تغير للمرايات الجانبيه المريضه

**gold_777** · 20-05-2013 11:53 AM

السلام عليكم ورحمة الله وبركاته
تحيه لاعضاء نيسان المحترميين اللى انا لسه جديد معاهم
حد غير المرايات المريضه بتاعت النيسان النيو 2013
وبتتغير عن اى حد بتاع مرايات وزجاج
ولا ايه

**the_air_devil** · 20-05-2013 12:24 PM

هو إيه المريض فيها ؟؟

**mem** · 20-05-2013 02:08 PM

؟؟؟؟؟؟؟

**mmohamed15** · 20-05-2013 02:15 PM

هي المرايات فيها مشكله و احنا مش واخدين بالنا

**gold_777** · 20-05-2013 04:02 PM

المرايات بتبعد الاشياء المريات
الجأنبيه
لما تبص فى مراية المتنصف وتبص فى الجأنبيه طبعا بتلاقى فرق

**the_air_devil** · 20-05-2013 04:44 PM

المشاركة الأصلية كتبت بواسطة gold_777

المرايات بتبعد الاشياء المريات
الجأنبيه
لما تبص فى مراية المتنصف وتبص فى الجأنبيه طبعا بتلاقى فرق

ده مش مرض

الفكرة في ان المراية كدة (وبالمناسبة مكتوب عليها كدة وان الأشياء تبدو في المرآة أبعد مما هي عليه في الواقع" ان دي حاجة اسمها Convexity ,

يعني المراية بتجيب زاوية واسعة شوية ونتيجة للحكاية دي الأشياء بتقرب

أما بقى ليه المراية معمولة كدة وليه الأشياء أقرب في الواقع , علشان المراية توريك كل العربيات اللي وراك في مجال انعكاسها , وعلشان المنطقة اللي اسمها blind spot أو النقطة الميتة تبقى أصغر ما يمكن

بالمناسبة : النقطة الميتة دي بتكون ورا القوايم الخلفية يمين وشمال , بتختفي وراها عربية جاية لا هي وراك ولا هي جنبك , يعني كأنها مواربة عليك ... التوقف المفاجئ أو الانحراف المفاجئ من ناحيتك ممكن يعمل لاقدر الله مشكلة , علشان كدة النقطة دي محتاجة تتقلل , وهاتفضل موجودة في كل العربيات ما لم يكون مافيش دعائم خلفية خالص "قوايم" بجوار الزجاج الخلفي , يعني يكون ورا كله بانوراما , وفيه ناس بتتغلب عليها بالكاميرات

نرجع للمراية اللي ماطلعتش مريضة , واقوللك انها بتحاول تقلل النقطة دي قدر الإمكان , وده بيخليها تبعد الحاجات القريبة بنسبة بسيطة , والتحذير بيكون مكتوب علشان ماتعملش مناورات وغرز بالعربية من مسافات ضيقة لأن حكمك هايكون مبني على بيانات غلط وممكن يتسبب في حادث لا قدر الله

لو حابب تعرف اكتر ليه المرايات بتكون كدة Curved mirror - Wikipedia, the free encyclopedia

ولو حابب تعرف مرايات العربيات بتكون كدة ليه

Objects in mirror are closer than they appear - Wikipedia, the free encyclopedia

دمتم بخير

**goudamahdy** · 21-05-2013 01:29 AM

المشاركة الأصلية كتبت بواسطة the_air_devil

ده مش مرض

الفكرة في ان المراية كدة (وبالمناسبة مكتوب عليها كدة وان الأشياء تبدو في المرآة أبعد مما هي عليه في الواقع" ان دي حاجة اسمها Convexity ,

يعني المراية بتجيب زاوية واسعة شوية ونتيجة للحكاية دي الأشياء بتقرب

أما بقى ليه المراية معمولة كدة وليه الأشياء أقرب في الواقع , علشان المراية توريك كل العربيات اللي وراك في مجال انعكاسها , وعلشان المنطقة اللي اسمها blind spot أو النقطة الميتة تبقى أصغر ما يمكن

بالمناسبة : النقطة الميتة دي بتكون ورا القوايم الخلفية يمين وشمال , بتختفي وراها عربية جاية لا هي وراك ولا هي جنبك , يعني كأنها مواربة عليك ... التوقف المفاجئ أو الانحراف المفاجئ من ناحيتك ممكن يعمل لاقدر الله مشكلة , علشان كدة النقطة دي محتاجة تتقلل , وهاتفضل موجودة في كل العربيات ما لم يكون مافيش دعائم خلفية خالص "قوايم" بجوار الزجاج الخلفي , يعني يكون ورا كله بانوراما , وفيه ناس بتتغلب عليها بالكاميرات

نرجع للمراية اللي ماطلعتش مريضة , واقوللك انها بتحاول تقلل النقطة دي قدر الإمكان , وده بيخليها تبعد الحاجات القريبة بنسبة بسيطة , والتحذير بيكون مكتوب علشان ماتعملش مناورات وغرز بالعربية من مسافات ضيقة لأن حكمك هايكون مبني على بيانات غلط وممكن يتسبب في حادث لا قدر الله

لو حابب تعرف اكتر ليه المرايات بتكون كدة Curved mirror - Wikipedia, the free encyclopedia

ولو حابب تعرف مرايات العربيات بتكون كدة ليه

Objects in mirror are closer than they appear - Wikipedia, the free encyclopedia

دمتم بخير

ما شاء الله.... فتح الله عليك
وده الرابط بتاع فيديو بيوضح اي هي الــــ Blind Spot
Defensive Driving - Blind Spots - Training Video Sample - YouTube