لميه المفتاح ( الصيانة ) في تابلوه رينو فلوانس

**وائل الجندي** · 20-05-2013 11:46 AM

السلام عليكم انا امبارح ظهرت عندي علامة المفتاح البلدي الي هي علامة الصيانة الدورية في تابلوه الرينو فلوانس وانا عندي العربية لسه باقيلها 4 الاف كيلو على الصيانة فهل دي مشكلة ولا ايه لاني مش عارف وهل في طريقة لازالة لمبة المفتاح البلدي من التابلوه
منتظر ردودكم يا وحوش الرينو

**وائل الجندي** · 20-05-2013 04:33 PM

بانتظار ردودكم يا رجالة

**bukla** · 20-05-2013 08:35 PM

اخي الكريم علامة الصيانة بتنور في حالتين ايهما اقرب و لا حل للتخلص منها الا في التوكيل
السير مسافة 10 الاف كيلو متر من اخر مرة تم عمل الصيانة
او مرور عام كامل علي اخر مرة تم عمل الصيانة
بالتوفيق ان شاء الله

**bukla** · 22-05-2013 11:02 AM

المشاركة الأصلية كتبت بواسطة mah_khourshid

الله ينور عليك يأخ bukla وليك وحشه كبيره جدا وكنا مفتقدينك
وياريت لو تقلنا ايه اخبار الفلونس معاك
انا بالنسبالي الحمد لله الفلونس بتعتي 2010مبسوط بيها بس كل مفكر ياتري هركب ايه بعديها القي نفسي ببس لحاجات عاليا قوي زي المرسيدسc180 مثلا
بصراحه انا لو معايا فلوس ابيعها وازود عليها واجيب الفلونس الفيس ليفت ماشاء الله جميله
وبالتوفيق ان شاء الله
ونتمني دايما سمع خير عنك يأخ bukla

اشكرك اخي العزيز علي كلامك و ربنا يبارك ليك و يحفظك من كل شر
انا الحمد الله و بسم الله ما شاء الله العربية معايا زي الفل و ما زلت باستمتع بيها كل يوم لما باركبها و مالهاش مشاكل معايا علي الاطلاق و اللي مانعني عنكم ظروف الشغل و لكن انتم مازلتم اخواتي الاعزاء و استفدت كثير من الموقع و الاخوة الاعضاء ربنا يبارك لكم جميعا
و انا زيك بالظبط لو معايا فلوس كنت بعت و جبت الفيس ليفت
و تمنياتي لك و للاخوةالخير و السلامة دائما ان شاء الله