ماذا تفعل لو كنت مكاني؟؟ عن الاليزيه طبعا

**الجنرال** · 20-05-2013 12:05 AM

السلام عليكم اهل الاليزيه :d

التيلفون بتاعي بيرن .. شخص كنت اتكلمت معاه قبل كده بخصوص الاليزيه

بعد السلام والكلام اللى فى الاول ده

انا- ها ايه الاخبار؟؟

هو- خلاص اهو ان شاء الله هنستلم يوم الاربع 22 مايو

انا- طيب على خير ان شاء الله ربنا يكرمك ويباركلك فيها (الاليزيه)

هو- ربنا يكرمك وانت ايه الاخبار؟ هتستلم امتى؟

انا- والله قالولي على اخر مايو بس عرفت انها هتبقى فى نص يونيو كده

هو- خير .. انا واحد صاحبي حجز امبارح وقالولوا اول يوليو كمان

انا- لا انا حاجز من بدري شوية .. ربنا يسهل ان شاء الله

هو- بقولك فى واحد جاري كانت حاجز برضه معايا بس غالبا مش هياخد العربية .. هو برضه
هيستلم معايا يوم الاربع .. فبدل ما يسيبها انا قلت اكلمك لو انت عايز تاخدها

انا- طيب خير والله معنديش مشكلة .. انت عارف طبعا اني لسه عايز اخلص فى العربية اللى معايا الاول قبل ما اشتري الجديدة .. لكن خير معنديش مشكلة ان شاء الله

هو- طيب خلاص هكلمه ونزبط مع بعض ان شاء الله

انا- طيب خلاص تمام ... هو هياخد حاجة ويديني العربية مكانه ولا هيبقى ايه؟

هو- اه .. غالبا ممكن يخلصها على 140 الف

انا- يااااه .. بس ده كتير قوي عليها ده هي اصلا ب 130 الف

هو- اه بس ده على فكرة السعر بتاع المعارض بره التوكيل .. يعنى لو رحت لمعرض ويسلمك على
طول دلوقتى هتدفع نفس الرقم ده تقريبا

انا- طيب خير .. عموما شوف كده معاه ايه اللى ممكن نوصله ولو فيها خير ربنا يكرمنا ان شاء الله

هو- خلاص متقلقش .. هو جاري وحبيبي وانا هزبطك معاه ان شاء الله .. هرد عليك بكرة بالكلام الاكيد باذن الله

انا- خلاص اتفقنا ان شاء الله

خلصت المكالمة على كده

السؤال: ماذا تفعل لو كنت مكاني غير انك تدعي على كيا والوكيل بتاع كيا اللى بدع البدعة دي؟؟

**koj@k** · 20-05-2013 12:29 AM

سبحان مغير الأحوال

عربيات citroen بقى عليها overprice ؟؟!!!!!!!!!!

**Mohab.Nabil** · 20-05-2013 12:38 AM

wait for one more month
In my opinion a month doesn't worth 10k

Sorry for english from mobile

**M I D O** · 20-05-2013 12:42 AM

عشان شهر ونص تدفع 10 الاف زيادة ؟؟ لا خليك مستني احسن مادام انت كدة كدة تحت ايدك عربية ولسة ما بعتهاش حرام 10 الاف زيادة

**rotanamasoud** · 20-05-2013 12:50 AM

المشاركة الأصلية كتبت بواسطة lanos.lover

سبحان مغير الأحوال

عربيات citroen بقى عليها overprice ؟؟!!!!!!!!!!

فعلا سبحان الله
العربيه دى حتكون تغيير مسار للشركه للابد يا لفوق يا لتحت(السبب مش العربيه التوكيل وخدمه ما بعد البيع)ويارب يطلعو عند حسن ظن الناس اما عربيات الستروين فعربيات اللى بيعشقها ميعرفش يركب غيرها( العشق الفرنسى)
ولصاحب الموضوع لو الوقت ميفرقش الافضل الانتظار

**MoH.SaLaDiN** · 20-05-2013 01:27 AM

الله يخربيت الاوفر برايس

**megop6m** · 20-05-2013 01:27 AM

خليك في السليم أحسن وريح دماغك عشان تستلم فأمان إن شاء الله وخصوصاً انت عارف أحوال البلد ، انا مش بخوفك من الراجل بس برضو خد احتياطك.
بصراحة انا شايف انك تنتظر لسببين الأول هو انك متدفعش 10 ألاف جنيه زيادة ملهاش لزمة والسبب التاني وافهمها انت بقى انك تستلم العربية بالفعل. (خلي تعاملك مع الشركة مش مع أشخاص).
وعشان تتأكد أن مفتاح العربية واخد كود واحد بس وهو اللي معاك انت بس عشان العربية فيها امبليزر.
وربنا يحفظك من كل شر.

**hossam_elwani** · 20-05-2013 01:28 AM

اصرف نظر فورا واستنى دورك هو انت لاقى الفلوس فى الشارع !!!!!!!!!!!!!!!!!!

**hamaka** · 20-05-2013 01:37 AM

كتير أوى 10 ألاف على شهر ، لو 2 أو 3 ممكن تشاور عقلك مع انى ضد الفيلم الحمضان بتاع الأوفر برايس ده أساساً و شايف انه لازم ينتهى عن طريق مقاطعة المعارض اللى بتزود الأسعار و خليهم يشربوا العربية لحد مالتوكيلات كمان تتربى و يبطل يسلم عملائه لأصحاب المعارض مربطين كده