تم بحمد الله .... استلمت التيدا 2013

**مصطفى متولي** · 19-05-2013 02:04 PM

السلام عليكم و رحمه الله و بركاته..
استلمت تيدا سيدان 2013 فئه اولى اسود فرش بيج من السبع اوتوموتيف..
و بشكر كل اعضاء المنتدى المحترمين على النصائح القيمه..
بس انا كان عندي استفسار:
1- ليه الفوج لايت مبيشتغلش الا مع النور الوسط و مبيشتغلش مع النور الواطي ؟؟؟؟ ده طبيعي ؟؟؟؟
2- هل يوجد تحكم في ارتفاع كرسي السائق ؟؟؟؟
و طمعان كمان في نصيحه:
عايز سروجي شاااااااطر لعمل كسوه للكراسي حتى لو كان غالي المهم يكون نظيف.
وشكرا على اهتمامكم..

**ABO MALEK** · 19-05-2013 02:07 PM

مبروك ...ربنا يكفيك شرها.

**Hoss88** · 19-05-2013 02:08 PM

ألف مبروك يا باشا يديك خيرها ويكفيك شرها :)
لسة مستلم أختها الهاتش من أسبوعين
موضوع الفوج لايت ده مقرف شوية هو فعلا بيشتغل بس مع الوسط مش الواطي وكدة مالوش لازمة !
على حسب علمي الارتفاع مافيش تحكم فيه
والسروجي ده يبقى جينز كار أحسن ناس بتركب فرش أنا بس مستني أروح الشهر الجاي عشان مافيش فلوس الشهر ده بس ده نضافة النضافة

وألف مبروك يا باشا على العربية كمان مرة