قرد لا مؤاخذه :) وكمان قرد شمال لا مؤاخذه برضه :))
-
باشا... أنا قريت فعلا كل كلامك وطلعت منه بالآتي:
خطيبتك السابقة انت حبيتها لسبب واحد بس جملها. غير كده مفيش. والأنقح إنك مش مآمنلها بدليل إحساسك بالذنب (ودي حاجة تحسبلك) إن انتم بتتكلمو بعد ما هي اتخطبت
البنت اللي والدتك اقترحتها عليك فيها كل حاجة الشاب يحلم بيها (حتى موافقة وترحيب أهله بيها موجودين) بس انت مش متقبل شكلها بتاتا
والتصرف إيه طيب؟
أولا انسى خالص الأولى. باختصار كده مش هتنفعك (ولو إنك ماقلتش إيه سبب الفشكلة وغريبة إنها فشكلت معاك السبت واتخطبت السبت اللي بعده يبس مش موضوعنا)
ثانيا البنت التانية، لو انت هتقدر تحبها (مش بس تتقبلها) لأ تحبها زي ما هي كده بشكلها العادي جدا ... وكمان تحبها لشخصها (والقبول الحمدلله موجود ودماغها وتربيتها داخلين دماغك) يبقى اتوكل على الله واقرأ الفاتحة معاهم وفرح نفسك وأهلك وأهلها
لكن أنا حاسس إن المشكلة إنك خايف تتقدم للجديدة وانت مش قادر تنسى القديمة، ودي حلها إنك تعرف إن حرام تظلم بنات الناس وتتقدم وانت لسه قلبك متعلق بحد تاني وإن الحد التاني ده باب مقفول حرام على رجولتك زي مانت نفسك قلت إنك تفتحه تاني
وبيس يا مان
-
اقراء موضوع معايير اختيار زوجة للمهندس احمد فودة ahmed1981
-
أظفر بذات الدين!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
القرار ده بتاعك أنت لوحدك.أبقى طمنا عليك ومتنساش تعزمنا كلناااااااااا.
-
الاخوة الاعضاء الافاضل ..... قالوا كل حاجة
من الاخر خليك فى ال اخترهالك اهلك هتريحك
وبالنسبة للجمال فعلا مطلوب والحمد لله فى مراكز تجميل زى ما الناس قالت وديها فى مركز تجميل محترم وهتبقى ملكة جمال
بالنسبة للاولى (فى وجهة نظر انا مقتنع بيها تماما كل ما الشخص يبقى جميل جدا لازم بتطلع فية عيوب ملهاش حدود وغير مقبولة نهائى)
وفى حاجات تانية بس لا يصح انى اقولها .... افهمها انتى بقى
-
-
حط الاتنين فى كفتين وقارن بينهم فى كل حاجة المستوى الاجتماعى - التدين - الاخلاق - وحاجات من دى بس ابعد عن الجمال لان الجمال متفاوت ومش كل واحدة حلوة تبقى كويسة ومش كل واحدة وحشة تبقى مش كويسة
-
انا اعتقد ان الزملا قالوا كل اللى ممكن يتقال, وانا معاهم فى كل كلمه هما قالوها , وحقولك كلمه واحده تخليك تنسا خطيبتك الاولنيه, انها زى ما كلمتك تانى وهى مخطوبه من واحد تانى ممكن تعمل اكتر من كدا معاك لو انت رجعتلها وانا اسف فى اللفظ اللى حقوله بس الحقيقه انك لو رجعتلها حتعيش طول حياتك " طرطور" انا اسف مرة تانيه , بس هى دى الحقيقه اللى لازم تحطها قدام عنيك .
ربنا يوفقك لما يحب ويرضا.
-
الموضوع منتهى و مفيش مجال للمقارنة و غير كده انت مع الوقت و التعامل هتلاقى نفسك بتحب التانية من احترامها و لباقتها فى الكلام و اسلوب الناس المتربيين فى التعامل
-
بصراحه الاولانيه مش فيها اى ميزه
انسانه انتهازيه من طريقة كلامك عليها
ليس اكثر
وبالتالى لن ترتاح معها بعد الجواز
Content Relevant URLs by
vBSEO 3.6.0 PL2