أنا سمعت إن اتصالات و موبينيل عاملين شغل حلو ..
و vodafone حرامية هههههههههه
ارجو الافادة في باقة كده حلوة و سعرها في اللذيذ ..
تحياتي ..
أنا سمعت إن اتصالات و موبينيل عاملين شغل حلو ..
و vodafone حرامية هههههههههه
ارجو الافادة في باقة كده حلوة و سعرها في اللذيذ ..
تحياتي ..
موبينيل .... ثم اتصالات
موبينيل ب20 .. 1جيجا
حتي لو هاتجددها
اتصالات ب20 .... 500 ,ميجا
الفترة ديه
بس ممكن ترجع 200 ميجا تقزيبا تاني.
انت لو معاك خط موبينيل يبقي باقة موبينيل
موبنيل عملة أحلى واجب فـالانترنت بعد غيبة عن المنافسة هي متربعة فـالنت دلوقتي
انا فودافون
1.1 جيجا بـ 25 جنيه شهرياً و لما الباقة بتخلص السرعة بتبقى 64
منجز 25 جنيه فى الشهر
تصفح بلا حدود
500 ميجا داونلود
أنا ده تاني شهر ليا
بس لازم تجددها في ميعادها
بيجيلك رسالة بيقولك ان تاريخ تجديد الباقة انههاردة و لو ما اتجددتش بيسحابك عادي تقريباً الـ 3 ميجا بجنيه الي هيا الباقة اليومية
بس طريقة الأشتراك غلسة
بتشترك الاول في باقة الـ 15 جنيه ( #15*2000* ) و بعد كدة باقة بلا حدود ( #10*2000* )
بس يا سيدي
لما تخلص باقة الـ 15 الي هي 100 ميجا تقريباً بيقلب لوحد على الباقة المفقتوحة الي هي 1 جيجا
علشان كدة سعة الباقة دي 1.1 جيجا
لكن طول الشهر مش بيسحب من الرصيد حتى لو الباقة خلصت
ده موقع فودافون في الشرح
باقات الموبايل انترنت
علشان الأيفون ليه باقة باشتراك مختلف
ولو عايز هو يتجدد لوحده الكود ها يكون ( #11*2000* )
اعتقد الارقام ديه للتابلت والايباد وخلافه
مش الموبايل انترنت
يعني25 جنيه فودافون او منجز ..... دول للتابلاتات مش الموبايلات
شرائح داتا
للموبايلات يا حسين وشغال بيها عادى على الموبايل
طب محدش يعرف عروض موبينيل ؟؟
ده لو هجيب شريحة data و هاحطها مثلا في tablet أو note ؟؟؟
منجز ده اتصالات بس داتا لاين
موبنيل احسنهم فعلا انا جربت فودافون و كان عندى مشكله ان السيستم شايف انى عندى ميجابايتس بتاعت الباقه بس كان بيتخصم من الرصيد و فضلت حوالى شهر و نص بتابع المشكله و بكلم خدمة العملاء و فالاخر اتحلت ودى كده و عوضونى عن الرصيد اللي اتسحب و رجعولى فلوس الباقه
اتصالات لو انت هتتصفح اسرع جدا
وتجديد الباقة سهل ومفيش جنيه واحد هيروح عليك
وتشتغل تابلت و مودم usb
حبيب قلبى باقه منجز دى لخطوط الداتا بس مش للموبيل انترنت
السؤال انت معاك موبيل ولا تاب؟؟
انا معايا تاب ومشغل عليه شريحه داتا بنظام منجز من اتصالات
وموبيل مشغل عليه موبيل انترنت من موبنيل
انا مش فاكر تفاصيل كل شركه بس الخلاصه
موبنيل فى الموبيل انترنت احسن واحده
اتصالات على نظام منجز لشريحه الداتا احسن واحده
فودافون
ب 50 جنيه اخد 4.5 جيجا .. حاجه ولا فى الاحلام :))))
يا باشا فودافون باقاتها كانت كالتالى:
15 جنيه 100 ميجا
50 جنيه 500 ميجا
90 جنيه 2 جيجا
150 جنيه 6 جيجا
دلوقتى عملوا خدمة جديدة اسمها انترنت بلا حدود ب10 جنيه فقط لكل باقة وكده تبقى كالتالى:
25 جنيه 1.1 جيجا
60 جنيه 4.5 جيجا
100 جنيه 7 جيجا
160 جنيه 11 جيجا
والباقات دى كلها للموبايل لكل حاجة تصفح وكله
انا شغال فى موبينيل وهديك الخلاصه بالنسبه لموبينيل
الشركه بتقدملك 4 باقات :
اونلاين 20 بـ 20 جنيه وبتديك 1 جيجا فى الشهر
اونلاين 50 بـ 50 جنيه وبتديك 3 جيجا فى الشهر
اونلاين 100 بـ 100 جنيه وبتديك 7 جيجا فى الشهر
اونلاين 200 بـ 200 جنيه وبتديك 15 جيجا فى الشهر
للموبايل والداتا
الميجابيتس بتكون للتصفح والداونلود ولــكــن اتصالات وفودافون بيأخدوا نت من شركات بره على سبيل المثال اتصالات بتأخد من Te data ف بتدفع فلوس وبالتالي الباقات بتكون اغلي على العميل وكمان السرعات مبتكونش أقوي شي نظرا لقله تغطيه اتصالات حتى الان فى الشبكات
أما موبينيل فهي مالكه لشركه لينك دوت نت بالكامل ولا تدفع شيئا لأى شركه مقابل الخدمه وحاصله على كل سعه الانترنت الخاصه بـ لينك وبناء على نتائج الجهاز القومي لتنظيم الاتصالات ( NTRA ) هي اسرع انترنت للموبايل فى مصر محققه اعلى سرعه وهي 48,2 ميجابيتس فى الثانيه
وبالفعل عندنا فى الشركه وصلنا لأنترنت موبايل 48 ميجابيت فى الثانيه بس ده لو انت قريب من سنترالات معينه بمسافه لا تزيد عن 300 متر وبأجهزه موبايلات معينه
الباقات دى سرعتها upto 7,2 ميجابيت فى الثانيه ولو الباقه انتهت قبل نهايه الشهر السرعه مبتقلش وبنستخدم اما كل 1 ميجابيت بـ 25 قرش او بنعمل امتداد 1 جيجا بـ 20 جنيه وطبعا بتوصل رساله قبل ما الباقه تخلص
موبينيل ممكن يكون عليها انتقادات بين الناس لكنها فى النت موبايل معروفه انها الافضل والأقوى فعلا
أتمنى اكون أفدتك من واقع شغلي ومعرفتي ببواطن الأمور ..
تحياتي ,,.
بسم الله ما شاء الله ..
إيه يا باشا المعلومات اللي أول مرة اسمعها ديييييه !!! .. بصراحة مفيدة جدا ..
ربنا يجازيك خييييييير ..
طب سؤال تاني لو أنا عملت أم 50 جنيه يا تري 3 جيجا ده كتييييييير ولا قليل لو الخط اتحط في ipad مثلا !
هيخلصووووووووو بسرعة ولا لأ !!
أنا معظم اللي هعمله browsing كتيييييير و كده و هخش اجييييييب كتب و مراجع تخص الطب ..
و youtube مش كتيييييييير !!!
اييييييييه رأي ساعدتك ..
أصل بصراحة الواحد مش واثق في mobinil :(
طيب ليه تزنق نفسك وانت ب10 جنيه زيادة فى فودافون تاخد جيجا ونص زيادة عن ال4.5 ولما يخلصوا مش بتدفع تانى لكن السرعة بتقل؟؟؟
وحتة الانترنيت البطئ عشان موبينيل واخدة من لينك وكده احب اقولك ان لينك نفسها واخدة من تى اى داتا :)
انا كنت زهقان من فودافون وها اسيبها عشان مش موفرة باقة انترنيت كويسة زى موبينيل واتصالات بس بعد ما لحقوا نفسهم وتفوقوا على المنافسين ها استمر فى فودافون.
نقطة اخيرة بردو تحطها فى الحسبان، شوف انهى فيهم اقوى فى التغطية (انترنيت) فى المناطق اللى بتكون فيها، موبينيل ولا فودافون، ولو الاتنين زى بعض فى قوة التغطية انا شايف انك اولى بجيجا ونص زيادة.
انا اسم الموضوع شدنى وقلت ادخل عشان استفيد .... ويارتنى ما دخلت اتلغبط اكتر من الاول :D
انا مشترك فى باقة اتصالات اللى ب 20ج وبتدى 520 ميجا وقالولى ان بعد الباقه ما تخلص السرعه تنزل 32k بس الفيس انلمتيد باستخدام الابلكيشن بتاع الاندرويد بس بلح يا جدعان الباقه لما خلصت السرعه بطييييييخ والفيس برده بطيخ مش انلمتيد ولا حاجه اعمل ايه بقه ؟ اشغل موبينيل ولا فودافون انا بدأت اتوغوش
واللهِ العظيم أنت برنس :)))
هي ال gigas` بتخلص بسرعة كده يا جدعان ولا اييييييييه ههههههههههه 4 و 5 و ادي ههههههههههههه
بص يا damasry أنا عندي في المنطقة etisalat و vodafone زي النيلة في النت و الشبكة ..
بس أنا عندي في البيت wireless يعني الموضوع ده محلول إن شاء الله ..
المشكلة بقى في باقي المناطق : أنهي اقوى شبكة في الموضوع ده بقى ؟؟؟
عموما كده كده الفروقات بنهم بسيطة في الاسعار بس أنا عايز شبكة صارووووووووخ ..
و كمان سؤال هي ال gigas` ديما بتخلص بسرعة كده ؟؟؟؟
لا مش بتخلص بسرعة ولا حاجة وبعدين انت تقدر تنزل برنامج 3G watchdog على التليفون يراقب الاستهلاك ويعرفك دايما انت خلصت قد ايه ويحذرك لو عديت الحد الامن اللى انت بتقوله عليه.
انهى شبكة اقوى لازم تسأل زمايلك او اصحابك يكون معاهم تليفونات 3G وتشوف مين تغطيته اكبر، فودافون ولا موبينيل.
اخوك محمد قاسم
انا جيبت خط داتا من فودافون و استعملته في حجات بسيطة حسيت ان السرعة بطيئة جدا النهاردة و لسه مافتش اسبوع علي استخدامي للباقة الي هي بي 25 جنيه مع العلم اني بستعمله علي موبيل مش تاب مش عارف بصراحة الواحد بيحس انه فلوسه بتترمي في الهواء قبل كده اشتركت في باقة البلاك بيري بي 50 جنيه من موبينيل الباقة بعد اقل من 15 يوم خلصت و فضل يسحب من الرصيد مش عارف بقي العيب فين مع العلم استخدامي بسيط فقط لقراءة الاخبار و الفيس و ندمت لشراءئ خط الداتا بتاع فودافون و كلمتهم قالي مش ينفع ترجعها
dhيا استاذ محمد قاسم دى حريه شخصيه وانا بعرض معلومات ورأى ولكم الحريه
وانا لا هأخد عموله ولا مستفيد بس موبينيل كمكالمات فى احسن منها لكن كنت لأ وعن ثقه وخبره
اما بالنسبه لمعلومة ان لينك بتأخد من Te data ف راجع المعلومه دى يا فندم لأنها غلط :)
استاذ chicobon بالنسبه لباقات البلاك بيري فهي حاليا أصبحت بلا حدود وبعدد لا نهائي من الميجابايت بتنتهى بنهايه الشهر
اما بقا لموضوع ازاى تتابع الميجابايت بتاعتك سيبك من البرامج ووجع القلب ده موبينيل عشان الشفافيه وعدم السرقه عامله خاصيه انك تبعت رساله من خط الـ voice او خط الـ Data لرقم 455 تكتب فيها #136# دى رساله مجانيه بيترد عليك برساله توضحلك معاك كام ميجابايت دلوقتى فى الباقه
احمد باشا، حضرتك زعلت منى ولا ايه؟؟؟ انا بتأسفلك لو كلامى كان فى حاجة ضايقتك.
انا مقولتش يا باشا انك بتاخد عمولة ولا حاجة، وانا عارف ان موبينيل افضل بس معيار الافضلية ده مختلف من شخص لشخص تانى.
ممكن لشخص تكون سعة الباقة وشخص تانى التغطية وشخص تالت سرعة الانترنيت.
بالنسبة ليا الافضلية هى سعة الباقة لأنى مش بتحرك فى اماكن التغطية فيها.
وانا نفسى كنت ها احول لموبينيل عشان فودافون مكنتش بتوفر باقات كويسة، بس لما فودافون لحقت نفسها (رغم انها اتأخرت كتير فى النقطة دى) ففضلت انى اكمل معاها.
وعشان كده انا طالبت من صاحب الموضوع انه يشوف انهى فيهم افضل كتغطية لأن معلوماتى ان موبينيل افضل شوية من فودافون فى تغطية الاقاليم.
انا متأكد يا باشا لأن المعلومة عارفها من ناس شغالة فى لينك نفسها وعلى فكرة انا عميل لينك من اول يوم اشتغلوا فيه فى مصر من ايام Intouch :)