-
متشكر جدا لكل الردود
بس بالنسبه للفورد فوكاس هو ميعرفش عنها حاجه
وهو مش عايز هاتش باك
فشكلى هاحاول اقنعه انه يخليها شويه خاصة وانها ماشاء الله حالتها ممتازه وعامله حوالى 25000 كم
او يشوف بقى السيفيك زى ما انتو رشحتو بس بتقولو ان قطع غيارها ارخص بس واطيه واوبشنز أقل طب توكيلها نظامه ايه ؟
وبالنسبه للاستاذ ahmed a.maksoud ان شاء الله لو قرر يبيع هابقى ابلغك
ومشكورين مره اخرى
-
ايه يا جماعه محدش يعرف ولا ايه ؟
-
رايي يخلي معاه عربيته لأنه في فرق سعر جامد بين بيع المستعمل وشراء جديد وعمر عربيته ما هتصرف الفرق ده مدام مستمر ومحافظ علي صيانتها لغاية ما ينزل الشكل الجديد بتاع الميجان أو يشوف 2009 هينزل فيه ايه جديد الميجان صعب انك تلاقي عربية زيها بمواصفاتها وبسعرها وهتحس بفرق لو ركبت عربية أقل منها وتبقي حاسس انك دفعت فلوس علي الفاضى
-
انصحه يخلي عربيته و يوفر فلوسه ..دي لسة جديدة و حرام تتباع
أما لو خايف قوي
يبقى ميجان تانية و يغير اللون
انما غير الميجان مافيش حاجة هاتعجبه في الفئة السعرية دي
-
ممكن يشترى اوبل استرا بس انت بتقول انه مش بيحب الهاتش باك
ممكن سيات توليدو فى حدود 140000 عربيه حلو برده
-
انا رأيي انو يجيب هوندا سيفيك اهي يابانى وتعيش
-
يا يجيب اوكتافيا
يا يركب عربيته كمان تلات سنين او اربعه و يطلع طلعه حلوه بعدها
و ربك هو التار
ما ممكن يجيب ميجان جديده يبقي فيها عيب تصنيع او اي حاجه تضيع فرحته
و دا ممكن يحصل في اي عربيه
-
على فرض انه هبيع
العربيه بالحاله ده ممكن تجيب 90 الف جنيه
والجديد زى ما انت بتقول ب136 الف جنيه
يعنى الفرق حوالى 46 الف جنيه هيدفعهم فى عربيه هيه هيه
46 الف جنيه هيدفعوا فى عربيه ومش هيحس باحساس العربيه الجديده يعنى هيحش عربيه هيتلاقى التابلوه هوه هوه والسحب هوه حتى الاوبشين هيه هيه الكراسى
طب على فرض العربيه حصل فيها مشاكل بعد الضمان هل المشاكل ده توصل ل46 الف ؟؟
طبعا مستحيل
انا اتوقع انه لو مشى بالعربيه 100 الف كم العربيه ممكن تحتاج اقصى مبلغ من 15 الف جنيه شاملين صيانه دوريه وتغير قطع غيار زى تيل فرامل -طنابير - كارت لو باظ -طلمبه بنزين -حساس مطر لو باظ -علبه دكسيون لو باظت -دينمو لو باظ
وفى الاخر اسموا برضو ركب بيهم
انا راى انه يخلى العربيه لانه عدى اخطر مرحله الى بتبعد الناس عن الميجان وهيه سعرها الضايع لما تبعها تانى
فهوه كده كده خسران خليه يركب ويستمتع بيها بقى
-
انا شايف ان اغلب الاراء بتقول انه مايبعش ويخليها
وبالنسبه للاقتراحات الاخرى
الاوبل استرا هاتش باك وهو مش عايز هاتش باك
والسيات توليدو مانيوال وهو عايز اوتوماتيك
الهوندا سيفيك واطيه وقطع غيارها اغلى ومش متوفره اوى وتوكيلها مش اد كده
والاوكتافيا غاليه
لو فى اقتراحات تانيه ياريت اعرفها
ومتشكر جدا جدا لكل الاعضاء اللى اهتموا وردوا وحاولوا يساعدونى
-
رأى الشخصى يخليه بيها أحسن و مش مستاهلة تغيير و العربية إن شاء الله مش حيحصل فيها حاجة و ما يخافش دا راكب عربية محترمة و مش حيلاقى زيها فى فئتها
طب انا حقولك قصة حصلت لجار لى كان جايب ميجان مستعملة موديل 2005 فى أخر 2005 و فضلت معاه تقريبا 7 شهر و قام جى بيعها فى صيف 2006 و أشترى كرولا زيرو و بعد كده فؤجيت إنه باع الكرولا وجاب ميجان زيرو فى أخر 2007
بصراحة أنا الفضول زاد عندى و قلت لازم أساله ليه جاب ميجان و بعد كده باعها و جاب كرولا و بعد كده جاب ميجان تانى
لقيته قالى إنه لما جاب الميجان كان واحد صاحبه شاريها زيرو قبليها و شكره له فيها فلقى واحد مستعملة عامله أقل من 10 الف كم و حالتها حلوة فجابها لكن بعد كده سمع إشاعات كتيره عنها وخاف لا تبوظ منه و تكلفه كتير فقام جى بايعها و قال أجيب كرولا فى المضمون و قعد سنة بيها و بعد كده باعها و جاب ميجان لإنه ماقتنعش بالكرولا بعد سواقة الميجان غير إنه لاقى صاحبه العربية لسه معاه زى الفل و محصلهاش حاجة و سأل كذا واحد من ملاكها قالولوا العربية كويسة فرجع إقتنع بيها تانى و إشتراها و العربية داخلة على سنة معاه دلوقتى و بيشكر فيها جدا
على فكرة الكلام دا لسه عارفه من الأسبوع اللى فات لما قررت أسأله
Content Relevant URLs by
vBSEO 3.6.0 PL2