هشترى مستعمل من 100 : 110 ( شارك - كروز - كرولا )

السلام عليكم

ازيكم يارجاله

معلش اذا كنت هتعبكم معايا شويتين . انا بأذن الله هيجيلى فلوس عن قريب وكنت عاوز اغير العربيه
انا الاول كان معايا الانترا 2008 هاى لاين مانيوال ( فتحه وجنط وسبويلر وعتب وحاجات كتير كده )
دلوقتى معايا لانسر بومه 2006 هاف سبورت ( اوتو وفرامل ABS وعتب وسبويلر )

بصراحه مفيش وجه مقارنه البومه ديه خلاص عربيه جار عليها الزمن ومحدش يقولى بتقارن كورى بيابانى علشان انا لما هركب مش هركب اسم يابانى علشان بقى عربيه معمرة والحركات ديه . لا انا عاوز عربيه استفيد بامكانياتها واتمتع بيها وبشكلها العصرى اللى المفروض يبقى جديد زى اشكال اليومين دول

المهم دلوقتى انا ان شاء الله هبيع البومه اللى معايا وكنت محتار اشترى ايه ب 100 او 110 الف بس طبعا مستعمل انا مش من انصار الجديد نهائيا
وكنت عاوز اخد رأيكم فى ال 3 عربيات دول
1- لانسر شارك 2008 او 2009 اوتو طبعا
2- كروز 2009 او 2010 اوتو برضه ( بس فى ناس مخوفانى من فتيسها الاوتوماتيك بيقولوا فيه مشاكل كتير زى النوبيرا والاوبترا )
3- طبعا الوحش تويوتا كرولا 2009 او 2010 اوتو برضه

فياريت تساعدونى تقولولى ايه اللى يميز العربيه عن التانيه عن التالته
ومقارنه بسيطه ما بين الفرق فى سعر قطع الغيار واستهلاك البنزين والتسارع علشان انا بسافر كتير وساعات بيبقى معايا العائله وكده والثبات ويا سلام لو فيها ABS واى حاجه انا مش فاكرها دلوقتى انتوا ممكن تزودوها فى المقارنه
مع العلم انى العربيه مش هتقعد معايا كتير يعنى ممكن حوالى 3 : 4 سنين
ولو فى عربيه تانيه تنصحونى بيها برضه مفيش مشكله ومش فارق معايا خالص كورى من يابانى من بنجلاديشى :ma:

بصراحه التلاته وحوش فعلن بس انا ميال جدااااااااااااااااااااااا اااا للشاركاذا كانت 1500 او 1600

انا عن نفسى بدور على عربيه مستعمله ف الحدود دى برضه
بس العربيتين اللى متخمرين ف دماغى (بى ام 316 مو 2004)
او فيكترا 2008
بالنسبه للاختيارات اللى انت قايلها افضل التويوتا لكن انا شايف ان البوما هاف سبورت عصريه عنها!!

اقتباس:

---

المشاركة الأصلية كتبت بواسطة simon659

بصراحه التلاته وحوش فعلن بس انا ميال جدااااااااااااااااااااااا اااا للشاركاذا كانت 1500 او 1600

---

بصراحه ياباشا انا بحب الشارك جدا بس خايف من قطع غيارها

اقتباس:

---

المشاركة الأصلية كتبت بواسطة 4fun14

انا عن نفسى بدور على عربيه مستعمله ف الحدود دى برضه
بس العربيتين اللى متخمرين ف دماغى (بى ام 316 مو 2004)
او فيكترا 2008
بالنسبه للاختيارات اللى انت قايلها افضل التويوتا لكن انا شايف ان البوما هاف سبورت عصريه عنها!!

---

انا برضه برجح كفه التويوتا
وربنا يسهل ونشوف اراء باقى الاخوة الاعضاء

ايه يا جماعه الاخبار مفيش حد عاوز يفيدنى برأيه
وياريت كمان لو ندخل هيونداى النترا 2012

لانسر شارك ويليها كورولا

لو كورولا جنوب افريقي يبقي لا
لو معجب بالشارك وهتستحمل قطع الغيار يبقي هي فالثلاثة
لو رأي يبقي سيفيك 2010.2011
مجرد رأي فقط ..

اقتباس:

---

المشاركة الأصلية كتبت بواسطة m i d o

لانسر شارك ويليها كورولا

---

شكرا لاهتمامك
بس ممكن اعرف السبب فى اختيار الشارك فى الاول
او بمعنى اصح افهم حتى وجهه النظر ليه الشارك قبل الكورولا ؟؟

اقتباس:

---

المشاركة الأصلية كتبت بواسطة S O P H O S

لو كورولا جنوب افريقي يبقي لا
لو معجب بالشارك وهتستحمل قطع الغيار يبقي هي فالثلاثة
لو رأي يبقي سيفيك 2010.2011
مجرد رأي فقط ..

---

والله يا باشا انا بحب اسمع رأيك جدا :ma:
بس عامه انا سألت اصحاب الكورولا قالولى اجيب جنوب افريقى بس من 2010 بلاش 2008 و 2009 علشان الفتيس ال MMT اتغير فى 2010
وبالنسبه للشارك اللى مخوفنى فعلا قطع الغيار
بالنسبه للسيفيك متنفعشى معايا خاااااااااالص علشان المطبات هنا فى طنطا فظيعه وانا كمان بسافر اسكندريه كل 10 ايام والقاهرة اسبوع كل شهر رايح جاى كل يوم ومش عارف بقى انت تعرف مطبات الطريق الزراعى القاهرة اسكندريه بقيت قد ايه ولا لا ؟؟؟ ولو معايا شنط سفر كتير ولا حاجه يبقى مش هتنفعنى خااااااااااااااالص . مع انى بحبها جدا جدا

لو موضوع ارتفاع العربيه عن الارض مهم يبقى الكروز مش هتنفعك خالص
بخصوص الكورولا والانسر شارك:
1- لو هتجيب قطع غيار اصليه يبقى هتلاقى الاثنين زى بعض, انما لو هتجيب مش اصليه يبقى هتلاقى انتشار قطع غيار الكورولا افضل من الشارك
2- فى الثبات الشارك تتفوق بجداره
3- السحب لصالح الكورولا
4- الاثنين فيهم abs
5- عفشه الكورولا انعم وصوت الموتور اهدى
6- للانسر اوسع
7- الكورولا 2010 مافيهاش مشاكل فتيس, ولو هتجيب 2009 هات الخليجى عشان الوكيل كان فى مشاكل ال mmt بس عموما اعتقد ان كورولا 2010 او خليجى 2009 مش هتقل عن 120
8- عزل الصوت فى الكورلا افضل