موقف سيء جدا

**engwael** · 19-05-2013 07:47 PM

حصل مشكلة معايا وانا راجع من اكتوبر وهي ان العربية كانت ماشية كويس والتكييف شغال وكله تمام فجاة عداد rpm فصل وعداد السرعة ثبت ركنت شوية وبطلت العربية جيت ادورها مدرتش انا حسيت ان في مشكلة اما في البطارية او الدينامو او فيوز الدينامو المهم دورت العربية زق ومشيت بيها بس كانت بطبطل اول ما ادوس فرامل كنت برميلها وادورها قبل ما تقف لغاية لما وصلت عند نزلة اسكندرية الزراعي وقفت ومش عايزة تدور المهم جرتها لغاية الجراج وطلع عين عينى انا جربت عليها بطارية تانية واكتشفت ان الدينامو مش بيشحن السؤال فين العيب واضح انه في الدينامو بس هل من الفيوز ولا من الدينامو نفسة انا بقي عايز اعرف فيوز الدينامو فين ياريت لو حد عارف يقولي وربنا ميحطش حد فينا تانى في الموقف البشع ده

**mohamed_selim** · 19-05-2013 08:05 PM

ممكن الارضى فيه تسريب
كان عندى نفس المشكله و اتحلت بمراجعة الضفيره اللى طالعه من الدينامو للبطاريه مع الحر و السخونه بيبطل يشحن لان بيعمل مقاومه عاليه فى السلك .... مجرد نضفت اللحامات و حطيت شكرتون جديد و كله مشى زى الفل