الموضوع: النوبيرا يا جماعة

بص لو طالع من 28 لنوبيرا هتحس بفرق اكيد خصوصاً فى الوسع والموتور والثبات
انا معايا موديل 2008 وماقدرش أقولك عربية ممتازة ، عادى فيها عيوب وفيها مزايا

أخطر عيوبها فرامل سيئة إنما مش بدرجة خطيرة + باور تقيل شوية بالمقارنة باليابنى إنما ما زال اسمه باور وبتركن بإيد واحدة !!

أكبر مزايا الإتساع من الداخل والخارج ، العربية أبعادها كبيرة وده بيريح عينيك جوا العربية وبيرح اللى راكبين معاك وبيحسن ثبات العربية

موتورها ممتاز وده أفضل جزء فيها ، موتور إى تيك كامتين ، نفس الموتور اللى راكب فى الأوبترا دلوقتى ومشهود له بالكفاءة حتى على لفات منخفضة ، ماعرفش الموتور ده بدأ يتركب فى النوبيرا من موديل كام ، ممكن حضرتك تتأكدة

فى نقطة كويسة ، إنها تقريبا فيها كل الأوبشنز ف هتحس بنقلة كبيرة ، تكييف كويس ، 4 زجاج كهربا ، مرايات كهربا ، دركسيون قابل للتعديل ، التانك والشنطة من الداخل ، سنترال لوك ، باور ، فوجات ، سى دى كينوود ام بى ثرى (ماعرفش فى 2004؟) يعنى تقريبا مش ناقصها حاجة

شوف سعرها وشوف حالتها ، ومن حيث المبدأ هتتبسط لما تجيبها مش هتندم ، وماتنساش إن فى كلام وحش على الأوتوماتيك منها ، الأفضل تبقا مانيوال

ربنا يوفقك