نائب رئيس المصرية للاتصالات: انطلاق شبكة المحمول الرابعة خلال 3 شهور

**drmsadek1979** · 20-05-2013 03:22 PM

أعلن المهندس رفعت جنيدى نائب رئيس الشركة المصرية للاتصالات للمناطق، عن انطلاق شبكة الشركة المصرية للمحمول وبدء الخدمة خلال ثلاثة أشهر على أقصى تقدير، وذلك مع اقتراب من الانتهاء من البنية التحتية للشبكة.

وأكد جنيدى أنها ستكون من شركات المحمول المنافسة فى السوق المصرى، وبها إمكانيات ومميزات عديدة ويسمح للمشترك أن يكون رقمة المحمول بالشركة هو نفسه رقم المنزل أو المكتب، وإضافة رقم 155 فقط.
منقول
يا ترى هتغير شكركتك الحالية ولو غيرت هتاخد نفس رقم بيتك او مكتبك؟

**أحمد عبدالله** · 20-05-2013 03:31 PM

!!!

**speed_magnum** · 20-05-2013 03:57 PM

انا اول مرة اشوف الخبر ده صراحه

**Ahmed_Adham** · 20-05-2013 06:01 PM

أحسن حاجه في الموضوع ده حتى للي مش هيحول عليها ان دخول شركه جديده السوق معناه سعر أرخص للدقيقه في كل الشبكات.

**khaled_1263** · 20-05-2013 07:47 PM

يعنى النت اخباره ايه يكونش هيرخص ولا لسه شويتييييين

**kondor** · 20-05-2013 07:47 PM

هما شغالين دلوقتي علشان تشتغل شبكتهم على رمضان و هيكون فيه عروض خاصة مابين الارضي و الموبايل زى يكون رقمك زى رقم بيتك مع زيادة كود الشبكة و هي شغالة دلوقتى بشكل تجريبي و مهندسين الشركة بيجربوها

**Imhotep** · 20-05-2013 07:58 PM

كان نفسى اشارككم تفاؤلكم. . . بس فعليا اللى هيحصل ان المشرحة مش ناقصة قتلى. . . اللى مستريح مع تجاربه مع التليفون الارضى يشترى محمول منهم. . . لانهم مش هيضربوا الارض تطلع خدمة عملاء محترمة او خدمة جيدة. . . بل العكس- و هو المعتاد منهم- هو المتوقع. . . هم فى ايديهم لسه كنز سايبينه يتآكل و يضمحل بالبطئ و رايحين يتحنجلوا عشان يدخلوا سوق المحمول المتشبعة اصلا و اللى شركاتها بتخسر. . . حتى فى دى نظرتهم للمستقبل غبية

**DreAmO** · 20-05-2013 08:03 PM

فعلاً فيه تجارب عالشبكه بقالها فتره

والنت عالموبايل هيكون عن طريق te data التابعه للمصريه للإتصالات

لكن موضوع نفس رقم المنزل مع إضافة الكود لمن يرغب .. دي مش عارف هينظموها ازاي

نفترض اني اخدت شريحه عاديه برقم عادي .. وتصادف ان الرقم بعد الكود هو رقم منزل لشخص اخر

وجاء الشخص الاخر وعايز الرقم زي بيته .. او او .. الخ

هي ميزه مش حلوه .. لان رقم المنزل برايفت محدش بيحب يخلط بينه وبين الموبايل

وعلى فكرة .. قريب كل شركات الإتصالاات تقدر تقدم جميع الخدمات بما فيها التليفون الارضي

يعني فودافون على سبيل المثال تقدر تقدم نت وموبايل وارضي .. واي خدمه تستجد في الإتصالات

**Ahmed_Adham** · 20-05-2013 08:18 PM

المشاركة الأصلية كتبت بواسطة imhotep

كان نفسى اشارككم تفاؤلكم. . . بس فعليا اللى هيحصل ان المشرحة مش ناقصة قتلى. . . اللى مستريح مع تجاربه مع التليفون الارضى يشترى محمول منهم. . . لانهم مش هيضربوا الارض تطلع خدمة عملاء محترمة او خدمة جيدة. . . بل العكس- و هو المعتاد منهم- هو المتوقع. . . هم فى ايديهم لسه كنز سايبينه يتآكل و يضمحل بالبطئ و رايحين يتحنجلوا عشان يدخلوا سوق المحمول المتشبعة اصلا و اللى شركاتها بتخسر. . . حتى فى دى نظرتهم للمستقبل غبية

المصريه للاتصالات بالفعل تمتلك معظم البنيه التحتيه للاتصالات وخصوصا جزء الانترنت منها وبالرسوم اللي بتحصلها من الشركات كلها سواء رسوم لستخدام البنيته التحتيه دي او رسوم تبادل مكالمات بين الارضي والمحمول وخدمات الانترنت بس هيه كمان شريك بالاسهم في شركه فودافون.

أنا شايف انهم يخليهم في شغل المطبخ ويسيبو الصالون والوجاهه للشركات الحاليه ولكن على رأيك لو مش معجب بمستوى خدماتهم وهتكمل مع شركتك الحاليه (زي مانا هعمل برضه) فبشكل عام سعر الدقيقه هينزل بدخول شركه رابعه زي ما نزل لما اتصالات دخلت السوق وبالتالي كل مستخدمين جميع الشبكات هيستفيدو وكل واحد يفضل مع شركته المفضله من غير زعل...