لو في رنج السعر ده ومستعمل الترتيب كالآتي ..
1- هيونداي النترا الشكل الجديد .. من وجهة نظري هيا الانسب لمتطلباتك ..
2- تويوتا كورولا ... عربية رائعة .. بس ابعد عن الجنوب افريقي
3- لانسر شارك .. عربيه كويسة برضو .. بس مستوى العزل والراحة وقوة السحب يقل عن العربيات التانية
........
لو حضرتك بتفكر في زيرو .. في عربيات حلوة وجديدة زيرو في نفس رنج السعر ده .. عندك
Citroen C-elysee .. peugeot 301 عربيات حلوة وممتازة وسعرها مناسب جدا
........
Good luck (:
civic احسن منهم
انا لو مكانك سيفيك بدون تفكير لانها أفضلهم لكن بما ان ارتفاعها غير مناسب ليك يبقى توكل على الله فى الكورولا و تكون 2010 أو اعلى علشان الفتيس
الشارك شكل تحفة و اداء عالي وقطع غيار معمرة يعيبها فقط غلاء قطع الغيار وكمان العربية ماشية بقالها كتير و اثبتت كفائة عالية جدااقتباس:
المشاركة الأصلية كتبت بواسطة hossamsmsm
شاكر جدا ياجماعه لاهتمامكم بأستفسارى
بس للأسف انا عارف ان السيفيك تحفه وانا بحبها جدا بس المشكله فى مستواها عن الارض واطيه اووووى
وبالنسبه للكورولا
انا بفكر فعلا فى جنوب افريقى بس من مو 2010 علشان اصحابها بيقولوا اتصلح من 2010
ايه ياجماعه هى المقارنه صعبه اوى كده ؟؟؟
السلام عليكم
اولا الشارك افضل بمراحل من ناحية الثبات (وحط تحت ثبات الشارك في الفئة دي 100 خط).. علشان كدة يا ريت حضرتك تجرب الشارك وانت هتعرف ان هي الوحش في التلاتة دول (مش الكورولا خااالص)...
ثانيا.. اللي يميز الكورولا عن الشارك فعلا العزل (بس الفرق مش كبير) ونعومة العفشة (برضه الفرق مش كبير لان عفشة الشارك مش ناشفة بس طبعا اقوى بمراااحل).
صوت الموتور في الشارك اعلى شوية (بس مش مزعج)...
ثالثا.. الشارك هايلاين كمالياتها افضل من الكورولا هايلاين... كفاية الساوند سيستم rockford fosgate الجبااار مع صب ووفر رائع في الشنطة مع شاشة سي دي باللمس... طبعا ابانوس شيك جدا في التابلوه والابواب الامامية وتكييف اوتوماتيك وسمارت كي وبصمة واسبويلر وفتحة سقف وغيره... زائد ان لحد 2011 فيه عتب وكساحات بيخلوا العربية وحش اكتر ما هي اصلا... وكمان زينون مع نظام afs لتوجيه العدسات...
رابعا... الشارك من جوة اوسع وخصوصا في الكنبة الخلفية (اللي ممكن تطوى بالكامل)...
خامسا... عمرنا ما سمعنا عن مشكلة متكررة في الشارك غير موضوع ان قطاع غيارها غالية...
في النهاية حضرتك شوف محتاج ايه... ثبات ولا نعومة ولا شكل ولا ايه؟؟
بالنسبة لي... في الثبات.... الشارك بفرق كبييير (جرب بنفسك)
نظام التعليق والشاسيه والايرودينامكس... الشارك باكتسااح
المساحة الداخلية... الشارك والكروز وبعدين الكورولا
الكماليات في الهايلاين... الشارك
الشكل الخارجي... اذواق طبعا بس انا اكيد هختار الشارك
استهلاك البنزين... الكروز اعلاهم... والشارك افضل طبعا خصوصا لو 1500 (موتور المايف مصمم اساسا علشان يدي عزم اكبر مع استهلاك بنزين اقل)... علشان كدة بتبقى طلعة الشارك اقل من الكورولا مثلا لكن عزمها اقوى بعد ال60..
الشارك مفيش فيها غلطة غير انها مش واخدة حقها في اعجب سوق عربيات في الكرة الارضية!!!