عاوز lcd و gps

**h_hafiz** · 20-05-2013 12:21 AM

بسم الله الرحمن الرحيم
اولا انا ربنا كارمنى بطفلين والحمد لله والمشكلة انهم عاوزين يقعدوا قدام جنبى على طول وعشان سنهم صغير ثلاثة سنوات و سنة ونص بخاف من اى مطب غير ان مامتهم قاعدة جنبى وبخاف من الزحمة قدام خصوصا التركيز والفتيس اتوماتيك بخاف ييحرك وانا ماشى من رجل العيال

مطولش عليكم عاوز اجبرهم انهم يقعدوا فى الكنبة الخلفية قولت اركبلهم شاشة تشغل افلام كرتون يتشغلوا بيها واغانى
ممكن استشارة فى اسعار الشاشات انا بشوف بتوع التكاتك مركبينها وش عارف ببكام واية نوعيتها
ملحوظة (( العربية مفهاش غير سمعات مفيش تتسجيل عشان كدة عاوز اعمل موضوع الشاشة دة وهل هحتاج لشراء اجهزة تانية مع لشاشة لتشغيلها ؟؟ ))

دة مشكلة العيال
مشكلتى انا بقى ان 90 % من مشاويرى بتتأجل بسبب عدم معرفة الطرق فكونت عاوز اجيب جهاز gps بس كونت عاوز اعرف سعر اسعار ه و هو فى اشتراك او اى مصروفات بعد الاستخدام

**rotanamasoud** · 20-05-2013 12:40 AM

الشاشات رخيصه بتبدء اعتقد من 150 وبيبقى فيها مدخل يو اس بى وتجيب فلاشه عليها افلام الكارتون وتشغل
والجى بى اس اعتقد بيبدء من 450 وملوش اشتراك انت بتجبله احدث البرامج والخرائط من النت وهو بيقوم بالباقى
ملحوظه يمكن تشغيل الجى بى اس شاشه زى الشاشات العاديه(او تجيب شاشه للاطفال منعا للخبطه )

**mdogs1979** · 22-05-2013 06:05 AM

طبعا مش هبنفع السمعات تشتغل علطول لازم و سيط يشغلها و ده يا اما كاسيت او امبلفير و فى حجات رخيصه صينى باسعار فى حدود 150او 200

الصوت مش هيخرج من الشاشه علطول للسماعه لازم حاجه تديلها كهرباء يا اما بقى يلبسوا سمعات زى بتاعه الكمبيوتر ( هيد فون ) و سعاتها مش لازم كاسيت بس طبعا محدش هيسمع غيرهم

عموما عشان تعمل الموضوع ده التكلفه مش هتقل عن 750 جنيه و من غير تركيب
ممكن تنزل التوفقيه و تظبط كل حاجه هناك بس طبعا كلها حجات صينى و مركات غير معروفه لاكن شغاله كويس
و ممكن تجيب كاسيت فيه كل الكلام ده مره واحده بشاشه و جى بى اس و تلفزيون بسعر 1600 جديد و 1000 مستعمل

**moumen_hs** · 22-05-2013 12:46 PM

بص ياباشا أسمع الكلام دة حضرتك تشترى شاشة بمخدع راس محترمة من شارع الازهر ب 290 جم 3 350 بسوستة تتافل علشان السرقة أرشحهالك فيها اف ام وأمكانيات التشغيل الفلاشة والكروت كل الى هتحتاجة توصيلة كهرباء فقط وهتشتغل على السماعات العادية بدون سلك عن طريق الاف أم زى mp3 بتاع الولاعة بالضبط . وربنا يكرمك فى تربية الاولاد

**ahhazem** · 22-05-2013 01:38 PM

المشاركة الأصلية كتبت بواسطة moumen_hs

بص ياباشا أسمع الكلام دة حضرتك تشترى شاشة بمخدع راس محترمة من شارع الازهر ب 290 جم 3 350 بسوستة تتافل علشان السرقة أرشحهالك فيها اف ام وأمكانيات التشغيل الفلاشة والكروت كل الى هتحتاجة توصيلة كهرباء فقط وهتشتغل على السماعات العادية بدون سلك عن طريق الاف أم زى mp3 بتاع الولاعة بالضبط . وربنا يكرمك فى تربية الاولاد

متابع معاكوا ومهتم جداً
:b4_592:

**h_hafiz** · 25-05-2013 04:06 PM

الف شكر لكل الى شارك

المشاركة الأصلية كتبت بواسطة moumen_hs

بص ياباشا أسمع الكلام دة حضرتك تشترى شاشة بمخدع راس محترمة من شارع الازهر ب 290 جم 3 350 بسوستة تتافل علشان السرقة أرشحهالك فيها اف ام وأمكانيات التشغيل الفلاشة والكروت كل الى هتحتاجة توصيلة كهرباء فقط وهتشتغل على السماعات العادية بدون سلك عن طريق الاف أم زى mp3 بتاع الولاعة بالضبط . وربنا يكرمك فى تربية الاولاد

الف شكر يا باشا على المشاركة ان شاء الله انزل الاسبوع دة اشوفها فى شارع الازهر